¹ Paulo, ohifak lo Kristo Yesu th'awahan thon'Ojok, d'ohothing h'Ojok hodwa ho Efesus, hoiruk do Kristo Yesu. ² Alwahio dothai karik elik n'ahap karik ahwandek th'Ojok Omonye Lohothai karik Ohobu Yesu Kristo. ³ Ojok karik Omonye l'Ohobu Lohothai Yesu Kristo thoithahabuye, inyong lo athuk aboroyo ohothai th'elwahithi h'ohoile dith'amasok hothohide ditha ho Kristo. ⁴ Ojok onyimu ohothai ditha honyong thoculwe h'ahap, delibo aang ohothai omorye dihithemi honyong. ⁵ Anyimu ohothai Ojok ahithemi karik eduhu ohothai ara olonyirok honyong tholo Yesu Kristo iring owak inyong olefeng. ⁶ Eduhuna nanyong ohothai ara oduri honyong nawon ara alwahio nanyong nahitto hijan athuk inyong isarahini ohothai th'hawan thananyong d'Ojok aboithe lomuno inyong. ⁷ Ditha Yesu Kristo ewon h'ethalwahuna th'ahotho thanyong karik amehina neyatha, ahana nebarithi nalwahio nanyong. ⁸ Abuhok inyong alwahio ne dohothai th'olofioro fodok karik atihahunu. ⁹ Esarak ohothai Ojok thoteha arami hedima h'awahan nanyong iring aning nesarak inyong amuno karik nethaithak inyong ditha ho Kristo. ¹⁰ dihuhumyo ahwandek ara hayyu d'omiru howon, diyanu asang fodok amaji aboithe, asang hothohide karik hothohop, d'ohoindefani aboithe, juk Krsito. ¹¹ Ditha ho Kristo eduhuni ohothai nya ara ohoruthak. Athuhi nya eduhuna ohothai berien iring nateharik inyong egyema nanyong fodok iring owak inyong. ¹² Anyimu ohothai Ojok ara ohoruthak dewon h'eyihina nako do Kristo defunu ithahuyo abolori nanyong. ¹³ Ditha Kristo, ithai dang ahani, ara ethuk ithai ethaminguna ocame l'eladiri, evanjelio n'ethalwahuna nathai, eruk ithai donyong karik athuhi ithai ekeluna ara h'Ohoile Lodwa lojo inyong loindu, ¹⁴ athuk inyong eruhuna aruthahina nahothai lwai ohothai eduhuna inyong dithahuyerek abolori nanyong. ¹⁵ Th' ahu thone, ge nang ethaninguna arami h'eruk nathai d'Ohobu Yesu karik amuno nathai ohothing fodok hodwa h'Ojok, ¹⁶ kabong nang awetha difurahina Ojok ahinywarang thoithai iring nelecerek nang ithai ditha h'omojitha hundang. ¹⁷ Amojo nang disarak Ojok l'Ohobu lohothai Yesu Kristo, Omonye l'ahujon, ohoile l'olofioro karik. ¹⁸ Amojo nang d'otehu othaja hothai, ditek ithai eyihina nathuk inyong ithai elongo dia karik ebarithi h'eruhuna nanyong nabolo ditha ohothing fodok hodwa h'Ojok. ¹⁹ Ditha h'omojitha hundang, efiyo hijan ditek ithai abolori tholohide h'abolori ditha hohothai hoiruk iring th'egyema than'akolon nanyong nahitto. ²⁰ Inyong akolon nene aboithe n'egyema Ojok do Kristo th'ethadothuna inyong th'ohoyak ethawonik inyong dinget hoyong d'amasok hawon dihide. ²¹ Ethawonik Kristo tholohide h'asang fodok. Indafaitho de Kristo ahide h'ahap, ikara d'oper lya hamaring. ti, karik dang d'operi hofuni. ²² Esarak Ojok asang fodok tholohop h'ahejek ho Kristo karik esarak inyong dikklesia iring ahu tholohide h'asang fodok, ²³ Ekklesia inyong ahwan nanyong. athuba nanyong lethafuthak fodok dith'asang fodok.