¹ Ilia wo kiru kuse adi ujuma ri inee ozwazo ne eassaku. Azze diya yesu onne kale oho oddo lao awery okizo milili lele se ini eassa kale bwo azze kiru koki Atheh raw o. kiru kiyie ri banny aweka milili niah ri eleki ne anyo wo azze kiru iyie loba towetowe tokojo asseele wo. ² Ilia wo kiru lechipero oggo oba ari napa Juda Iskariote Simone ri gogo ri asidio, anyi biya biya kokwe Yesu ³ Kiru lago onne oho oddo Atheh okwe ngo leebithi awe n idea azze oddo oggo awe keaki orri ra lele se angwi awe kongwi bule orri ra wo. ⁴ Azze kowyi awery kurubaba ruw ri eleni ne kale wo. Kiru lago konuu meke anda noweezoki ne azze kibetha ri awery agaa. ⁵ Kiru azze kochu iyi ne dawa niah wo azze kidala ri banny inne kanaka eleki ri pa nujwi ne wo kiru azze lago kongeh lobar i pa ne meke awery ibetha kanaka eleki se per azze ko owy. ⁶ Ilia wo azze lago keaki Simone pethoro ra, azze pethoro kojo lago ni oddo Rinne natha, ya kiru elech me noki ma ri pa nujwe wo ileh? ⁷ Azze yesu kakkah kojo lago ni oddo, Acho diya me nikakoroku eya ma moki adunga nowe anyo elenini na, ama kiru bubuna wo azze eleh andu nikokoro ri nga napa eleni ne wo. ⁸ Azze Pethoro kojo lago ni oddo, oggo me eleh andu nujwe ma ri paku towe Quwak. Azze Yesu kakkah lago ni oddo, “Eya ma adi mujwe me ri pakuna, acho kuse andu me ninga ringa ma roku” ⁹ Azze Simone Pethoro kojo lago ni oddo, “Rinne natha, nodo ma ri pa nujwe anyo duleku, ama angwi ujwe ma ri de toh dii ro. ¹⁰ Azze Yesu kojo lago ni oddo, modi oloro ujwe ri oho ujwe ri quwo, te kujwe awery pa anyo wo ama oggo kaggwy awe ro per nyonyo wo, ammi nagagwy wo, ama banny leebithiku. ¹¹ Kobwo lago onne oho eya adi andu kakwe awe ne ne na, lago ojo asi eleni se, ammi leebithi naggwyku ¹² Kiru kuse Yesu ujwe lobar i pa kale bwo azze katho ri awery kurbaba kappa ne wo azze angwi korei bouwa azze kojo loba ni oddo Ammi nonone oddo ma awe adanga ammi ni anyo? ¹³ Ammi nungwe ri ma ne oddo rinne natha angwi Rimba natha, Azze diya acho ammi inga thoki, kobwo ini ma. ¹⁴ Ya kiru eya, Rimba natha angwi Rinni natha, ujwe ammi ri pa oho, angwi ammi ujeta ammi ri pa alla kujwe alla rina angwi alla kujwe alla rina. ¹⁵ Kobwo eleni ma menna ammi ni auw anyo anyi biya angwi oggo ammi iwe easu ma ri owezo nini ammi ni. ¹⁶ Thoki, thoki, achobo ma mojo ammi ni oddo, opeogo thumogonaku opeh awery rinne natha doku angwi jaigo thumogonaku opeh lago oloro awi nebebu ri eleni doku. ¹⁷ Eya ammi none nga eleki ne onnena, acho kuse ammi nevwi kale bwo eya ammi iwe oho na. ¹⁸ Ma anga aria mmi eleki ni leebithiku, ma anne oduba ma ri epeh kana eleki oho-ama eleni anyi biya andu kawro napa kokokale wooddo; lago oloro konya ma ri osusi ne eleni ongi awery pa orou anyi kobwe ma, ¹⁹ Ma mjo eleni ne elenini ammi ni athii kuse adi ari napa ongariku anyi biya andu eya ari napa konga ri onga wo, azze kiru ammi newo oddo INI MA. ²⁰ Thoki, thoki, achobo ma mojo ammi ni oddo, lago oloro ka iy ri modi ma ri eabbu kana eleni ne a iyi angwi ka iy ri ma ne a iy azze kiru lago oloro ka iy ri ma ne a iy, eleni, angwi ka iy ri ma ne a iy, azze kiru lago oloro ma neabbu r inane ne aiy. ²¹ Kuse yesu ojo eleni bwo, azze lago ri oyuru kidubo wo. Azze lago karyi kojo oddo, thoki, thoki achobo ma mojo ammi ni oddo ammi ri alla alobe eleh andu kokwe ma ne okwe ²² Kiru banny kappa inee kana eleki konddeh api ri ruw ne didi kopee mii ne alla ra didi kapee mii ne alla ra kiru ruwka kochu ake ne wo oddo anyi lago kong’a adi ne da. ²³ Kiru awery banny inne kanaka kaki ri alla alobe, oloro Yesu iyie lago anyo, kiru alla ri bouwa thaka ri agaa Yesu ri adona se. ²⁴ Azze Simone pethoro kegwe ri modi napa inne kana eleni ne kozy tiooot azze kojo oddo, “ing’o zyi lago lago kojo adi ne da.” ²⁵ Ilia wo azze lago kitheko ri ogu neYesu ri aga nidii azze kojo logo ni oddo, “Rinni natha, eleni adi da?” ²⁶ Kiru azze Yesu kakkah oddo, “modi oloro eya eleh andu ma meathi ri osusi ne alobe azze mokwe osusi napa ne lagoon i eleni awe.” Kiru ilia wok use lago eathi osusi napa kale bwo, azze kokwe osusi napa ne juda ni wo Simone Iskariote ri gogo. ²⁷ Kiru osusi napa ri bubuwa wo, azze lechipero koqui lago raw o, ilia wo azze Yesu kojo lago ni oddo Eya me nowe adunga ne, we napa liti.” ²⁸ Ilia wo modi alla alobe banny rullaba thaka ri agaa ri adi onneku eya lago kojolago ari napa eleni ne aduna. ²⁹ Kiru alokwa keyeye ri oddo, kobwo Juda long’e ri kubego ro, deh nguna Yesu kojo lago ni, anyi biya kogeh nga oduba akondu rika ne anyo deh oddo lago kokwe mundoto ni nga alla. ³⁰ Kuse Juda napa kiru a iy osusi bwo, azze lago koki kale wow ole, azze bou ineegoi wo. ³¹ Kiru kuse Juda napa oki kale bwo, azze Yesu kojo oddo, “Elenini wo modi agona ri ngwago akku kale oho, angwi orri kakku lago ra anyo wo. ³² Orri eleh kikku ri lago ne awery ruwo, angwi eleh andu lago kikku ri awi ne wole. ³³ Ma ri erebi, acho ge adi ma molow ammi ro lao aliru Achobo eleh andu ammi nonduw ma ne wo, angwi easu andda ma ri ojozo nini jew ri banny ni oddo ofo oloro ma moki aka nane, ammi issa aka doku Elenini angwi geh ma ini ne ammi ni. ³⁴ Ma eleh mokwe ammi ni kayuyuko nonwe ne anyo wo, oddo iyieta ammi ri ruwiyie; easu ma ri ammi niyiezo nini, angwi iyieta ammi ri ruw iyie wo. ³⁵ Eleni kiru banny leebithi eleh andu konone wo oddo ammi banny ma ri inne kanaki, eya ammi niyie ruw oho na alla kiyie ri alla ne angwi alla kiyie ri alla.” ³⁶ Azze Simone pethoro kojo lago ni oddo, “Rinne natha, anyi me noki ingo da? Azze Yesu kakkah oddo, “ofo ma ri okile nane, me ivwi ma rib u doku elenini, ama eleh andu me neaki edehle ma ri buwa bule wo.” ³⁷ Azze pethoro kojo lago ni oddo, “Rinne natha, anyi kiru ma avwi me ri buku elenini adu? Acho ma molla ma ri lidy ne bouwa mese ileh.” ³⁸ Azze Yesu kakkah oddo, “ya eleh andu me nolla me ri lidy ne bouwa ma se ileh? Thoki, thoki, achobo ma mojo me ni oddo, a ohu lago eleh andu ichiraku da athii eya adi me napeh ma daly naakuna.”