1
Bɨrmɨ́t pa̱ gɨrɨ́ŋ putura,íssa bá ta̱ bʉ írí já̱ŋi namá la̱ w ná kawája kɨ́eŋ putura tog tiyâŋ janíŋ sa̱ ndʉ́ŋ
dɨó kiŋŋí tíyá
2
Naŋ bɨrmɨ́t pa̱ girɨ díŋ jágɨ́la ná rɨdɨ́n na dogkéŋa a̱ w jaru
3
Yé namá in kwá ká kí seeŋ see áíy saa belé,ŋ see ámiŋ in bɨrmɨ́t pa̱ gɨrɨ âl kwa jéttiŋ lé soŋŋá jáá
4
4Ɨdɨŋ kwa kerŋa nyéét bá kɨ́eŋ ótá kɨt kayé âl yeeŋ á kuwéliŋí ba,maraŋ in bɨrɨmɨ́t kí dééŋ pa̱ gɨrɨŋ ila a̱ rɨ ɨt asá kéŋŋá áláŋ délle am bá nyéét já."
5
íssáŋ majira namá kaɨŋ ná tog teyâŋ kɨ́rsiŋí ná in kámiŋa aiy si dom jamál lóŋŋíti kí kéŋ kɨ́tóŋâ na kila dola asá wʉ́o sí putura karʉ́l
6
Maraŋ íssa namás in kwá,kin nyéétiŋ sí âl bɨ́ ínne ba̱ lʉ sog kee náŋ êlná dɨ́tó toŋ toŋ bárráŋ írí áŋ kee ba."
7
Tana sâŋa na nyál nyíleŋ jâ,yɨeŋ namá in áŋŋé, gʉʉdpálí na ʉ́dóŋá nǎn síŋ tánnal?na dɨ́eŋ ósom kaa níŋ ŋii abás daŋki piyá áláŋ élal
8
íss namás in kwá âl ba̱ lɨ́ŋ áláŋ júlleŋ áiy káwal ba.iláŋ náŋ kwa soŋŋâ kélal náŋ kí kúíŋ kona kírsíŋol náŋ kowe âl ká yé aŋ,ása sog daŋki piyá,maraŋ pékét ka̱ rɨ adʉ́lo ba
9
Abá dérŋá maŋgaŋ gáŋ ka̱ lɨ aŋ gê tɨ̱̂ ba,ɨdɨ́ŋ ná kin ʉ́dóŋá báŋ ɨŋŋɨ na ila in á lóŋba âl sog ka̱ rɨ kwaŋ ŋii."
10
Ila namá yé yɨeŋ sís in kwá,ba̱ rʉ bá síŋ kí bára kór ɨŋŋɨ ,na kʉrɨŋ básíŋ kí bárra kór ɨŋŋɨŋ,
11
Na sʉʉrʉ́ŋ jɨrtɨ́ŋ ŋólla soŋŋâ níŋ kaɨŋ na lóŋŋá soŋŋâ lé níŋ duúrŋá níŋ ka̱ ɨŋ na wajaŋa níŋ ka̱ ɨŋ.
12
Na ka̱ rɨ́ŋ ótáŋá níŋ ɨŋŋɨ naŋ níŋ jawíl ósomma appâŋa élla,maraŋ main ná kin ʉ́dóŋá nyéét ɨŋŋi ba kwa bá gíŋ jaɨy kuri kéyal naŋ gíŋ bɨ́leŋ káwal,yɨeŋ bɨŋŋa sí yawʉ́dáŋ daraŋa lé gí síŋ káríyal naŋ gîŋ túm náŋŋá kiŋîl,na kúíŋ konáŋ ,na kíŋ konáŋ ʉʉŋ nyéét gí síŋ á̱bʉŋa na akʉ́roŋâ tabʉ ŋáŋ ta̱ bʉ,ŋ káríyal
13
Na in dɨ́eŋ áyí sáŋ ka sí kí seŋ see kʉ́ŋŋɨ́ kwá beŋ.
14
Na mín naa pʉttós bʉ́iyi áláŋ is kálla ábaŋba áláŋ sii kɨ́eŋ suur sís bérél,
15
Iláŋ náiŋ ká gíŋ simela na beléŋá kila naní,ná kɨ́eŋ gárima taga ta̱ bʉ á síŋ kare ba walá na̱ rʉjiŋ áŋ káwa ba.
16
Bɨŋa kɨ́eŋ bâŋa na íyaŋa na bârŋa na alla na jaruŋa mámáŋ bá gí síŋ bot aráŋ dúu kellol na yeeŋ bá síŋ dɨ́eŋ dɨó kwa díi sís ka̱ sʉ́ŋ káwal ná kawe
17
Kwa nyéét bá gíŋ duíŋ ʉʉŋ kawríŋîl
18
maraŋ dɨ́eŋ tabʉ́ŋ nyɨ́lɨ́wʉ́ tog tog á kee ba áláŋ jʉ́ŋŋo
19
Na bɨ́ kí arbáŋ jaríŋ bá síŋ jaiŋ lʉʉt baiŋ.
20
Issa jʉrʉsalmíŋ jásóŋ si súreŋ sii piyá ,na bá ba̱ gɨla nás ka̱ lda̱ ga jʉrʉsalm sís súreŋ si káwe ,bɨ́ bá síŋ baluŋ dééŋ jurrúŋó âl sii daŋki piyá
21
Lia yáŋ kwa kila a̱ wʉ́ ná pʉ́góŋá lee káŋkɨ́yal na a̱ wʉ́ kwa kila âl děm ka̱ ɨŋ ná pál kʉrʉl,na kwa kila âl ma̱ dɨla lé kaɨŋ děm akɨyal ba
22
Ɨdɨ́ŋ ná in ila minén tinni áláŋ kila ʉ́dóŋá nyéét ɨŋŋɨ âl waar wʉ́o domboreŋa toyáŋ dɨyó rímmeŋ ɨŋŋɨ.
23
Ila tin nyâŋa kólŋâ sí na asá dogólá borrá kaɨŋ aiy síŋ tárrá eŋŋí ɨdá̱ŋ ná kwa sí sʉʉrʉ́ŋ írí gʉrro bát níŋ jʉ́ŋŋal naa wʉ́o sí kwáŋ írí bát níŋ kilmá saa puiyá eŋ
24
Yeeŋ sí kí saara níŋ kawe dîsí ná síŋ ba̱ rʉŋáŋ tum naŋa lé ká̱rgɨ́yal na jʉrʉsalam sí jârra bá síŋ ká̱rgɨ́yal na man síŋ jârraŋ tin agíŋŋí.
25
Dʉldɨ’ŋ kwě’ŋ jél,dʉlé na dúúl ,na úríŋá lé níŋ óssom lóŋóla,kwa sí sʉʉrʉ́ŋ írí roŋ gomáŋ ja̱ ɨŋ gôŋ na zolláŋ japaláŋ ʉ́ŋ kallɨ na amí níŋ tɨ́yi
26
Kwa sí tanna sâŋa amí síŋ níníyal amí kila ʉ́dóŋaŋ síŋ tɨ́ɨ y âl dá̱ldɨ́ŋ ʉ́ndʉla áláŋ ɨŋŋɨ, ɨdɨ́ŋ ná jawilíŋ da̱ ldɨŋa báŋ ɨ́rtɨ́ŋóla.
27
Ila tin lé yɨeŋ dʉdɨ́ŋ kwé sí níŋ kagɨ́lal ná kí
kútûŋ dɨo ʉ́ndʉl nás kʉrro na galáŋ galas kee
28
Abas kin ʉ́doŋá díbés tuŋŋe bás wa̱ rɨ́ŋ bawula ná
ta̱ bʉŋa írí ba̱ gɨ iláŋ nás dɨ́eŋ jabʉ́ŋos daŋki piyá."
29
Bʉróŋ kurúŋ gʉʉd,íss namás yɨeŋ sís in mitíl tan ayɨ́ kǎl bát in zízíŋ kurú sí agɨ́l na kurúŋá kerŋa sí agɨ́l
30
Ila tin lé asá yeeŋ porgeli bɨ́ dítin básíŋ
baluŋ ása urri daŋkipá
31
Nana bá síŋ in bɨw wʉ́oŋ kʉrɨŋ ása daŋki piyá.
32
Ká bɨŋa kí seŋ see gîs ámiŋ kin poreŋa kí seŋ see ásíŋ kágíŋ ŋíaya ba namaŋ níŋ kin ʉ́dóŋá jaliŋol
33
Jawil na sʉʉrʉ báŋ perra ɨŋŋɨ maraŋ kúíŋ beleŋá kin perra âŋ ɨŋiba.
34
Issa sáŋ jélíŋ ásíleŋ beŋ,kí nadar biŋ na abundí ba áíŋ sáŋ súbuŋa na kooróŋ jám na jaiŋ íŋ kojoja kʉróŋ piya wala gal ila soŋ báíŋ kony jol bʉ́ló ni ná dʉ́ló bʉ̱̂ s síŋ dɨwó
35
Ilayiŋ ná yé kwa nyéétiŋ síŋ írí bettó âl sʉʉrʉ́ŋ írí kaɨŋ.
36
Kéréŋ awʉ́ nás nadar baŋ,na dog si bʉ́m ásáŋ kʉrro kɨt baiŋ áláŋ koraŋa maŋkéŋâ tâsa lé boró âl dúya áláŋ ɨŋŋi, na áláŋ dog in baiŋ áláŋ dʉlɨ́ŋ kwéŋ tabʉ́ŋ baríŋ."
37
Kereŋ íssa báŋ kee ná síŋ kwa sí tog tiyâ lé gʉʉd palíti,na luul bi luul báŋ dúíti náŋ bórra ʉŋŋɨ âl zatʉ́níŋ pʉ́gó ka̱ rɨ́ya
38
Kwa nyéét gal namá níŋ kí mɨrɨt kʉ́ndʉla tog teyâ lé áláŋ si dééŋ belé kela kámíyál.