¹ Azze kiru onddeh quetechi ne thumogo ne ruthuwa wo: kiru modi nizi napa othori theakeal, se, imba ro nena napa ri pa ri bubu, azze kiru abibi ri ayanga mudury imbi ree nen napa nidii. ² Nena napa nane aha ro, azze nena napa kiru kuzwo othee ri azza se wo kiru keaby ri ngwa nothee ne wo. ³ Ilia wo angwi azze onddeh quetechi alla ne ruthuwa: inddehaba! Arra nakeal ne thumoyo akana diika twodiery azze ojuka mudury azze kiru ayanga twodiery lago dii kappa kaki ra ⁴ Azze lago ri icha keaweeh ri abibi kappa ri ado olobe kapile naa rina ne ruthu ri lele se azze kiratha ri loba ne bouwa wo. Kiru arra napa keddeh modi nizi napa oloro kondu othee ne eleni ri andanda wo, anyi beya eya nena napa othee oho, anyi beya awe kidoko nena napa ri ngwa napa kale wo. ⁵ Kiru nena napa othee ngwa nago, lufunogo, oloro andu korun opopi nyigoo kappa eleki rika leebithi oddo ri omelo se. kiru nena ri ngwago napa ongi kale orri ni awery opopi ri kite nane ro, ⁶ Azze modi nizi napa kiwijo kujoto niah wo, ofo andda orri ri itheathena kana awe n inane ra, anyi beya nena kimeh rimeh inee mudi mudury mudury iki ro mudi mudury re iki ro mudi azia (1,260). ⁷ Ilia wo azze ajju konga ruthuwa na wo, mikaele pi anjiluji aweka kaki kiru kodi arra napa kaki kodi ajju bule bube wo. ⁸ Kiru arra napa oggo ithoh ajju doku ombana keway azze itella ri loba ne wo. Kiru aggo ofo alla ruthuwa na keowo lago ri anjiluji aweka kaki ro. ⁹ Arra ne thumogo napa oloro inny nandi andda ungwe kana injwina eyabo ungwe ri setan nane, oloro andda uttuw milili pye nane kiru eabu bouwa, angwi awery anjiluji kappa eabu bouwa lago ro. ¹⁰ Azze ma meari ri oli ne kuzwa ruthuwa na wo oddo: acho elenini kiru loka eassa kale oho ambamba ro azze opopi aary orri rina, awery khristho ri kakoko ro. Kobwo modi oloro andda eal, aary adii kaki nenna nane eabu bouwa kale oho, modi oloro andda eali loba nenna aary arri ri anda ithuta angwi ineegota nane. ¹¹ Loba itella lago kobilogo ri earyi se angwi ari api ri aryizo nane se, kobwo oggo adi loba lyie api ni lidyku oggo ju kudda. ¹² Eleni se wo inyonyorita ammi ruthu kappa eleki, leebithi api oduba olowba aka ri eleki pi ro! Ama hoe bou ni mearyi ro, kobwo injwi napa ease ammi ra bouwa wa kale oho! Agoh lodo rika oga lago ne thoo wo, kobwo lao awena aliseseru te! ¹³ Kiru kuse arra napa iboringo bwo oddo eabu awe bouwa kale bwo, azze kor ei modi nizi napa ne wo oloro othe lufunogo eleni. ¹⁴ Ama kiru azze kokwe pupu ri opipige ne kapile ree modi nizi napa eleni ni, anyi beya nena napa kiwijo ofo itheathena kana awe ni kujoto niah r inane ra. Nane ofo oloro nena napa andu kimeh rimeh ni aka, lao alobe, lao kapile ree, lao ri agaga ro angweh inny napa ra lele se. ¹⁵ Azze inny napa keachuri iyi ne angweh wo awery thy lele se kede golo nini, oddo anyi bega awe kkoba bara anyi koguw nena napa kale wo. ¹⁶ Ama azze kiru bou king ara ri modi nizi napa ne wo. Kiru bou oppee awery thy azze kotheah golo napa ne wo oloro arra ri eachu kana angweh awery thy lele se nane. ¹⁷ Ilia wa azze arra napa kotha modi nizi napa eleni ni wo azze koki kale wo anyi kongi ajju nena napa ri liehoo nimbi kaki ni wo, oduba andda iruruka orri ri kayuyuko kappa anyoka kaki angwi oruu ari andda Yesu ri oryi kanaka kaki anyooka kaki anyo wo. ¹⁸ Ilia wo azze kiru arra napa keddeh meary ri chinge nidii anyo wo.