¹ Yé namá koro ila lóó le namá dééŋ éllé píŋí, na kééŋ majira ná Yee–sí ka̱rɨ kʉ́lʉl. ² Liya kí mooŋáŋ sog namá ma̱sɨ̂g–lé éla namás jáá nás gʉʉdpáálí–tii, na kwa soŋŋâ nás kayé nás dééŋ belé kel kaame, nás tullé eŋa kwa–sí, namás kayé ná in kámiŋa: "In gʉʉd–sí ǎl si éla?" "na in kaa rɨɨŋŋɨ–ii alá Yee–sí kaníe?" "namaŋ dééŋ dóŋa in ʉʉŋa pirjeŋ ɨndeli? ³ "In sǎl Yé–ii kurúŋáŋ jááso dʉŋo'ŋ, Moo'ŋ kwě Ya̱gʉ̂b na ɨ́sɨb na Ya̱ʉ́sa̱ na Sɨmon niŋ bára áibâ? álá kééŋ bârŋa Yeeŋ á gebâ alá kí kɨ́eŋ kaiŋ íné? ná ka̱ɨŋ nás kɨgɨ́tɨ́ya. ⁴ îsa lia yeŋa–sí namás in kwǎ:{{ domoŋ dʉŋo á–keba nás dééŋ deěm kɨtɨ́rɨ́ŋɨ́e, kééŋ aala'ŋ dɨó, namaŋ dééŋ élé ⁵ marraŋ Yé a̱rɨ tog dog tullé áŋ piá–ba dog, namás kɨɨne ná koŋa wajána'ŋ írí jáá nás epero ⁶ Namás pirje eŋa asá jɨɨn á–ka̱ɨ̌ŋba, lia namá nyáŋa elleŋa'ŋ á̱rɨ́ŋá–le ná gʉʉdpáálíti. ⁷ Lia namás ta̱rɨ́ piá weyye na a̱w–sí namás jáá ná a̱w a̱w–sí á–dden pi–ii, naŋ kʉrɨŋ íní kuo jɨttɨŋa'ŋ írí, ⁸ Namá wa̱ssɨ íní áláŋ a̱rɨ á kabeba dǒra, déllin ba̱rɨ; Zaad a babúŋ–ba namaŋ Santa namaŋ Sôŋgoŋa dɨ́eŋ ga̱rtʉ̂m–lé ⁹ Marraŋ ǎ̱w ná sɨktɨr béérél kí káwlá'ŋ; na jʉrɨŋa a̱w a biŋíba. ¹⁰ Yeeŋa–sí namá in kwǎ: {{ abá toŋ dííg–le ba̱rɨ́, na áis kɨtɨ́rɨ́ŋɨ́eba bá boró ɨ́de. ¹¹ Na kwa kɨd náis á kɨɨne–liba wal kel–áis kaameba, ila lóó–sí bá bundí, námá kɨ́eŋ tarŋa'ŋ sʉʉr terter–bâ na bá yé–ii áísáŋ said eeŋ. ¹² Namá kʉrʉl nás káwlítíya áláŋ–si Wʉ́o–sí kɨɨne. ¹³ namá Mesêreŋa soŋŋâ ka̱rʉ̂l suǔr, naŋ–si dog wajána–sí da̱y kulíe naŋ–si koŋa írí kayé. ¹⁴ 5 ába kuri Hiródos namá kelamí; ná îsa'ŋ kona'ŋ ɨrɨ́ írí koro. kwa dîi namá in aáŋé:" in âl Yáaye–ii jálo–dʉŋo ná alaate koro, namá iláiŋ–ii nás kʉro kee ná uu–ŋa tulléŋa Yee ka̱rɨ lʉwe." ¹⁵ Kwa kerŋa namá in aáŋé: âl ilíya–ii." Kwa kerŋa naŋ in kowe, "âl domoŋ dʉŋo–ii ayéŋá soŋŋâ." ¹⁶ Marraŋ Hiródos mín ná in kelamí bá in kwǎ: "in âl Yáaye–ii alá ká ta̱bʉ ánda, ǎl yé–ii ná alaate koro." ¹⁷ Iláiŋ bá yé kééŋá Hiródos ádden piá ná Yáaye–sí kéyé ná túmná ja̱bɨ́e, dééŋ bára Pilúbusꞌiŋ yáa Hiródiya'ŋ uúŋ: iláiŋ ná in kelamí ása yé nyáŋa. ¹⁸ iláiŋ ná Yáaye in beléŋ, dáálí–le tullé ála áiba ásáŋ " dɨ́ɨ́ŋ bára'ŋ yáa'ŋ kwě joo." ¹⁹ lia HIródos namá kólíŋí áláŋ puu, walá taga á pʉɨba. ²⁰ iláiŋ ná Hiródos Yáaye–sí ka̱lɨ pííŋí, na yé loŋ–si ná yé dʉó ta̱gɨ–ii naŋ taraas–ii, namá nîŋ tullên diŋ tɨěl. abá kelamí ná ʉ́dóŋá soŋŋâ piá bá kilmá sɨmmó ɨ́ndélíŋ. ²¹ ila sog–lé asá yé Hiródos tɨɨma áláŋ dééŋ da̱a̱rɨŋꞌíŋ sǔbo piá namá na̱mmɨ́e piá ná kwa appáŋa–sí imaŋa namaŋ ka̱lda̱ga'ŋ ta̱bʉŋa–sí alá Galílíyáŋ elleŋa'ŋ ta̱bʉŋa. ²² Lia Hiródiya'ŋ kwě na̱w namá ka̱rɨ́ ná kí Hiródos ká̱á̱lʉl namás ɨwo.Yé ába kuri namá ɨŋo kwě–sí a̱rɨ ɨd ná jɨ́ jôil dûi–lé báŋ gín aní jɨ–sí. ²³ Namá da̱ɨ́l tʉ́ʉ́r taan ná in kwǎ"a̱rɨ ɨd ná jɨ́ dúile jôil báíŋ aní anŋ dííŋ Ba̱rʉ'ŋ sabba–ii. ²⁴ Yé Namá koro nás dééŋ íya–sí kwǎ:"kaa níŋ oiŋí” namás in kwǎ "âl Yáaye'ŋ jálo dʉŋo'ŋ ta̱bʉ joiŋí" ²⁵ .Namá kí kajala ká̱rí ába kuri–lé ná kóíŋí nás in kwǎ"ǎl Yáaye'ŋ ta̱bʉ wêel naa in tabag–lé." ²⁶ ába kuri–sí namá kilmá sondorog eŋa saa–soŋá. walá dorá á–keba áláŋ íríŋí iláiŋ ná ka̱sɨŋɨ–ii, a̱rɨ áláŋ kwá na'n á–keba. ²⁷ lia ába kuri namá kééŋ ka̱lda̱ga–sí alá kééŋ wʉoŋa ka̱ɨ̌ŋ ádden piá nás in kwǎ âl boo náis Yáaye'ŋ ta̱bʉ bêl. Wʉoŋa namá keéŋé túmná nás kéle. ²⁸ namás dééŋ ta̱bʉ kándé tumná dɨó nás kéle. ta̱bʉ–sí namás tabagꞌíŋ já nás kwě nɨw–sí íní, na kwě nás dééŋ íya–sí íní. ²⁹ lia kééŋ majira namá kelkámmíe, namá kééle ná dééŋ way tóól –sí kábé ná kěeŋe ná kʉrrɨ́ye turbaŋa–lé. ³⁰ Domoŋ kwǎ namá dorol kɨŋɨ îsa–lé namás aáŋé kila ʉ́dóŋá nyéttin ǎl ɨŋɨ ɨ́de. ³¹ Namás in kwǎ " ǎl bêl dɨ́eŋ dítinꞌíŋ tog tog ila negêb–lé ná ʉmel bawí."ǎl kʉ́ndʉla na ǎl kannía soŋŋâ gé, marraŋ yeeŋ tin ás ka̱ɨŋ–ba áláŋ kámmíya. ³² Lia yeeŋ namá keéŋé pʉllʉŋꞌíŋ dɨó, ná negêb–lé kééŋé dítinŋꞌíŋ. ³³ Kwa soŋŋâ namá ka̱gɨle ná ná yeeŋ kanníya namás kɨ́wé. elleŋa'ŋ kwa nyét namá kí kɨ̂eŋ kɨ́sɨ́ŋʉl ɨ́de. ³⁴ îsa ɨ́de namá koro ná já̱gɨ́la na kwa in kɨ́sɨ́ŋʉl namás ayíŋ eŋa; abá kúíŋ ʉrɨ́ŋá wʉoŋ ás ka̱ɨŋba báŋ si ʉ́dóŋá soŋŋâ áwli. ³⁵ Lia tin soŋŋâ nyáŋa, kééŋ majira keěŋé namás in aáŋé "in negêb–lé tin ǎl nyáŋa naa. ³⁶ âl jundí ná kɨ́eŋ toŋa kawŋíya elleŋa dakkiŋa–lé, ná kɨa̱l ná na̱mmɨ́eŋa kule ná kámmíya." ³⁷ Namá in jáwí:"Bɨ́ ǎl na̱mɨ́e baní ná kámmíya" yee–sí namás in kowe "kɨ́ ǎ̱w ná koo nás karaŋa kulu kí minimíniŋa píríŋá a̱w ná kaní ná kámmíya? ³⁸ Yé namás in kwǎ "karaŋa niǐn–si baiŋ? boo ná ba̱gɨ́l" Namás kɨ́wé namás in aáŋé "âl oos–gé na púúná a̱w" ³⁹ Namá in kwǎ áláŋ ǎ̱w ná kwa kí kôma kóóŋol dǎyiŋ írí. ⁴⁰ áláŋ dǔu kóóŋol kí daaraŋa weyyéŋá weyye, na kwa dîi–ii weyyéŋá oos. ⁴¹ Namá karaŋa na púúná a̱w bawa namá nʉ́ŋɨ́ jaawíl jáwí namás assô piá namá kila karaŋ–sí dʉɨnamá kééŋ majira–sí íní áláŋ kwa–sí kaníya kila púúná a̱w namás kila kwa nyét–sí kaŋgare. ⁴² kwa nyét namá píssin kámmíye. ⁴³ Lia namá bawa ná dʉɨ namás guppaŋa weyye na a̱w pis piá kí púúnáŋ. ⁴⁴ Na kila kwa ni–ii ka̱ɨ̌ŋ líríŋá oos alá kila karaŋa–sí kámmíe. ⁴⁵ ila tin–lé namá kééŋ majira–sís in kwǎ áláŋ pʉllʉŋꞌíŋ dɨó ka̱rɨ́ya, ná kíllâa'ŋ ere kɨyal, a̱dɨd ná kwa nyét perra á kɨŋɨba. ⁴⁶ lia namás ta̱rɨ́piyá yeeŋa–sí namás jáwla ná pʉ́go nyáŋa áláŋ jʉ́ma piá. ⁴⁷ Lia namá dʉlé arra eŋa, na pʉlloŋ ná roóŋ túle kééŋá, na yé ná dítin níŋ kééŋá. ⁴⁸ Na yé ná la̱w ná yééŋ kí da̱wloŋ bɨ́ɨ́leŋ kɨ́ndélíŋá,na da̱wlo ná dɨ́eŋ eré saa soŋá ʉ́ndʉl, kí luulꞌíŋ túlé, na yeeŋ ná kôili–ii ásáŋ kí ila kándol. ⁴⁹ marraŋ mîn ná ye–sí ka̱gɨle ná roo'ŋ írí ɨloŋ yeŋa–sí bás káálíŋá tɨe , namás kayé ʉró kalde. ⁵⁰ iláiŋ ná yee–sí ka̱gɨle, yeeŋ naŋ si makkê–lé tɨe ila tin–lé namás in kwǎ: " âl see–bâ̱y ká âl in aŋ, ka̱lɨ áilá á tɨ̂ba." ⁵¹ Namá dɨ́e–lé nyáŋa alá pʉlʉŋ kee, namá da̱wlo–sí jasa ná dirrig ooŋo, namás pírjeŋ káwe. ⁵² taga á síŋ kɨ́wɨ́yaba atti níŋ kɨ́eŋ kilmaŋa sondorog ɨŋɨ–ii. ⁵³ Asá kándélíŋí kí sʉʉrʉ jana–saaredꞌíŋ dorá kí tʉʉmꞌíŋ a̱rɨ́ŋá. ⁵⁴ Lia ná kʉrʉl pʉllʉ'ŋ dɨó, kwa ila tin–lé namá kɨ́wé, ⁵⁵ Kwa namá nyél di–ii kééŋé ila a̱kʉ́ro–lé, namás kayé nás kɨ́eŋ wajána ká̱bɨya alá in kelkámmíe ǎl yé ɨ́de kee. ⁵⁶ ǎlmíŋ ka̱rɨ́e kila elleŋa–lé wala gal deema–lé wala gal tɨgéŋá–le namás ajána–sí kʉlpʉl koraŋa–lé, namá ye–sís dagá káwe áláŋ kɨ́eŋ wajána'ŋ jʉrɨŋa kurá, nás képíríŋol.