¹ Awak nang kudien itek ithai angai egyema nang bebe thothai, thohoto thohowon di Laodicia, karik th'ohothing olwarai hokabong otehu ahomong hindang ara othulo. ² Egyema nang ahani dithakolyerek othaja hosong difuna amaji aboithe th'amuno karik ditha h'ebaritha hetek ijan owoni ditha hatehan n'arami hadiri h'Ojok hedima, Kristo. ³ Ditha honyong idima ebarithi h'olofioro karik atehan. ⁴ Anyahi nang izaihune da awang ozulo lobo izatumio izai. ⁵ Juk awang awon hozai za ahuan, egigilo nang izai bebe, ajahizerek nang lawon hozai. Ti nang lamuno bebe acha atek nang ijan izifoizo izai Kristo zo oihoi za lawangarik lobo izawejo izai, ijan izai heruk do Kristo Kuong ezawejo. ⁶ Iring nethuk ithai efothunere Kristo, Ohobu, odahathi ditha honyong. ⁷ Obulatha ara hoko ditha honyong., ithai thoihuhumahini ditha heruk iring nathuhi ithai etyeniere, karik th'afurahina than'ahinywarang. ⁸ Otihatha tuhudi othulo lobo thaang hoindefu ithai thol'olofioro karik th'adwala thon'oisukaitha h'ohothing honya berien, diruhohina asang thohop, karik ikara diruhohina do Kristo. ⁹ Anyo ditha honyong isuka efuthan n'Ojok dith'ahwan. ¹⁰ Ethafuthahini ithai ditha honyong. ¹¹ Ditha honyong athuhi ithai nya abosyo th'abosio thana kabong hoihandye d'ohothing dingocyere ahwan n'othulo, ti, d'abosio no Kristo. ¹² Amuhahini ithai nya honyong ditha Batisimo, karik ditha honyong, adohohini ithai dihide th'eruk than'akolon n'Ojok, lodohu Kristo th'ohoyak. ¹³ Aye nya nathai ditha eyatha nathai karik awangan nathai angocyo ahwandek, ethasu inyong lo ithai ditha honyong karik amehi ithai eyatha hathai. ¹⁴ Efufusu amaryat h'egero karik oyano homonyori nya dothai. Eduhu adi fodok abehok ahwan nanyong di kruce. ¹⁵ Eduhu adi akolon karik endafaitho n'ahap h'ohothing, ethalyehi isong dihithemi h'ohothing, arimahina nanyong ohobye tholohide hosong th'akruce. ¹⁶ Inyong na, othulo lobo thaang hongocye arami hathai h'anyari karik th'amatha, dia ofaning l'amuno, dia operok oithacofehio. ¹⁷ Asang hune fodok obibile l'asang de hafuni, ti, aning nako bebe dosong inyong Kristo. ¹⁸ Othulo lobo lowak alauna ahwan karik amojo n'anjelohio thaang hokanye ithai imonyoroi. Othulo lya de lojingak dith'asang hathuk inyong atehuna karik esarak inyong thigigiloi bebe th'asang thohothohop. ¹⁹ Awang inyong indef tuhudi aramim h'ahu. Tholohu orimak ahwan ainyong owak inyong disukari ara aboithe; obolo inyong na th'abolori thana athuk inyong Ojok esarahina. ²⁰ Ara ithuk ithai aye ho Kristo d'asang hotho hop, anyo isuka ithai iring ohothing h'ahap: ²¹ "Hoindef, ohoithem, hoithiin"? ²² Asang hune fodok hamuyak de ara hegyemari, iring d'osaritha karik oityenitha h'ohothing. ²³ Owoni osaritha hulya h'olofioro h'atehan n'Ojok, alauna n'ahwan karik akolon n'ahwan, ti, awang howoni h'akolon n'ainyong awang ahwan howak.