¹ Ara ifa iko nayya, halasirak iko hanasirak, nafa awoŋ nayya ta hatai, abe nayya ifa attu iko hirro inno ogol kuyya ofioroho iyya elimak naŋ ta hatai ofioroho inno Hollum. ² Ati abe nayya awak innak hirro iyya nafa awuanari nayya ika itai aracie Yesu Kristo hame iko ye nohonyie to kuruce ³ Ati attu nayya ifa ta hatai to fiahaji iko ta baŋi nettok. ⁴ Sayye nanaŋ iko hitiyana nanaŋ obe ifa ara iko lofiorojok ojo duaran iko hetihutek golon no Oyiri no Hollum ta hatai. ⁵ Anyar hotobiaŋa hiruk nahatai oyiri to ofioroho inno tuŋani, ati to golon no Hollum. ⁶ Ati, ero nayya sayye no hilofere to hiji ho hiyyo illo obolo, ati obe ara ofioroho inno hilahaji no hekumok hullo he iyyania, illo obe afanu egiamari innak hirro. ⁷ Obe, etiyana nayya ofioroho inno Hollum, huno agalik ofioroho inno hiyyo, inne eŋofo, innafa otiorok Hollum te iyyohoi holobe ŋasi inno lohuo nohoi. ⁸ Obe lobo tara lettaha hullo ha ŋasi hunna oyyen ofioroho, nara no etiru isia to holoŋ nafa nia, nobe isia esihok Habu lo kwatan. ⁹ ati iyya egioro, hijo, "Hirro inno obe nobo honyek egonyu, obe lobo hiyok ne etiru, obe nobo hoo no ogilu, hirro inno otiorok Hollum to hiyyo illo omuno inyia." ¹⁰ Hirro niyya hunna etihutek Hollum tohoi to Oyiri. nyo osiaha Oyiri hirro bidaŋ, man to hirro inno Hollum hunna ogol. ¹¹ ŋai to hiji ho hiyyo oyyen higigilita inno tuŋani aracie Oyiri no tuŋani nolowuon to hotwai honyie? Daŋ ania, obe tuŋani oyyen higigilita inno Hollum aracie Oyiri no Hollum. ¹² Ati obe iyyohoi emoju Oyiri na fau, ati Oyiri no Hollum, hijo anyar iyyohoi emijak hirro inne esio Hollum to hoi asai. ¹³ Erro iyyohoi hirro inno etuhutek Oyiri iyyohoi, inno obe ofioroho inno hiyyo etiyana, eloitok Oyiri hirro inno Oyiri to ofioroho inno Oyiri. ¹⁴ Ati tuŋani lo obe owuon iko Oyiri obe inyia oyrumu hirro inno Oyiri no Hollum, nyo ara isia hirro inno ifiahajiti to honyie. ¹⁵ lia lo owuon iko Oyiri oŋot hirro daŋ, ati obe ara hijo anyar oŋoto inyia hirro inno illak. ¹⁶ "Ŋai oyyen hoo na Habu, hijo anyar etuhutek inyia?" Ati ewuon iyyohoi iko hoo no Kristo.