¹ Esarak nang efahit n’alwahuna, dihithemi h’Ojok karik ho Kristo Yesu, lokanyo de arami h’ohoisuok karik h’ohyak, karik thaleyori thananyong karik n’ohobye lonyong. ² Onyahi dindak ocame, orau dia ocohini dia kabong omiru ocohini. Idai, iringye, ingarak th’angongohina karik th’etyenio. ³ Ofuni de omiru, kaang ohothing ongongohinerek etyenio nayyu. Kombwo icofye ohityenak d’ohoityenak iring owak isong, hojyori ainyong owahi eyoha hasong hafuru hune ethayiruna ⁴ Ofuni de iloithohina ethayirio nasong adi th’arami hadiri, eloithoi ad’oyendok h’ebokwo. ⁵ Ti, iye, ithabuyangye ahu nahoi th’asang fodok. Ithathacanai d’asang hako, ihandy egyema n’ohoigerok h’evanjelio, Igyemai egyema n’amaji nahoi negyemarik. ⁶ Anyo, nang leririy abuhoro hindang adi. Edwongi omiru handerek nang adi. ⁷ Athuk nang aremi aremon nayyu. Athuk nang engohina angetha. Athuk nang engohina angetha. Athuk nang endefuna eruhon. ⁸ Athuhi ehuhumahina ehithang nabis ara hindang, naindu nang de Ohobu lobis isarahina ofaning le, karik ikara donang hamaring, karik dang d’ohothing homuuno aleyori nanyong. ⁹ Othemye ainduna donang kwak. ¹⁰ Anyo, athuk nang Demas edyaharu. Omuno ahap no thenene ne. Athuk aden di Tessalonika. Cresens lalo di Galasia karik Tito lalo di Dalmatia. ¹¹ Luka ti lowon honing.Iduhu Marko iyanu inyong hohoi. Oyyu inyong lo donang d’alwahio. ¹² Asulak nang Tychicus d’Ephesus. ¹³ Abongo nauk na nedehi nang di Troas ho Carpus. Iyanu honyong ara iye leindu, karik amaninihio, kereki (aparchment?). ¹⁴ Ethalyehi Alisandro ohoidwongoni l’ebindang anaporong na asang hamonyong donang. Ithadumayo inyong de Ohobu iring asang hedyo inyong. ¹⁵ Ikau dang ahwan adi thonyong, anyo, id ainyong lo ocamitha hohothai. ¹⁶ Dekayo hindang ehethemoni, aang othulo lowetha honing. Kombwo, edhi nang ohothing fodok. Ara oyyu aang de iherahini ara hethapalyo isong. ¹⁷ Ti, owetha Ohobu honing karik ethakolyo honing, dara tholonang, ocame engohunu dinyahina karik dithaningu dang ohothing hoikela th’Ojudei karik ethahoruni nang thohthuk h’oume. ¹⁸ Ithahoru nang de Ohobu th’egyemathik hamonyong, alwahu nang ara l’ohobye lothohide. Abolori thoiwona ara nanyong mak. Amen. ¹⁹ Ithamandahi Priscika, Aquila karik ahang n’Onesiphorus. ²⁰ Apwak Erastus di Korinth, ti, Throphinus edehi nang omwai di Miletus. ²¹ Athemye ainduna dihithemi h’Ohiribo. Ithamandayo Eubulus iye, Pudens, Linus karik olarok bukulung. ²² Ohobu thoiwona h’ohoile lohoi. Alwahio thoiwona hohoi.