¹ Egyorok hohoi jihatai to lya linya owon’to t’etteri. Etaniŋu nya hohoi jihonyi, egonyu hohoi inyi to oŋite hohoi, eŋiŋyala hohoi bwo fe ettir inyi ta ahas hohoi; inyi Nekyana ono Nesu. ² Italeyeuni nya nesu ania jihohoi bwo egonyu hohoi inyi, ette hohoi ratan ahetamijanak honyi iramaniere jihatai nesu on osyo fur. Owon nya inyi iko Monye bwo italeyehini inyi jihohoi. ³ Inyi lya linya egonyu hohoi bwo fe etaniŋu, ette iramana jihatai jo oŋida itai erryaha ikohoi. Nyo erryaha hohoi iko Monye bwo fe iko Lonyi honyi Yesu Kristo. ⁴ Egyoro hohoi erre huna jihatai jo oŋida amuno hohoi ifut. ⁵ Ara huna asayyo hun etaniŋu hohoi jihonyi bwo fe eramak jihatai jo ara Hollum afaŋan bwo obeŋ nedumele jihonyi. ⁶ Al ejo hohoi jo, erryaha hohoi iko Hollum bwo edulo adaha idumele egesem hohoi bwo fe ebeŋ hohoi ehanio nelahode. ⁷ Ati al edaha hohoi ifaŋan ihwa owon inyi ifaŋan erryaha hohoi iko illarak hohoi, bwo nooto ono Yesu Lonyi honyi italibo hohoi t’eyyata hohoi daŋ. ⁸ Al ejo hohoi jo ebeŋ hohoi eyyau enyobyo hohoi ahwattek hohoi, bwo obeŋ nelahode jihohoi. ⁹ Al eruhok hohoi eyyata hohoi italibo inyi hohoi t’eyyata hohoi daŋ nyo obis inyi bwo fe obeŋ inyobyo. ¹⁰ Al ejo hohoi jo ebeŋ hohoi eyyau, etagesemyo hohoi inyi bwo obeŋ nekyana honyi owon jihohoi.