¹ Anyar nayya etidara, ati obe iso innak hirro afanu nyaru to hitidara nia. Ati ero nayya to hijiriŋa iko to hirro hunna etilek Habu ta hanaŋ. ² Amijak nayya nobo tuŋani to hotue ho Kristo ojo hidofe nia ta halu ho ŋasi tomon ha aŋwan man ta nafa akafari Hollum inyia a'ido to holoŋ hitahunihi, kuyya ara to wan nohonyie kuyya obe, abe nayya ayyen, ati Hollum inyia oyyen. ³ Ati ayyen nayya tuŋani lia--kuyya to wan nohonyie, kuyya obe ara to wan nohonyie, obe naŋ ayyen, ati kuyya Hollum oyyen-- ⁴ efitini ifa in ni ho paradiso iko hetirini no hirro hunna etibaŋa tuŋani lobo herarari. ⁵ Etidara iso nayya to tuvani lia. Ati iyya ta hanaŋ obe iso naŋ etidara, ati ara to fiaha nanaŋ. ⁶ Kuyya la wahan naŋ hitidara, abe iso nayya ara obolit, ahu iso nayya hirro hunna bi dede. Ahu iso naŋ hefihak hitidara, hijo hotobiaŋa ida lobo tuŋani egigilo ta nayya bi inna na agalik nya egonyuni iko hetirini tara hanaŋ. ⁷ Iyya ta nyalami nia tara hanaŋ inno halieu, ahu iso naŋ hefiyak ade. Ati abe naŋ iso afiari ade to hitidara, iyya te irruti hunna esio ta hanaŋ, efahati lo ottu tara sitan hijo anyar etihar nayya, abe iso nayya ara ahetidarani ille no. ⁸ Efia iso nayya ta Habu to hirro te inia man hinyiahita hunik, hijo te itai he eyari ade tara hanaŋ. Ojo ati inyia ta hanaŋ hijo, " ⁹ Isiara hamehini hanaŋ hotoremik ta hatai, ehumahini hifiriwa nololibo to fiahajo." ¹⁰ Ojo iyyania hiram no Kristo, amuno nayya to hilihita, to imoriti, to hitigiamta, iko to golon no hijiriŋa, nyo la afiahajo nayya, atta iso nayya golon. ¹¹ Era nayya lobolit! Ati arrosok itai ta hanaŋ hijo egiama, etihabuwo ida hiyyo nayya te itai. Abe ifa nayya ara assai to hejufutak, ara ida hido naŋ asai. ¹² To hejifutak hullo dede ara igem to hiji hosie to dihan, to halieu, iko to libe no higiamita. ¹³ Efiyak ifa itai jai to hiji ho innamuk ikelesiaha, ati abe ifa naŋ amirak itai. Ati ibusak nayya to hipalita inia! ¹⁴ Itiriŋe ati, awuana naŋ la ajo attu ta hatai to hitahunuhi no holoŋ. Ati abe iso naŋ amirak itai, nyo abe nayia awak hirroinna hatai, ati awak naŋ itai. Hotobiaŋa ida durre ottunahini to monye iko hotonye. Ati isiara ida monye iko hotonye hotottunak to durre. ¹⁵ Esahak iso naŋ mune nanaŋ to oyirihien innahatai. ŋa la mune nayya itai, odicio iso mahu mune nahatai ta hanaŋ? ¹⁶ Ati iyya ojo tiji, abe naŋ amirak itai hamojori arobiyaha. Ati ojo illak hijo ara to hinyiaba iko teleri no poco no hirro ta hatai. ¹⁷ Eyari ifa naŋ hijo anyar efahitari itai? ¹⁸ Efahak ifa naŋ Tito ta hatai adiya. Ebe ifa iyyohoi elot to hikoi iko higemita nobotie? ¹⁹ Igigilo itai to holoŋitek daŋ hijo itai ifa etiluwaha wati innohoi? Ati to hosiere ho Hollum, ero iyyohoi hirro bidaŋ to Kristo hijo anyar itai egol. ²⁰ Abaŋ naŋ hijo lawahan nayya awoŋ, kuyya abe naŋ attu arrumu itai iyya nia awahari nayya. Abaŋ hidofe nayya hijo ebe iso itai afanu arrumu nayya iyya to higigilo nahatai. Awuon naŋ la abaŋ bi hijo kuyya ewuon itai iko irijiti, hayini, imoriti to jore, hurrute, imwoŋiti, hitidara iko baha. ²¹ Abaŋ nayya hijo la aciohini naŋ, etinyalam iso Hollum lalaŋ nayya to hosiere hatai. Abaŋ hidofe naŋ hijo afanu iso hiyyo illafa eyyau iko ilia holobe hiruk hipalita, isomiti, iko iwahiti inno wati innohosie hunna ehuhuma isia hitijiriŋa nayya.