¹ Yuda, hegiamani lo Yesu Kristo, iko ilasi Yakobo, te ilia ille eliloŋini, halasira to Hollum Monye, iko alafa ottuna ilo Yesu Kristo: ² Isiara hamehini iko himwara ojo mune hotofonihini ta hatai. ³ Halasira, tanafa awahari naŋ egiorohini ta hatai to hetilahini nafa hohoi, egiorok ifa naŋ ta hatai hijo anyar egol itai ejio hidofe edule weta to huruk nafa ara daŋ no hiyo ilo Hollum. ⁴ Ajiŋak ilak hiyyoto tohiji hatai. Hiyyo illafa aŋotohini hikumo tohosia. Hiyyo illafa obe ara heruhok, hiyyo ille eloit hamehini no Hollum lohoi hijo eruk Hollum daŋ hirro inno somon, atta hidofe risai Etok iko Habu, lohoi Yesu Kristo. ⁵ Iyyania awak naŋ elimak ta hatai- ara ida hido hijo eyyen itai binno -hijo etilahu ifa Habu hiyyo ta fau ha Masir, ati ifa tahalu atta inyia hitihar illafa lobe eruk. ⁶ Ojo, anjilohien illafa lobe oweta tamasik hose-atta ebusari innohosie innafa lamanyari isia- Eniefita ifa Hollum isia ta haririk no losio fur, to edumele no obolo man ta far no aŋotori hiyyo hediya. ⁷ Ara iyya Sodoma ho Gomora iko doŋiok ino owon aŋati hosie, innafa esio wati innohose to somon atta ejufari iwahiti inno watye innohosie. Etuhutek ifa nia to ilia hitigiama no hima na afanu isia arrumu nolosio fur. ⁸ Ati to hikoi tonia, hidofe etihara herigiak illia wati innohosie.Ebo ettaaha illohosie, ero noloru ta anjilohien. ⁹ Ati hata Mikele anjilo lafa hittok, nafa orijari inyia ho sitan to hiram no wan no Mose, obe ifa inyia ero toŋoto honyie, ati ojo inyia, "Isiara Habu heriŋa iyye!" ¹⁰ Ati hiyyo elia omoro hirro hunna lobe isie loyyen; Nyo nia loyyen isie-eri iyya ciaŋi, Hirro hunna inne etihar isia. ¹¹ Orru iso to hose! Olot isia to hiko no Kaino, atta efie to hutujara no hipali no Balaam. Man oye isia to omorohe no Korah. ¹² Are hiyo ilia iyya mowro ina etiho na encak engere isia bi no ladaha isia ikatai takarama obe iri, to wati hose. Ara isia iyaa itiran no obe hifioŋ, ohutari oyyami, yani inno hameu huno obe haŋer- oye hinyiahita arik, orutuni man to hade- ¹³ efalaha hifioŋ inno hari netok, eharuto iri nohose, owuon iyya haher inno ebunyita-ilo oriok idumele to hosi man fur. ¹⁴ Ekilu ifa Enok, lafa ara hitahatarihi tara Adam hiram no hiyyo hulloŋ hijo, "Ituwolo! Awoŋ Habu iko alif ojo alif ilo haliborok ilohonyie. ¹⁵ Otu inya ekumori hiyyo daŋ. Otu inya hitiliek hiyyo dang illo ebo Hollum ojo higemita innohose ojo hiyyo illo obe etumuno Hollum iko hirorita innohose inno loru innafa ero heyyak noloru to hosie." ¹⁶ Ara isia hamiasak, heŋuŋunutak, ille ejufuta iwahiti innohose inno lorru, hetidarak, te iwahiti innohose, enyiaba ilak. ¹⁷ Ati itai halasira ele amuno nang, itiyyen hirro innafa ero lefahat illo Habu lohoi Yesu Kristo ifa beren. ¹⁸ Ojo isia ta hatai, "To hucuŋi no holoŋitek owuon iso henyiabak ille ejufuta iwahiti innohose inno loru." ¹⁹ Hiro inia eyani bwanya, ara ino fau ojo isia obe owan ho Loyiri. ²⁰ Ati itai, halasira, iyya eduho itai wati innahatai to huruk nolibo, Itimoje to Loyiri no Olibo, ²¹ itudule to mune no Hollum, ejio itai etila to hamehini na Habu lohoi Yesu Kristo no eyyani ta hatai wuaran no osio fur. ²² Ituhutek hamehini to ilia ille ekuyya. ²³ Ituluahu illamuk ade to hima; to illak ituhutek hamehini ta baŋi, atta itai hibo boŋo no etibwoti wan. ²⁴ Iyyania to lia oremik ebusak itai to huyuta, ojo hidofe ehumak itai hotowetai to hosiere honyi, obe roso ojo mune nobolo, ²⁵ to Hollum hame etilahani hohoi to Yesu Kristo Habu lohoi, hotowuana ohwo, hilahaman, himumura, ojo golon--ifa beren, iyyania, iko ahosiere. Amen.