¹ Okwe ma ni guthi anyi awe easu bili rithemazo nini. Kiru enna ma ni oddo, “ngaorou azze nithema ri orri ri jo romomyile nane ne thaka kachi rina nane ro, api od’uba kasso anyo ne bouwa jo napa niah ri kaki pi ro ² Ama nodo jo romomyile nane ri akulogo r inane nithemaku, kobwo awe rina ne okwe nyigoo ni anyo wo. Loba eleh andu kutho ri e iy naggwy napa eleni ne imbba mudi suu imbi ree. ³ Ma elech andu mokwe ma ri aryi riba kapile eleki ni opopi ne anyi beya kolow mia ribaru inee 1,260, (mudi mudury mudury iki ro mudury ree ikiro mudi azia) kathatho ri kang ongo ri meke’se. ⁴ Aryi riba kappa eleki olive ri kwydu kapile ree angwi nowe nowe kapile ree oduba keddeh Rimba natha bou rina ra ⁵ Eya modi alla eapeh ri anyi kirany ri api ri erroo kappa eleki ne wo. Eleni raw o, eya modi oloro kondu laba nir anya ne eleh andu kiru idda ri kale wo. ⁶ Okwe loba ni ambamba anyi beya kumo ruthu kale anyi iyi kodo odi cao apina thomia rina eleni raku. Angwi okwe laba ni ambamba anyi beya kufu iyi earyiru angwi anyi bemba bou napa eleni oddang uru alla se easu api ri onduzo nini lao ceebithi. ⁷ Kiru elga loba iko api ri aryi napa bwo, azze kiru anyokwa keathu angweh wo ofo naliikithi napa oloro assee doku nan era lele se, azze kiru eleh andu kongi leasi ne lobar o wo azze kitella ri loba ne azze kidida ri loba ne kale wo. ⁸ azze kiru ruw apika uddaba kaki eleh andu kula ri eiy ne thumogo nane ri lojera niah wo, oduba ungwe ri ruka ne thuduthudu kaki “sodoma” pi Egypete” ro, Api nimba natha nane kiru apaka akana. ⁹ Kiru banny ra rele se leebithi, kaka ro, leada ro, azze eleh andu kotheah api ri ruw kappa uddaba eleki ne inee kapile naa agaga ro, azze kiru eleh andu laba koga eambeh wo anyi odo api ri banny kappa kaki ri ruw kappa uddaba kaki neseeku. ¹⁰ Azze kiru banny ri kaka olowba bowa waka eleki eleh andu kinyonyori loba se wo angwi kolow lonya se wo azze kiwiwicha ri okwe ne wo kobwo mia riba kapile reeka kaki izza banny kappa ololowba bouwa waka eleki oho. ¹¹ Ama inee kapile naa agaga roka eleki ri bubuwa wo, azze lidy ri ovu orri ra lele se koqui loba ni wo. Kiru kuse loba keddeh api ri pa se wo, azze kiru orei ne thumogo alla kedeh api oduba onddehba eleki ni wo. ¹² Azze loba keari ri oli ne kuzwa ruthu ri lele se loba ni oddo, “Eathuta orou wa” Ilia wo azze loba kothu orou wo ruthuwa cofu niah kiru api ri erro kappa eleki konddeh aka iliii. ¹³ Lao napa nan era azze kithekithe ne thumogo keassa, azze kiru koyosi riy ri muduryzo nane kozweri bouwa wo thoyom. Kiru idda banny mudi mudury mudury twodiery (7,000) lao kithekithi ri royozo nan era, kiru alokwa assab kaki ri ruwochu ake azze kifufura ri orri ruthu rina ne anyo wo. ¹⁴ Hoe ri reezo aga kale bwo, ama naazo ne keakeaki wo. ¹⁵ Ilia wo azze anjilu twodieryzo eleni kovu agura awen ne kiru ilia wo azze oli kuzwa ruthuwa, kejo oddo, “opopi milili rina elenini kolow aah nimba natha ni wo awery messiah nane ro, azze kiru lago eleh andu kolow opopia wo nyonyo azze nyonyo” ¹⁶ Kiru buluka mudi ree imbi suuka kaki oduba orei apiri opopi ri kiteeo orri anda kaki ruwka erei rinywa azze kosso anya ne bouwa orri ni wo. ¹⁷ Azze kiru kojo oddo: “Amma mokwe me ni piapia, rimba natha orri ratta natha leebithi, oloro elenini angwi oloro andda. Kobwo me nibilu ambamba ne thumogo me na eleni oho angwi nipipila me ri opopi napa oho. ¹⁸ Nyigoo kappa lodo riba ama agoh mena achobo eassa oho, lao uddaba kaki ri lokiko noliizo nero, angwi anyi beya eye oppee meka eleki nimbi, mia riba ro, banny agagwybaka eleki ro api oduba me ri ru norowba eleki ro eya kedina eya agwina ge kede ileh, angwi angi beya nimwo api oduba kimwo bou napa eleni ro kaleka eleki ro kale wo.” ¹⁹ Kiru ilia wo azze orri ri jo romomyile ruthu r inane kapee ri wo, azze roggo anddan awery yunga nengazom nane kiru onddeh aka jo romomyile nane niah wo. Kiru kuvwe akana med’et azze kanduw wuu azze iyi lovwe kofwe tayi azze kithekithe koyo ri bou ne, azze lofu keaguri d’uuu ururu ro.