¹ Kiru anjilu ri thowzo ovu agura awena,`azze ma monddeh ab’ib’i ne ked’eh ruthu ri lele’se bouwa. Ab’ib’I napa kiru okwe opeezo ofo nalii oloro assee d’oku nane ne. ² Azze lago kopee ofo nalii napa oloro assee d’oku nane ne, azze kiru assiga konga orou wo d’uuu ofo nalii napa ra lele’se kede modo assiga kappa oyuw mothu ne thumogo lele’se. kiru theakeali pi oly ro one kutee assiga rumbeb’a od’ub’a kequi ofo nalii napa nan era lele’seka kaki’se. ³ Azze kiru inthi keguri angweh wo assiga kappa lele’se bouuwa, kiru okwe lob’a ni ambamba easu ithony rika kaki niki bouuwa wa. ⁴ Kiru enna lob’a ni oddo kodo imwo ayi ro kaleku bouwa wa, eyabo kodo imwo nga ab’ulieka eleki ro anyo. ⁵ Kiru adi okwe lob’a ni ambamba napa anyi kidda b’anny kappa eleki kaleku, am ate king’ong’o lob’a anyo imbba thow. Kiru api ri kang’ong’o napa andu kede easu ithony ri od’izo nini eya ithony koso mod’i ne na. ⁶ Inee kappa kaki na b’anny kappa eleh andu kondu odda ne anyo wo, ama azze kiru eleh andu eassu odda napa quwo. Lob’a ri od’ia eleh andu thumogona towe oggo kondu anyi kudda kale wo, ama odda napa eleh andu kiwejo kale lob’a ra lele’se. ⁷ Kiru inthi kappa kede easu lab’i b’ah rika niki ithethena anyi kovvo ajjuwo. Kiru nga alokwa diika kede easu ogi ri ayanga’a niki, angwi andaka kede easu b’anny rika niki. ⁸ Lob’a ri b’i kede easu iku rika ri b’i niki, angwi ‘seika kede easu eaby ri ‘sei niki. ⁹ Lob’a ri b’uku agadii kede easu od’o ri b’uku aga rika niki, azze opopigeka ri oli kede easu roggo nab’i atatuukana niki angwi kede modo lab’i kappa kongei dwary ri dii ri akole. ¹⁰ Lob’a ri icha ead’ikwe ro kede easuu ithony rika niki; api ri icha kappa ra lob’a ambamba ro king’ong’o ri b’anny kappa ne imbba thow. ¹¹ Lob’a kede easu opi ri ajju ri ossi anjilu ofo nalii oloro assee d’oku nane rina nane nini. Lago ri ru Heburo ‘se Abaddon, azze Girigi ‘se lago ri riru Apollyon. ¹² Hoe andda athii rina nane agakale ‘bwo. Indde! Eleni ri bubuwa ombwe alukwa kapile adi keavevo. ¹³ Kiru anjilu ri aziazo ovu agura awena, azze monddeh oli keaqui ogi ri thaka romomyile nane ri o’ju kapa kaki ra lele’se wo oloro orri ri andanda nane. ¹⁴ Kiru oli napa ke’jo anjilu aziazo oloro agura ro eleni ni oddo, “Iwe anjiluji ‘suuka od’ub’a owo golo me thumogo eupharate rina nane raka kale wo” ¹⁵ Anjiluji ‘suuka od’ub’a andda ithethena lao nane ni, inee nane ro, imbba nane ro, azze kii naneka kaki, kiru otwe anyi kidda b’anny ri kaka ri ad’o alobe kapile na rina kale. ¹⁶ Loked’eh long’ololie rika od’ub’a lab’i nidi mudi mudi mudury mudury mudury mudury mudi mudury ree (200,000,000), loked’eh apika ma ri eari kana kaki. ¹⁷ Ma anddeh lab’i kappa kaki orobi’se api od’ub’a raze riba kaki pi ro: kiru b’ukuka akengelikaru assi nini, kede rewarewa angwi kede oforokaru easu oya niki. Kiru lob’i kappa ri dii kede eabby ri dii niki, azze kiru assi kequi thyka lele’se angweh wo, assiga ro d’uuu, oya ro. ¹⁸ Kiru b’anny ri ad’o alobe kapile naa rina udda kale oddanguru kappa ‘se wo, assi pi, assiga ro, azze oya od’ub’a eagui angweh thyka lele’se kaki’se. ¹⁹ Ko’bwo lab’i kappa ri ambamba api ri thy kaki niah angwi icha-ko’bwo ichaka kede easu inny niki, angwi api ri dii kappa eazee bi ri juwe b’anny ni anyo wo. ²⁰ Kiru b’anny kappa ri kaka alokwa, od’ub’a andda api rikaki adi udda odda-nguru naaka kaki ‘sekuka kaki, adi antheh eab’u kappa andda api ri owe kana kaki ‘seku, lob’a oggo adi iddeh anya nususo bouwaku ‘setan kappa ni ogi ri yuro kappa eleki ro, silver ro, labylaby ro, ony ro, azze kwy-nga od’ub’a anddehku, eariku, angwi bo away d’okuka eleki. ²¹ Lob’a oggo adi antheh api ro ridida apika kaki ‘seku, ozzo apika kaki ro, thoworo apika kaki ro to owowe apika anguw rika kaki ro.