1 I ciak kof na li ciahini Josep to Jordan ngati lo okangere lo ipulahi kulo kifi kulo Jeriko oto o loo kai to inyia ara katua lo kuny many kof lo dongecio kulo Betel. 2 O ringe to Betel (na lara Luz) o range iya kof lo cio kulo Arki na lara Ataros. 3 i culoro iya ngati lo lodoyorore lo kolong iya kof lo cio kulo Japlet o goru many ngati lo Bet Horon o ringe to inyia iya Gezer, o loo i cung nam lo Mediterranean. 4 Tona orumu Manase ko Epraim imaniti kulo lotataha kulo Josep lolunyot neicieng. 5 Ara orumu ene kof lo imanit lo Epraim na li jifita agwalahin kunenge: O loo lohikori lo kof neicieng to Ataros Adar to ngati lo okangere many kai lo Bet Horon 6 manyu o sodoro iya nam lo Mediterranean. To Mikmesas ngati lo kai o kudoro iya Taanas Silo o gis ara ijia o loo Janoa ngati lo okangere. 7 Oto ko ringaru i culoro to Janoa iya Ataros ko Naara o tir Jeriko ko rutuno iya Jordan. 8 To Tapua o loo lohikori iya ngati lo Orof iya torit lo Kana o loo manyu i cung nam lo Mediterranean. Ara afa ene kof lolunyot lo imanit lo Epraim i jifita agwalahin kunenge. 9 I moru manyu kangite kunenge ko kangite kuna li rit icieng fad kuna li caahini ara kulo imanit lo Epraim iyo katua lo kof lolunyot lo imanit lo Manase. 10 Ida afa icieng i fuhe cio kulo Kanaan kuna lo manya Gezer, ko jijia o manya kuna cio kulo Kanaan kiji lo cio kulo imanit lo Epraim ati i fudahini icieng ki tiyo tic lo panyar.