¹ Ara innaŋ iyya hinyiahita hunik inna attuni nayya ta hatai. To hutuhe inno hiyyo lohorik kuyya lohunik hetiyanak ille eruk hiyyo hiro nohosie. ² Elimak ifa nayya to hiyyo hullo eyyau wati arik ho hullo illak daŋ nafa awuanari nayya daŋ hatai to hitarihi nafa attuni naŋ, ati iyyania enyiak nayya hilima ta hatai: Ati awoŋ naŋ abe nayya enyiak amehini isia. ³ Ero naŋ iyyania nyo esiaha itai hituhuti nafa ero Kristo ta nayya. Obe inyia elik ta hatai; ati egiama inyia to hiji hatai binno no ogol. ⁴ To nyo esiohini ifa inyia to hilik, ati owuar inyia to golon no Hollum. Ati elik hidofe iyyohoi daŋ to honyie, ati emanya iso iyyohoi he inyia to golon no Hollum lo owuon ta hatai. ⁵ Iticiem tajia innahatai anyar eyyen itai hijo kuyya ewuon itai ho hiruk. iticiem tajia innahatai dede. Ibe itai eyyen hijo owuon Yesu Kristo ta tajia hatai? Owuon inyia kuyya ebe itai era dede onyirok ho Hollum. ⁶ Ati eyyik nayya hijo eyyen itai hijo era iyyohoi daŋ durre illo Hollum. ⁷ Iyyania emojo iyyohoi to Hollum hijo hotobiaŋa iyyohoi ehuma no lorru, obe ara hijo anyar osiru higiama nohoi, ati anyar ihumari na lo anyar hijo era hido hiyyo hijo ebe iyyohoi era adurre illo Hollum dede. ⁸ To nyo etaluk iyyohoi hitik hirro hunna dede ati egiama iyyohoi to bisan. ⁹ Emuno iyyohoi la agolon itai ejio iyyohoi elik. Ejio iyyohoi emojo hijo anyar ebibolori itai. ¹⁰ Egioro nayya saŋ ajio naŋ abe tara hatai, anyar attu nayya hirro ta hatai inna ogol to duaran ne esio Habu ta hanaŋ hijo anyar etigolori itai, obe ara anyar etatturori itai. ¹¹ Hucuŋi nohonyie halasirak ho hanasirak hanaŋ, itumune! Isiara tajia innahatai hoto golo to huruk ojio hidofe elik, ittolojo to higigilo nobotie, itimanyiai to hilik na tajia, ojio iso Hollum lo owuon iko mune ojo himwara hotowuana daŋ hatai. ¹² Itifonyak halasirak hatai to hifonya no olibo. ¹³ Etifonya hiyyo illo Hollum daŋ itai. ¹⁴ Isiara hamehini na Habu Yesu Kristo ojio mune no Hollum ojio riaha no Oyiri lo Olibo hotowuanai daŋ hatai.