¹ Ilia wo azze ma monddeh anjilu namba alla ne wo kea’see bouwa ruthu ri lele ‘se. kiru lago atho ri lofu ‘se, azze kiru iyi gerigeri alari lago ri dii ororon lago ri anda kede theakeali nini azze lago ri pa kappa kede assi ri chopa niki. ² Kiru lago oruu kawro ningwa napa nane dea, kiru opee ri lago r idea. Azze lago kotho awery pa nintha ne mearyi nidii azze kotho awery pa legi ne ing’a nidii. ³ Ilia wo azze kuzwa oli no ouh ‘se towe modo eaby kanduw ne. kiru ku’se lago uzwa ‘bwo, azze iyi lovwe towdiery kiru kong’a ari ne angweh woo li apika’se. ⁴ Kiru ku’se iyi lovwe kappa rwodieryka eleki ong’a ari angweh ‘bwo, azze ma mondu iwro ne wo, ama kiru azze ma meari ri oli ne wo ruthu ri lele’se ko’jo oddo “Iruruka ambwe nga od’ub’a iyi lovwe twodieryka eleki ri o’jo kana eleki kale. Nodo ari kappa niwro bouwaku.” ⁵ Kiru ilia wo anjilu napa ma ri onddeh kana oloro keddeh mearyi nidi ing’a ro nane awery pa nintha ruthuwa. ⁶ Kiru lago ombu lokoloko mod’i oloro kady nyonyo azze nyonyo nane ‘se wo, oloro iffu ruthu ne nane nga aka ri kaki ro leebithi, bou ro nga bou nidii ri eleki ro leebithi, mearyi ro nga mearyi niah ri kaki ro leebithi, azze kiru anjilu napa ko’jo oddo, “Acho kiru dilydily nab’i eleh andu kiowo. ⁷ Ama inee oloro eya anjilu ri twodieryzo kovu awery agura ne nane, azze kiru rambwe orri rina eleh andu koko kale wo, oggo easu andda lago ri ob’b’ehzo nini awery oppee kappa mia rib’a kaki ni. ⁸ Oli andda ma ri eari kana ruthu ri lele’se nane ong’a ma ni oho anwi oddo: “ki azze nonuu kawro opee kana nane ne anjilu eddeh ri meari nidii angwi ing’a nidii r inane ri de lele’se kale.” ⁹ Ilia wo azze kiru ma moki anjilu napa raw o azze menna ri lago ni anyi kokwe ma ni kawro ningwa napa nane. Azze lago ko’jo ma ni oddo, “ingathi nuu kawro napa azze nonya kale. Azze kiru eleh andu kokwe me ri ethee kolow ang’atho tholoru wo, ama eleh andu awe kede kololo me ri thyo easu ippeh nini.” ¹⁰ Kiru azze ma monuu kawro ningwa napa ne wo anjilu napa ri de lele’se azze monya. Kiru kawro napa modo kolo easu ippeh nini ma ri thyo, ama ku’se ma anya kawro napa kale ‘bwo, azze ma ri ethee kufuri ang’athotholoru wo. ¹¹ Ilia wo azze mod’I alla ko’jo ma ni oddo, “Achobo angwi andu me nufuri mia ri mod’iru wo b’anny nab’i eleki ri kiw’se, nyigoo kappa eleki ro, ong’olu kappa eleki ro, azze ajju ri oppi kappa eleki.”