¹ Kof na li caahini iyo imanit lo Juda i jifita agwalahin kunenge o loo i ric ko kof lo Edom many kuny lo Zin na lo ngon ngati lo Orof tur. ² I ciak lohikori neicieng to ladoket to ngati lo Orof lo lohicungi lo nam lo Balang. ³ o rang to ngati lo Orof lo Skopion Pas i ringe iya Zin o ringita to inyia iya ngati lo Orof lo Kades Bernea. Oto hati o lotu o rang Hezron o ringe many Adar o loo o kudoro iya Karka. ⁴ O loo hati to inyia o ring Azmon o loo o ngotohino Wadi lo Ijipt i cungohi nam lo Mediterranean. Ara ene lohikori neicieng lo ngati lo Orof. ⁵ Ara lohikori lo ngati lo okangere nam lo Balang o ring many kutuk lo Jordan. I ciak lohikori lo ngati lo kai to ladoket lo nam na lo ngon kutuk lo Jordan, ⁶ o loo many Bet Hogla o ringe iya ngati lo kai lo Bet Araba many moru lo Boan kito lo Reuben. ⁷ O ringe hati lohikori many Debir to ridat lo Akor oto hati i belo iya kai o loo Gilgal na lo ngolo iya lohirwohitare lo Adumim Orof lo Gorge. O sodoro o loo many kutuk lo kifi kulo En Semes o loo i fud En Rogel. ⁸ To inyia i tol ridat lo Ben Hinom i tol ngati lo Orof lo kang lo cio kulo Jebus (na lara Jerusalem). To inyia i rwohe kai lo donge na lo ngon ngati lo Orof lo ridat lo Hinom ngati lo kai lo ridat lo Repaim. ⁹ To kai lo donge o tany lohikori iya ngati lo ipulak lo kifi na lo ngon Neptoa, i fud kang lo donge lo Epron i culoro kof iya ngati lo Baala (na lara Kirias Jearim). ¹⁰ Oto hati o kudoro iya ngati lo lodoyorore lo kolong to Baala iya donge lo Seir o loo ara sirisiri lo ngati lo kai lo donge lo Jearim (na lara Kesalon) o ringe kof iya Bet Semes oto hati o ngotoro iya Timna. ¹¹ O loo iya sirisiri lo ngati lo kai lo Ekron i belo iya Sikeron, o ringe iya donge lo Baala o loo o goru Jebneel. I cungohi lohikori kutuk lo nam. ¹² Lohikori lo ngati lo lodoyorore lo kolong inyi nam lo Mediterranean. Ara kuno lohikorihin kuna li rit imanit lo Juda to agwalahin kuneicieng. ¹³ Iya na lo cihare Lahitok inyi i co Josua Kaleb kito lo Jepune kicait nenge kof lo Juda – Kirias Arba na lara Hebron (ara afa Arba fafai lo Anak). ¹⁴ I fuhe Kaleb cio kulo Anak uni – Sesai, Ahiman, ko Talmai tee kulo Anak. ¹⁵ To inyia o loo inyi jore ko cio kuna lo manya Debir (na lorumu o bara Kirias Seper). ¹⁶ Manyu o joo Kaleb, “A co cia nan kito nitole Aksa ara ngorwani diho tungani na lo rem i talu Kirias Seper.” ¹⁷ I talu Osniel kito lo Kenaz, la lara rece lo Kaleb, oto Kaleb ko ki cwara kito nenge Aksa ara ngorwani diho inyi. ¹⁸ To far na lolotunore inyi diho Osniel, o tan inyi Osniel lo ki lifa apa nenge mana. Ka li culuno inyi to sigiria nenge, i tifi Kaleb inyi o joo, “Nyio nga tum nan ki tiyo diho isi?” ¹⁹ I nyiahahi inyi apa nenge o joo, “Ki tiyihi nan tohi na i cam noo. Iya na li cwarare isi nan kof to Negev, ki co manyu nan ipulahi kulo kifi.” Tona i co Kaleb inyi ipulahi kulo kai ko kulo kof fad. ²⁰ Ara afa ene lolunyot lo imanit lo Juda i jifita agwalahin kunenge. ²¹ Ara afa kangite kulo lohikori lo kof lo imanit lo Juda to ngati lo Orof lo Negev na lo loro iya lohikori ko Edom icieng: Kabzeel, Eder, Jagur, ²² Kina, Dimona, Adada, ²³ Kedes, Hazor, Isnan, ²⁴ Zip, Telem, Bealos. ²⁵ Hazor, Hadata, Kerios – Hezron (na lara Hazor), ²⁶ Amam, Sema, Molada, ²⁷ Hazar – Gada, Hesmon, Bet Pelet, ²⁸ Hazar Sual, Beerseba, Biziosia. ²⁹ Badla, Iyim, Ezem, ³⁰ Eltolad, Kesil, Horna, ³¹ Ziklag, Madmana, Sansana, ³² Leboas, Silim, Ain ko Rimon. Wel lo kangite pili keek are ko mietangon ko kangite kuna sidiha kuna li rit icieng. ³³ To gum lo dongecio iya ngati lo lodoyorore lo kolong ara: Estoal, Zora, Asna, ³⁴ Zanoa, En Ganim, Tapua, Enam, ³⁵ Jarmus, Adulam, Soko, Azeka, ³⁶ Saaraim, Adisaim ko Gedera (kode Gederosaim) kangite tomon ko ongon ko kangite kuna sidiha kuna li rit icieng. ³⁷ Zenan, Hadasa, Migdal Gad, ³⁸ Dilean, Mizpa, Jokseel, ³⁹ Lacis, Bosekas, Eglon. ⁴⁰ Kabon, Lahamas, Kitlis, ⁴¹ Gederos, Bet Dagon, Naama ko Makeda. Kangite tomon ko ile ko kangite kuna sidiha kuna li rit icieng. ⁴² Libna, Eser, Asan, ⁴³ Itah, Asna, Nezib, ⁴⁴ Keila, Akzib, ko Maresa – kangite mietangon ko kangite kuna sidiha kuna li rit icieng. ⁴⁵ Ekron ko lomanyarehin ko kangite kuna li rit inyi: ⁴⁶ Iya ngati lo lodoyorore lo kolong to Ekron kuna fad li lomo Asdod ko kangite kuneicieng, ⁴⁷ Asdod ko lomanyarehin kunenge ko kangite kuna li rit inyi ko Gaza ko lomanyarehin kunenge ko kangite kuna li rit inyi many Wadi lo Ijipt ko kalele lo nam lo Mideterranian. ⁴⁸ To kof lo dongecio ara; Samir, Jatir, Soko, ⁴⁹ Dana, Kirias Sana (na lara Debir), ⁵⁰ Anab, Estemo, Anim, ⁵¹ Gosen, Holon ko Gilo, – kangite tomon ko kangite kuna sidiha kuna li rit icieng. ⁵² Arab, Duma, Esan, ⁵³ Janim, Bet Tapua, Apeka, ⁵⁴ Humta, Kirias Arba (na lara Hebron), ko Zior – kangite mietangon ko kangite kuna sidiha kuna li rit icieng. ⁵⁵ Maon, Karmel, Zip, Juta, ⁵⁶ Jezreel, Jokdeam, Zanoa, ⁵⁷ Kain, Gibea, ko Timna – kangite tomon ko kangite kuna sidiha kuna li rit icieng. ⁵⁸ Halul, Bet Zur, Gedor, ⁵⁹ Maarat, Bet Anos ko El Tekon – kangite ile ko kangite kuna sidiha kuna li rit icieng. ⁶⁰ Kirias Baal (na lara Kirias Jearim) ko Raba – kangite are ko kangite kuna sidiha kuna li rit icieng. ⁶¹ Iya mwangatare ara; Bet Araba, Midin, Sekaka, ⁶² Nibsan, Kang lo Balang ko En Gedi – kangite ile ko kangite kuna sidiha kuna li rit icieng. ⁶³ Ida afa imanit lo Juda o tum ki fuharu cio kulo Jebus kuna lo manya Jerusalem, ko jijia o manya cio kulo Jebus ijia ara lobito ko cio kulo imanit lo Juda.