¹ To howiti Gaius, lo amuno naye dede. ² Motte, amojo naya hijo awu iso nalanyar iko anyar olibo wan nohoi, iya olibo oholio nohoi. ³ Amuno naŋ bino iya hafanini no halasirak elimahini ibisit nohoi, iyya elot iyye to bisan. ⁴ Obe nang awaun honobo mune nalagalik inna, hetiruni hijo odule durre ilalaŋ loton to bisan. ⁵ Motte hanaŋ, todule to huruk iyya legiama iye to halasirak iko ta hatamonok. ⁶ Elosut naŋ mune nohoi to Kelesia.Egiama yye nalanyar to hefahak isia to hikoi no osiru tara Hollum, ⁷ Ofwo isia to fure na Habu, obe isia oremik amoju innak hirro tara hiyyo illo lobe ara heruhok. ⁸ Anyar efutu iyyohoi isia nalanyar iyya hegiama elo bisan. ⁹ Egiorok ifa naŋ hirro inak to Kelesia, ati Diotrephes, lolomuno hira hosiere to ro hosia, ebo efotu iyyohoi. ¹⁰ Lawang naŋ, atu iso naŋ elimak itai hirro inno omwaŋari inyia iyohoi, iko hirro inno orru. Obe ara innia hamai hidofe ebo inyia efotu ilasira hidofe etik hiyyo alo owak efutu elasira, ojo hidofe atta hifuhuta isia to Kelesia. ¹¹ Motiarak, ibaŋa ejufuta hirro inno orru ati ejufutai hirro inno olibo. Lai lehuma nalanyar; ara iso inyia lo Hollum; hiyo ele ehuma noloru obeŋ egonyu Hollum. ¹² Demetiros arumu iyya ariama to rohiyo to hiruk hilahode dede. Ero hidofe iyyohoi ta ariamara nohonyei, ejio hidofe itai eyyenariamara no hiruk dede. ¹³ Owuon hirro arria inno ajo naŋ egiorok ta hatai, ati abe naŋ awak egiorok tagalam iko hifioŋ inno galam. ¹⁴ Attu iso naŋ hiwolo itai kwak, atti afanu iso hiro to homomite. ¹⁵ Hotowuana himwara ta hatai. Efonya motiarak hatai. Isiara hifonya nanaŋ to motiarak hohoi tofureta.