¹ To kifwongi, olotu tenya lo Lahitok iyo Abraam iyo kitiboti ojo,“Kebang Abraam ara nan buhu nino kiciorit nino na ibolo noo”. ² Ati ojo Abraam, “Kalanyunoni Lahitok nyio ngehicio isi nan ati nan oru kito manyu kalunyoni lo kaji nei inyi Eliaza lo Damaskas?” ³ Manyu ojo Abraam, “Lohingony isi nan tee tona katiyoni lo kang nei inyi mute lara kalunyoni lo kalitole”. ⁴ Oto tenya lo Lahitok olotu iyo inyi na lojo, “Ida cia ene tungani ara kalunyoni lo kang nino ati kito na lara lo ken ko okoto nino inyi cia lara kalunyoni lo kang nino.’’ ⁵ Oto iyaru inyi oleng ko jimitan iyo inyi, “Tode kai ikena kanger kalitum ba isi kikena icieng”, ktk ojo iyo inyi, “ori mute lotataha kunino jii.” ⁶ Iruk Abraam tenya lo Lahitok, oto ikenihini iyo inyi ara biran. ⁷ Manyu osod rihohino inyi ojo, “Nan Lahitok na lahiyauno isi to Ur to kof lo Kalidaia lo kicwara isi ene kof ara nino.’’ ⁸ Ati ojo Abraam, “Kalanyunoni Lahitok, atum nan yenun aja jimitan ara mute ene kof nei?” ⁹ Oto Lahitok ojo iyo inyi, “Kiyahahi nan kace botor, kine ko mongo lo ker kuna lara karihin kulo obolore neicieng uni ara Lobito ko kuri ko amam na longarihi.’’ ¹⁰ Iyauno Abraam kuna sang fad iyo inyi, ongut tare tare ko kitiparahino ingutiti isiran angati ko angati ida hati inyi ogut kweny. ¹¹ Ofwonu kweny kulo kai owahiti daha tyang lo kuna sang ati ifuhe Abraam icieng. ¹² Kolodoyoro kolong, ogetoro Abraam jio kuna iriociho, oto lokimuyuk na imutok na litibanga imuk inyi. ¹³ Oto Lahitok ojo iyo inyi, “toyen otoc jimitan itong mute lotataha kunino karihin mia ongon kof. ¹⁴ Na lida ara neicieng manyu itigemi ara opihin to nu kof. ¹⁵ Ati isis ilo mute isi iyo fafaico kunino to kisiliban kinuhi langun lingoroyon. ¹⁶ Iyo kofiangiti lo ongon oitu mute lotataha junino ene tonyio orihe kipal lo cio kulo Amor ida logoru lohicungi. ¹⁷ Kolodoi kolong imuhe lokimuyuk kof olotu moti lo furo ko kima inwaha oring ara kiji lo tyang kulo kuna sang. ¹⁸ Tona far icio Lobanga Abraam ciharu ojo, “Acio mute nan ene kof iyo lotataha kunino many to wadi lo Ijipt ogoru many nam na hitok lo Yuparets- ¹⁹ kof lo cio kulo Kena, Keniz, Kadom, ²⁰ Hitit, Perez Repa, ²¹ Amor, Kanaan, GIrgas ko Jebus.’’