¹ Kiru ku’se kobilogo napa opee ngad’ok twodieryzo nane ‘bwo, azze kiru ruthu ri kaki kabu ngaly wo kiru abu tokojo lao ri agaga. ² Ilia wo kiru ma anddeh anjiluji twodiery od’ub’a keddeh orri ri anda, azze kiru okwe lob’a ni agura twodiery. ³ Azze anjilu kappa ri alla keaku, kiru koru yulia ri ogi ri itikwe ne de’se, keddeh yulia ri kaka romomyile nan era. Kiru yulia kappa okwe lago ni ab’iru anyi beya lago kokwe arrow kappa aggwy rib’a ri romomyi’se leebithi ogi ri thaka romomyile yulia rina nane nidi opopi ri kite napa ri andanda. ⁴ Ilia wo azze yulia kappa ri assega, b’anny aggwyb’aka eleki ri romomyi ‘se, azze konga api ro orou wo anjilu nane ri de lele’se d’uuu orri ri anda. ⁵ Kiru anjilu napa konuu yulia ri itikwe napa ne azze kob’a asse ne itikwe napa ra thoo thaka romomyile nan era lele’se. iliwo azze kobu itikwe napa ne bouwa, azze iyi lovwe kanduu akana wo, kiru kofwe tayi, azze koly bylybyly, azze kithekithe koyo ri bou ne wo kiru. ⁶ Anjiluji twodiery od’ub’a itheatheana agura twodiery anyi kovu lob’a anyo wo. ⁷ Kiru anjilu athii rina nane ovu agura awena, azze ururu kezo asse ro thiru ochari eari ro. Azze kochu bouwa anyi beya bou ri ad’o alobe kapile naa rina kogwe kale wo, kwy ri ad’o alobe kapile naa rina kogwe kale wo, anw aie nab’ulie leebithi kogwe kale wo. ⁸ Kiru anjilu ri reezo ovu agura awena, azze nga alla kede easu b’eah ne thumogo nini kogwe asse’se kiru kod’eh mearyi niah wo. Kiru mearyi ri ad’o alobe kapile naa rina ofuri eariru, ⁹ Kiru nga iffu kanaka lidy eleki ri ad’o alobe kapile naa rina mearyi niah odda kale ‘bwo, ngwi kiru roggo kappa ri ad’o alobe kapile naa rina imworo kale ‘bwo. ¹⁰ Kiru anjilu ri naazo ovu agura awena, azze ab’ib’I ne thumogo kiru kead’eh ruthu ri lele’se, koly kede ease oleng’o nini gologolo ri ad’o alobe kapile naa rina nidi iyi ri mii kappa ro. ¹¹ Kiru ab’ib’I napa ri ru kagudi. Kiru iyi kappa ri ad’o alobe kapile naa rina ofuri kagundiru wo, azze kiru b’anny nab’I udda iyi kappa od’ub’a rufub’a ang’akaruka kaki. ¹² Kiru anjilu ri ‘suuzo ovu agura awena, azze theakeali ri ad’o alobe kapile naa rina karanya wo, kede easu imbba ri ad’o alobe kapile naa rina nini ab’ib’i kappa ri ad’o alobe kapile naa rika ro. Kiru lob’a ri ad’o alobe kapile naa rina ro offoku. ¹³ Kiru ma manddeh iliii, azze ma meari ri pupu ne kiwejo orou ‘sena kiru kongwe oli no ouh ‘se oddo, “Hoe, Hoe, Hoe api od’ub’a kololow bouwaka eleki ni, ko’bwo agura assab’a ka eleki ‘se anjiluji kapile naaka eleki kovu anyi kow.