1
Îsa’ŋ sallâ jeŋî soŋ kólíŋ waar waŋ lé kí subúŋ súŋ kila yáŋa kila âl si kɨ́eŋ mʉrɨŋa asá ásíleŋ káwe
ná túrbá kéŋé
2
Namá kʉmé ila dɨ́tó asá kíye tueba sís kʉmé namá kʉmé nás mʉŋ gʉlʉŋ eŋŋa
3
Maraŋ abá dɨó ka̱ rɨ́y lonŋpii íssáŋ kʉʉl sí walá ákʉm bé ba
4
Ila tin lé asá yeeŋ sís kálítá ,namá kwa a̱ w
pétiŋ si katane nás jʉrɨŋa nis teyás ka̱ ɨŋɨ inná kuyiŋî júlmóla ná kéle dɨ́eŋ túga káré
5
Yáŋa sí namá
ka̱ lɨ tɨ́o namá dúu sʉŋŋʉ́m káyíŋi maraŋ kila kwa namá in kɨ́ŋʉl káŋi ná sálláŋa sí wayi tóláŋ dɨó
bówêl?
6
6Îsa ínné áke ba yé láwla si,yéé káyí saa lóŋal ayi gîs kwá âl ké yéŋ ga̱ lɨ́l báŋá
7
Ná gîs in
kuwá dʉldɨ́ŋ kwé sí áláŋ bá kwa ka̱ tɨ́ŋa kwá sí dóŋa kaye námás ká̱ldá̱ bʉlés ka̱ ldʉl kí soŋ ga ɨɨs
ɨdó námás jáwla."
8
Ilya yɨeŋ sí namá ila belé ta̱ bʉ́ŋ lóŋóla
9
Ilya albá yɨeŋ túrbá ka̱ yɨ́ŋ a ká̱yɨŋe namá kila ʉ́dóŋá nyéét kʉrémiŋa sí na kwa kerŋa sís kwá
10
Na kila yáŋa namá aniŋ káɨ́ŋ moo mɨjdɨla dʉŋo,na moo yagʉ́bíŋ íya,na yáŋa kila âl keyeŋ ará kéle nás in ʉʉ kʉré miŋa sís kʉwe
11
Maraŋ kila kʉrémiŋa yáŋa sí see ákéyé ba ɨdɨ́ŋ nás kila yáŋáŋ belés in lóŋí tíeŋí âl bá ɨrɨ hóyi
12
Maraŋa paturo sí namás ayi dadí díŋ sii eŋŋa namás wá̱rɨŋ jáwúla ná túrbá saŋ kɨ́yá,albá yé ináŋ tibiŋ eŋa namá já̱gɨ́la harílíŋ jʉrrɨ sí kí déŋ suur in dálaŋ puturo namá dééŋ tóŋ yaŋá nás pírjeŋ pii kayi ná eŋa
13
Imesíŋ dórra na ila soŋ lé dog namá dɨ́eŋ dó kwa a̱ w ka̱ ɨ́ŋ ná imes éllá ka̱ nɨ́ŋɨ́,ila elle imes ná kí jʉrʉsalam mella ossan díŋ sii tâs lés ka̱ ɨŋ
14
Na yɨeŋ namá kayɨ́ŋ ná dɨ́eŋ tâs lé kɨ́rsaɨŋɨ́ âlɨŋŋɨ.
15
Indálaŋ âl yɨeŋ ka̱ ɨ́ŋ ná kíssɨŋɨ naŋ gore káwéŋí,ísa namá êl ná kéyeŋ ará kɨloŋe
16
Maraŋ yeeŋ sí namá a̱ rɨ kee ná júndí ba áláŋ yee kɨwe.
17
Yé namás in ɨŋo bɨ́ káŋi ná baŋ ná gore baw âl bɨloŋ? yɨeŋ namá séŋ giŋ káré ná wa̱ jɨŋa kɨrsʉl
18
Kila kwáŋ dɨó díŋ ná in ka̱ rɨ́ŋi kilpas namá in ɨŋo jɨ́
jʉrɨsalam bál dɨwô jaŋ nás kin ʉ́dóŋâ sí ás jaluŋ ba ǎl kin soga lé ɨŋɨ?"
19
Yé namá in ɨŋo ,na ka gé âl ɨŋɨ?yɨeŋ namá in kwíye,áŋ ʉ́dóŋá kila âl si íssa alnazeris sís ɨŋɨ ,yé domoŋ dʉŋo kéŋá kí dééŋ belé na kí dééŋ tárí ka̱ kɨ́re âl wʉóŋ na kwa nyéétéŋ ta̱ bʉ́ŋ píyéŋí
20
Pá̱gɨŋa appâŋa na káíŋ sábáŋá ta̱ bʉŋa kuráŋa kwá âl si ye sí kí wayí si kándé naŋ si ká̱ldá̱bʉ lés ka̱ ldʉl.
21
Maraŋ kɨ́ bás inka̱ yɨ geliŋi âl yé kéŋá áláŋ si isirálíŋâ sí jópó,na ɨrɨ keer ákeba in ottô kééŋ sogáŋ ɨɨs lé-ii ǎl kin ʉ́dóŋá ɨŋŋɨ.
22
Na kila lé soŋá káíŋ aboŋa díi namás kundíye ásáŋ yɨeŋa sí pírjeŋ káa,natôŋ soŋ lé namá túrú bá
kéŋé
23
Maraŋ dééŋ wayitól ás kʉmdém ba,yɨeŋ namá kéle nás in áŋŋé âl si yɨeŋa sí melega lóŋíle
in áŋé âl yé sálái
24
Namá káíŋ ampára dííŋa ádéŋ kâ ná túru keŋé namá indálaŋ kʉmbé ǎlbás yáŋas áŋé namá in áŋé maraŋ ye á ka̱ gla baa."
25
Yé namás in kuwá yé bɨ́ dɨ́eŋ kaa ʉlɨŋɨ na kɨ́eŋ kilmaŋa aiy nyoŋ kégé gâl ásáŋ see já̱yi baŋ kila beléŋá lé âl kwa wee
26
In ákéŋá bá jáso dʉŋo áláŋ kila ʉdóŋá lé míneŋ eeŋ áláŋ kééŋ galaŋâ da̱ ó ká̱rɨ́?
27
Míŋ si músáŋ domboreŋa lé tuŋa namaŋ nyáŋa ná domoŋ kwáŋ domboreŋa lé nyéét pago namás kila ʉ́dóŋâ ará ráŋá âl wʉ́oŋ domboreŋa toya lé ka̱ ɨŋ.
28
Asá bá ila elle lés daŋki káwe âl yɨeŋ délle ka̱ nɨ́ŋɨ, ísa namá in piyá ǎl yé dɨ́elé kara píŋíti
29
Maraŋ yɨeŋ namás kí díŋ ragasa karíŋíe âl kɨ́ gɨŋ kǒŋ ɨdɨ́ŋ ná lóó nyǎŋa áláŋ dʉlé puyí y' namás ké geŋ ká̱ndʉl ná kéŋé áláŋ kóŋal.
30
Ila tin lé âl yé kí kila kwa ka̱ ɨ́ŋ ná dárá ká̱wɨŋɨ áláŋ nʉʉŋ kámíyal ,yé namá karaŋ bawa nás asó piyá, namás dʉyɨ ná yeeŋa sí ínní
31
Indálaŋ kɨ́yeŋ kʉ́ŋɨ́ namá pa̱ lɨ́ŋê namá kɨ́wé yé gal namás kʉŋɨ ʉ́ŋa
32
Namá suur sí in kɨ́ŋʉl kilmaŋa aiy gî sɨmó ɨŋŋɨ ila tin lé ǎl gís yé dóra risiŋo nás wʉ́oŋ dombore toyáŋ ará ráŋá?"
33
In nálaŋ pétiŋ albás kawle namá jʉrʉsalam kawŋî ɨdé namá ísáŋ kʉrémiŋa wɨye na a̱ w na kwa kerŋa âl lóó tog kéréliŋí ,
34
Ná in kámiŋa in ʉʉ taraŋ see lonŋpii taraŋ láwla si nás sɨmon sís lóŋóla
35
Ila kila kwa ɨw namás ɨrɨ ɨt sii áŋé âl yɨeŋ dóra ka̱ gɨle na yɨeŋ Îsa sí aiy kɨ́wé âl si karaŋ dʉɨy.
36
Îsa kééŋ majira sís lóŋóla ,ila tin lé âl yɨeŋ ka̱ ɨ́ŋ ná kírsiŋi ʉ́dóŋá kísiŋi ísa namá êl ná dɨ́eŋ túle kera namás in kuwá a̱ wʉ́ ná a̱ pɨŋ kégeŋ baŋ
37
Maraŋ yɨeŋ sí namás ammí tá̱wo nás in dɨ́ó ka̱ ɨŋ âl allater.
38
Îsa namás in kuwá ,káŋ ʉʉŋi nás mamí tɨyél?káŋ ʉʉŋi ná sélá dʉo sís gílas bawu?
39
Kúíŋ koŋa na tarŋa ba̱ gɨ́l ká aŋ. Bómmóla mólo gî alater karu na nɨ́nó ás kee ba áíla bɨ́ ka ba̱ lʉŋꞌꞌ
40
Ǎlbá yé dééŋ belé in sí kuwá namás kééŋ koŋa na tarŋas
palí.
41
maraŋ asá yɨeŋ ká̱yɨ́ŋɨ́ ná bát see ákéliŋí baa iláŋ ná yɨeŋ sí kilmaŋá sɨmmɨŋ á jʉ́ndítɨ̱̂ ŋíba, Îsa namá ɨŋo bɨ́ ínné a̱ rɨ jámíŋ bayiŋ sá?
42
Yɨeŋ namá púún jʉ́tóŋ a̱ rɨ́ kaníe
43
Yé namá tɨ́o ná dɨ́éŋ a̱ bʉ́ŋ amí.
44
Isa namás in kuwá,bá yéé kéŋá áyí saa ká bɨŋa sí waa asá kɨ́ bɨŋa ká̱yɨ́ŋá .ɨrɨ bii a̱ rɨ bá
awʉ́ ná in eeŋ niná albá dúíŋ músáŋ dombore lé na domboreŋa kerŋa lé rímeŋ ɨŋŋɨ."
45
Ilya ísa namá kɨ́éŋ ta̱ bʉŋa pa̱ lɨ́,áláŋ wʉ́oŋ domboreŋa toyáŋ ará ka̱ rʉ́l
46
Yé namá yɨeŋ sí in kuwá in a̱ rɨ ɨttɨ âl wʉ́oŋ domboreŋa toyáŋ dɨó rímeŋ eŋŋa jáso dʉŋo áláŋ bɨ́leŋ eeŋ námás soŋ ɨɨs síŋ dɨó sállá eeŋ
47
na tʉ́beŋ jeeŋ na ka̱ tɨ́e ŋáŋ jásso kwa sí míŋ jʉrʉselam kí kééŋ kona káwú líyal.
48
Bɨ́ kin ʉ́dóŋâ kʉ́ŋɨ́ kuwá baŋ
49
Na ká anni áyí sáŋ kila ótáŋá ádeŋ áa âl dúíŋ báa jassa maraŋ bá dám bôŋ namaŋ gí síŋ írí kʉro ádeŋ káwal."
50
Isa sís jawíl káríye albás yé yeeŋ sís basanáŋ dáŋki pago.yé bá kééŋ koŋa írí jági namás bora patá piyá
51
In nálaŋ albás yé bora patás pa̱ yéŋí ,in dálaŋ namá kabé nás jawíl káríye.
52
liya majira namá ye sí ba̱ gɨ káwe namás ka̱ yɨ ŋuul ná kí kilmaŋâ sɨmɨŋ jʉrʉsilem kwuŋê.
53
Yɨeŋ namá níŋ toŋ teyâ lé ka̱ ɨŋ nás wʉ́o sí asó kaweŋi.