¹ Ofu 'dii enga Paulo ni recore maju Kristo Yesu di du cara Rubanga Andaa ni amani larire pi Kristo Yesu ni ama egini 'i ri di to. ² ma cwi ofu 'di tema Timoteyo ni 'bura madi loso a'i si ri ni. Rabunga ama Ata pi Opi amadi Yesu Kristo ni kuke anyini tutu, kiza, i'bwe to tuwa. ³ Ma nyini ecaraka o'du maa muzo Macedonia ga ri ani, kulee olu Efeso ga dudu anyi'ba 'ba zipi lini enzo di ni leni'ba ri ke'bekii ra. ⁴ 'Jo a'i'ni kulee ke'bekii o'do a'bi di a'ia vuna okole para ile ra. Le'jo ile kezi kipele 'ba lelega ni, ke'be edekii l'ejo Rubanga di 'ba lenire a'i si rii ku. ⁵ Le'jo tema cara ni ti a lokozo ri andaa ni le engare asi pelere ri ni ga, pi lara loso ri ni ga si, pi a'i anda ri ni ga si. ⁶ 'Ba azi'ba e'be leti anda ri ra, ngwiki leti lo'jo'jo mamali di ni ga. ⁷ Lekii olule luponyia cara Rubanga di di 'i,ti nikii ku le'jo a'ia lu'jole rii, kusa nga a'ia lu'jole asi tuwadu si ri sa nikii ku. ⁸ Ti ama ni ra cara Rubanga diandaa ni loso de mo'di koko vuna cara a lezo ri ani na'i. Niki cara ni loso ra, de amba cara aleka ri anii. ⁹ Amani ra a'jo cara ni a'ba 'ba anda ri si ku, rari 'ba 'ba inzwi cara ni di lamvuka ri’ni, 'ba Rubanga ebeka ra rini, 'ba enzi to rini, 'ba lini leka ku kusa l’ejo endi di ni leka ku rini, 'ba a'ia ata pi a'ia ende ni lu'dika ri pi ni. 'ba 'ba lu'dika rii ni, ¹⁰ 'ba bate ri ni, 'ba asa ede'ba rini, 'ba ’ba oguka rini, 'ba enzo lu'joka rini, 'ba le'jo ngeka enzo du rini, pi 'ba nga lele ku ri ni edeka lini anda ri a ruge rini. ¹¹ Lini 'di enga ofu loso kele mani ngele ri ni ga. Ofu loso 'dii engo Rubanga ni eku to pi ecule ri di kudi kee maa diga. ¹² Make anjo ama Opi Yesu Kristo ni okpo keree mani i'bu Andaa di ni ga ri ni, a'dusiku Andaa egeni ma wa pi Andaa 'ba ma Andaa i'bu ni ge. ¹³ Kesu molu andani mo'di Rubanga lu'dare rii, pi make ecandi 'ba zi'ba ni, pi maluko zi'ba mabusu ge ra sa'i.ti Rubanga ede mani kiza ra a'dusiku esu nga maa edele ri mani ku. ¹⁴ ti kiza ama Opi di e'be maa asi ga a'i si, pi le Kristo Yesu di si. ¹⁵ Ofu ngele 'di andaa ni gba pi ate a'ile 'ba tuwadu ni, a'jo Kristo Yesu ni emu vu dige 'diya 'ba enzi'ba ri ni larire, a'ia lelega enzi si zuare ra ri ma’i. ¹⁶ Nga Rubanga a kiza edezo mani ri 'di 'i, kesu enzi edeka si malaga ma sa'i, dudu Yesu Kristo ke'dete Andaa asi epika enzi'ba ruge ri. Andaa ede 'di dudu 'ba evo'ba Andaa ni a'ire lidi lokore ku ri ni esuzo ri kundekii. ¹⁷ Diadu kulee Opi olure tadu, dare kpe, ndele ku, Rubanga ni alu a'dite ri ni kolu laru, eku to tad tadu, Amen. ^{18 19 20} 18 Timoteo, mangwa, 'di nga maa lele meeleni nyini ri ‘i, kulee nyeera le'jo eze profetaa a 'jole nyi si rii, ekuka a'i asi si o’ja loso ri ni 'jazo askari loso ri ani. 19 ko a'i okpo pi ra loso ri to.'Ba zi pi 'ba bi le'jo 'dini ga ku ayosi enjikii a'ia a'i ra. 20 Kende Imenio pi Alesandro to, a'ini lenizo me’be a'i Satani a di ga dudu akeleni a'i kulu'dakii du Rubanga ni ku.