¹ Ani amarwani klesya, egyoro ni jyo aŋotte on onyimuni iko aduri honyi hun amuno ni ta nelahode. Obyaŋara ani hama al amuno’to itai ati omunoi hya daŋ hul omijani nelahode. ² Amuno ni itai te eram ono nelahode an amanya’to itwajin hohoi bwo fe etoŋo adi ikohoi fur. ³ Ijara amehino bwo namuno iko nelik taji hatawana jihohoi, nyo ofwonni erre huna jyo Hollum Monye hohoi iko jyo Yesu Kristo Lonyi Monye hohoi ta nelahode iko namuno. ⁴ Amuno ni bebe nyo anyurak ni omuk aduri hoi hul adahai ilahode, ihwa ifak Monye hohoi jihohoi. ⁵ Bwo fe ihwania hanioŋ, elolya ni jihoi jo oŋida hohoi emuno illarak hohoi. Abeŋ ni egyoro efahi aŋejuk jihoi ati ara ana efahi an isyori jihohoi many t’etteri. ⁶ Ara ana namuno jo oŋida hohoi ejifatyo efahita Hollum. Bwo efahi ana jo oŋida itai idahati ta namuno ihwa itaniŋuna tai many t’etteri. ⁷ Owoni lenyabak arryai ifau, isi hul ojori jo obeŋ nya Yesu Kristo ottu ihwa atulo. Aati hul ikyanai ihwania arai isi ahenyabak iko amyorok Kristo. ⁸ Ihumata mijo ŋadi erre hunya ettiyenio hohoi jihatai olitohini ati al igotyete tai isi ifwotuna adi itai edumit on obolo. ⁹ Lya al isyaba’to bwo obeŋ ogolik ittiyenita huno Kristo, obeŋ inyi owon iko Hollum. Lya ol ogolik’to ittiyenita huno Kristo owon inyi iko Monye bwo fe Lonyi honyi. ¹⁰ Kuyya ottu obo atulo jihatai ol obeŋ’to ittiyenio nettiyenita hunia, herraŋuna inyi ihaji hatai bwo fe hefonyata inyi. ¹¹ Lya al ifonyo’to inyi iruk inyi bwo fe ehanita honyi hun orrohoji’to. ¹² Owoni erre arryai hun awak ni igyoro jihatai ati abeŋ adi ni egyoro isi ta awaraga iko ta aari galam, ati eyihi ni jo attu adi ni jihatai bwo fe ekyana adi ni ihomomite hatai jo oŋida namuno hohoi ifut. ¹³ Itifonyai aduri iye, isi aduri hanie hoi on onyimuni