1
Nafa atuhok inyia mojo to nobo mai, etiara lobo heyiyanai honyie hijo, “Habu, itiyana iyyohoi mojo anyar eyyen iyyohoi iyya nafa etiyanari Yoani lefahat illo honyie.”
2
Ejio Yesu to hose, “La mojo itai, itijo 'Monye, isiara fure nohoi hotolibe. Tojo obie nohoi hawoŋ.
3
Isiara toohoi ena ŋiria nohooi inna to holoŋi.
4
Ibusak hiyyata innohoi iyya inna ebusahini iyyohoi hiyyo illo horosi hohoi. Heyari iyyohooi to hisusuta.'”
5
Atta Yesu hijo to hosie, “Lari lia tara hatai lowuon iso ho mote, atta eno to honyie ta harie, ''Illa heluwak nayya ilak imuniaha lohunik,
6
Lia lobo motte hanaŋ heba bi iyyania ojo hilak hirro obe ille aremik naŋ hisio to honyie.'
7
Ojo lia to hotwai haji atta hitiraŋ hijo, ‘Baŋa etigiama nayya, esiono ikat, ojo durre innanaŋ daŋ owuana ta massik he iferiti. Abe nayya aremik diote hesiarari imuniaha tohoi.'
8
Ajo naŋ ta hatai, ojo ida hido inyia abe inyie adioto hesiarari to hoi.
Iyyania lera iyye amotte honyie, ati iyyania lanyar itai lewuanari ho riri, hadule, odioto iso inyie atta hisio to hoi imuniaha aria man inno oremik to hoi.
9
Ajo naŋ daŋ ta hatai, ifia, atta iso hisio ta hatai, itufai, ejo iso itai errumu, ikukuho, ojo iso ikat aŋa ta hatai.
10
To tuŋani lelefia, esiarahini ojo to tuŋani leletufa orrumu iso inyia; ojo to tuŋani lelekukuho aŋa iso ikat to honyie.
11
Ŋai lia tara hatai lefi lonyi honyie monye imune, ojo monye atta hisio to honyie morwo ta mai he imune. Kuya hami atta hisio munu?
12
Kuya lefia inyia hatteli, atta hisio to honyie hito?
13
Ta mai nia, lera itai hegiamak ho hipalita anyar eyyen hijo innari olibo esio to durre hatai, hara iso jai inne esio Monye hatai te ido Loyiri lolibo to hullo lefia inyia?”
14
Ta halu, atta Yesu efuhai miniaŋa ade tara lobo tuŋani lafa lobe ero.
Nafa erwat miniaŋa ade atta tuŋani lafa lodwa hiro. Elliliha ifa iluluŋ!
15
Ati atta hilak hijo, “Hillohitok no Belsebul lettok lo miniaŋa ne efuhari inyia miniaŋa.”
16
Eciem illak inyia hijo ewak isie hitimijani honyie te ido.”
17
Ati oyyen Yesu higigilita innohose atta hijo to hose, “Lahabwe daŋ nolobwanya to wan, oturo iso hame, ojo haji nolobwanya to hiji ohuye iso.
18
Lebwany Sitan wan nohonyie hame, howeta iso obie nohonyie jai. Ejio itai hijo efuhita nayya miniaŋa to hillohitok no Belsebul.
19
Le efuhai naŋ miniaŋa to hillohitok no Belsebul, ta ŋai efuhita heyiyanak illahatai isia ade? Ara iso isia haŋotok illahatai.
20
Ati lefuhai nayya miniaŋa to hafialai no Hollum, ottu iso obie no Hollum ta hatai.
21
Lowuon lobo tuŋani logol he iremiti innohonyie heririari haji honyie, otuba iso hirro innohonyie dia,
22
Ati lawoŋ lobo tuŋani ille logol ŋamire inyia, tuŋani lia lologol eyari hiremiti tara tuŋani lie ojo orujori ibariti honyie.
23
Lie lobe lowuon ikanaŋ ara amereni hanaŋ. Ojo lolobe otubahini hanaŋ esarik iso.
24
Le no oyiri no lorru ade tara tuŋani, ojiŋe to masik inno lobe hifioŋ hetufari mai iwetit. Lobe orrumu, ojo inyia hijo, 'Awu naŋ iso aciahari ahaji nara attuni naŋ.'
25
To hiba nohonyie, orrumu haji nya lofia ojo ehuhumahini nalanyar.
26
Niya, atta ŋawoŋ iko hinak oyirihien hattarik inno orru no agalik inyia hamanyari dia. Ati to hucuŋi orun fa manya no tuŋani lia no agalik nafa to hitieri.”
27
Nafa ŋatuhok inyia hiro nohonyie, atta nobo hiito noŋorwo hihaf hutuk nohonyie ahide to hiji he iluluŋ atta hijo to honyie, “Hotowuana jaha to hosehe nafa lesiu iyye ojo hinna nafa etidasu iyye.”
28
Atta ati Yesu hijo “Hotowuana jaha to hosie ilia ille etiru hirro inno Hollum atta attunak.”
29
Iyya nafa ebibolori iluluŋ no hiyyo man aria, atta inyie hitira hiro, “Hilahaji inna amuria hilahaji inna. Osiaha iheriti ati obe iso nobo ne esiarahini to hose aracie hiherit no Yona.
30
Iyya nafa aracie Yona ahutuhuti to hilahaji inna.
31
Odioto iso Habu hiito noŋorwo no Seba to ŋolon to ŋoto no hiram. Atta etisiahak hiyyo hullo iyania nyo ottu inyia ta fau honyie na lalama hetiruni ofioroho inno Habu Solomone. Elimak nayya itai, owuon lobo tuŋani inni lalagalik Solomone.
32
Owueta iso hiyyo illo Nineva to holoŋ no ŋoto ho hiram, atta etisiahak hiyyo illo ena, nyo ebusak ifa isia hiyyata innohosie nafa etiruni isia hitito no Yoani. Elimak nayya itai owuon lobo tuŋani inni lalagalik Yoani!
33
Obe lobo tuŋani etuwulek hima to lomo honyie atta eŋofok ta mai noloriok atta emuhok to hotwai ho gufa, attati ahasak to filili anyar illo lojiŋai, egonyu iciala.
34
Ati ara honyiek allomo to wan hoi. Lolibe honyiek hoi, aciala wan hoi bi daŋ. Ati lobe honyiek hoi olibo, atta wan hoi hufut he idumele.
35
Ihuma riŋa hijo hotobiaŋa cialai nia lowuon to hotwai hatai ara idumele.
36
Lowuana ania, lefut wan nohoi daŋ ho cialai obe lobo mai owuon he idumele, ara iso wan nohoi iyya lomo nia etifaŋ iyye.”
37
Nafa attuhok inyia hiro, efia ifa lobo lo Farisei inyia heno he inyie ahaŋ honyie ladahari, ati atta Yesu ajiŋe ahotwai atta afirie ta fau.
38
Ojo olo Farisei lia atta hililiha hijo adaha Yesu obe ellilla has.
39
Atta ati Habu hijo to honyie, “Iyyani ta hatai Farisei, ellilla itai horwoŋitek inno kubayat iko fedito ati ojo hotwajin innahatai efut iko hiŋaru ojo run.
40
Hullo lobe higigilita hulloŋ obe lara hayyani ho horwoŋ loyieu hotwai?
41
Isiara to lociaŋak inno lowuon ta hatai, ojo hirro daŋ atta ati libe ta hatai.
42
Ati orru iso ta hatai Farisei nyo esiorita itai arobiya hatai hunna tomon man to hoyiek inno mana, eijo itai eguwe ibisiti iko mune no Hollum. Osiru hehumari no lobis ojo emunori Hollum hotobiaŋa eguwe, ebe legiem hirro niyya innak daŋ.
43
Orru iso ta hatai Farisei, nyo lemuno itai hitolojita inno hosiere to Sinnagogi ho hifonya ta baŋi ta masik inno Suk.
44
Orru iso ta hatai, lewuon itai iyya ilumioho inno lobe hituhutita hunna leririo hiyyo obe ŋai loyyen.”
45
Atta lobo hetiyanani lo hifahita lo Yudei hitiraŋ inyia hijo, “Hetiyanani, inne lijo iyye omoro iyyohoi daŋ.”
46
Atta Yesu hijo, “Orru iso ta hatai hetiyanak illo ifahita! Emiatak itai hiyyo hirro inno logol heyuhitai, ati ibe itai eremik hittir to hafiala innahatai.
47
Orru iso ta hatai, nyo iduhok itai ilumioho to hekilak, ati hohonyiok illahatai ifa ottohe isia.
48
Ira itai a suti, te igiem no hohonyiok illahatai, nyo ottohe ifa isia hekilak, illafa eduhok itai ilumioho to hose.
49
To hiram to nia, eijo hidofe lofioroho inno Hollum, 'Efahak iso naŋ hekilani iko lefahat to hosie illo lofwo hitigem atta attohe illak illohosie.’
50
Ara iso hilahaji inna hatohok ho hekilak illafa ho beren to hitieri na fa, ojo hoto nohosie ehiana ekumohini to hose.
51
Teyya hoto no Abel man to hoto no Sakariya, lafa otohok hiyyo to hiji ha altari iko ta haji imojit no lodua. E e, ajo naŋ ta hatai, ara hilahaji innaŋ hilahaji no lottu wueta ta far no ŋoto.
52
Orru iso ta hatai hetiyanak illo hifahita illo Yudei nyo adumu itai iŋanyit lo ofioroho; ebe itai lijiŋak to wati innahatai, eijo itai etihita ilia illo ojiŋita.”
53
Ta halu eno Yesu ade, atta hegiorok illo Farisei hitirija inyia to hirro aria,
54
Awak etilohu inyia to hirorita innohonyie.