1
Îsa ká̱rɨ́ nás betto kí jéríkôŋ
2
ábɨ́ âl dʉó kee ná in ka̱ rɨ́yá zakáya yé âl dɨgɨnɨ̱̂ e kwá’ŋ ta̱ bʉ keŋŋá ná sa kawáji.
3
Yé namá kóel áláŋ jágɨl yé íssa ki yé,maraŋ á já̱gɨ́la ba kuwa soŋŋâ dɨwó,ɨda̱ ,ŋ ná yé saa titî kí suur.
4
Yé namá ta̱ bʉ́,ŋ sa̱ ŋkɨ́yá ná kurû,ŋ írí yaŋŋá áláŋ yee já̱gɨl,ɨdɨ́ŋ âl íssa kí ila dorrá ʉ́ndʉl.
5
álbá íssa élla ila lólé paggo,namá ló írí jágíla namá bʉ́lóŋ ná zakâya kurû írí kee yé namá kí kajala bʉŋŋo,tetê áláŋ dɨ́ɨ́ŋ tóŋ ôŋ
6
Yé namá dééŋ belé kella amí namá dʉ́ʉ bʉŋŋo nás tɨ́rré kí kilmâŋ sɨmmiŋ
7
Âlbá kuwa nyéét ka̱ gɨle,namás káyé ná kírsiŋa ,namá in kámiŋa ,na yé kâŋ nyaŋá áláŋ ka̱ tɨ̱̂ ŋa dʉo sí já̱gɨl
8
Zakáya jáwúlas nás logpii sís i n sii kuwá'ja̱ gɨ́l logpii,kúíŋ ótáŋá diŋŋa âl kuwa sí anní âl pugurána gé ,naa bá ká bʉoŋ a̱ rɨ ábba bâŋ déŋlé soŋŋá anní ,ilâŋ asiŋŋa oŋŋal
9
Îsa namás ye sís in kwǎ,tetê logpii bajiŋ áláŋ dɨ́ɨŋ tóŋ êl,ɨdɨ́ŋ ná yé dog biramíŋ dogolá êlyi
10
Ɨdíŋ ná dʉldɨ́ŋ kwé élla áláŋ kóíŋí na áláŋ teyá piyá kila âl kʉ́ŋŋe."
11
Âlbá yɨeŋ ka̱ yâ̱̱ ŋ nás kila beléŋâ sís kellas kamméŋí,yé indálaŋ namás a̱ rŋɨ́ nás risíŋ kí mitílá, ɨdɨ́ŋ ná yé jʉrasalamíŋ kílli kéŋŋá,yɨeŋ namá in ka̱ lŋɨ̱̂ ŋɨ́ ogpii kuri áláŋ lóŋŋóla indálaŋ
12
Yé namá in kuwá âl dʉó díŋ kéŋŋá nás jáwúla namá díŋ lee nyaŋá karra áláŋ ábba kuri kawíyal námá wɨ́ŋŋa.
13
Yé kééŋ majira wa̱ yye sís namá kamala ínní nás in kuwa âl boo nás tárrí bâ nama níŋ ká ɨ́yiŋŋa
14
Maraŋ kééŋ kuwa ye sí á kolliŋí ba na bá dééŋ jɨttɨŋî kɨ́rsɨŋɨ́,na bá in ka̱ ɨrsɨŋŋɨ́ in dʉó,ŋ kʉrɨŋ dáíŋ írí áláŋ ájee ba
15
lbá yé nyáŋŋá ná wá̱ɨ́ŋa kí assi keer, namá dééŋ kuriŋ tɨ́oy,namás kééŋ majira sís ta̱ rɨ́ piyá kila âl yé kamala ínní,álaŋ já̱gɨl kí kila kamala kas táárí káwe.
16
Dʉó waar kuwa namás in kuá kuri ,kɨ́ɨ́ŋ kamala
wa̱ yye kila ayíla ka janní ,ása kíye táárís â kilaŋ írí kí assi keer namá kamala kerŋa wa̱ yye araŋŋá
17
Yé namás in kuwá ,bát tárrí saa tullé jâ,tárrí dʉoŋo tullê jaŋ,jɨ́ âl ittîŋ wʉoŋ saa tullé jaŋ ,áláŋ elleŋa wa̱ yyéŋ wʉoŋ jaŋ.'
18
Majir asiŋa a̱ w kʉŋŋo,namá in kuwá,kuri kɨ́ɨ́ŋ
kamala âl ni pâ̱̱ ye os,
19
Kuri dʉoŋo namás in kuwá jɨ́ ása tin jaŋ elleŋa ossíŋ írí.
20
Díŋ namá êl ná in kuwá,kuri kila kamala áiy laa jɨ́ ka janní âl kin gé ná túlê diŋ ka̱ yiŋ jʉrɨ́ŋ dɨó
21
Ɨdɨ́ŋ ká áíy la jɨ ka̱ llɨ áa,ká in sí bá ɨdɨ́ŋ áa ná jɨ́ saa jɨtɨ jaŋ,jɨ́ âl a̱ rɨ ɨt ábʉŋ ná jɨ́ dééŋ dɨó ájaŋba,na âl arɨ ɨt jábʉŋ ná jɨ́ ájâba.'
22
Kuri namás in kuwá ,kí dɨ́ɨ ́ŋ tárrí âl jɨ́ áa ká áláŋ gî kééye jaɨ sí kêye ɨ́llo,jɨ́ âl a̱ bɨt kusê jaŋ.jɨ́ jaluŋ si ká âl dʉó jttɨ aŋ,ká âl a̱ rɨ ɨt ábʉŋ ná ká áa ba,na âl ɨt sí ábʉŋ ná ká á áyóba
23
na káŋi ná jɨ́ kúíŋ kamala sí kʉ́lʉm lé ájǎba,bá ká aɨ́y áláŋ abúŋ kí kilmâ sɨmmɨŋ?'
24
ɨ́dé kuri namás kila sís in kuwá âl dééŋ killi kaɨŋ ,ba búŋ dé lee kila kamala,námá wa̱ yye bawí
25
Kila namás in áŋŋé ye sí kuri yé ása kamala wa̱ yye kee.'
26
In gîs ámiŋ bɨŋŋa sí,dʉó bii dʉó asá jeriŋ si kee áláŋ bá soŋŋâ kannîl,maraŋ dʉó asá áa kee ba,na ittî asá kee dog baŋ bawíŋí
27
Maraŋ kúíŋ gárima,alá ákeliba áláŋ ká dɨ́eŋ írí a̱ rɨ bʉmbóŋ,ínnés bélla dúíŋ ta̱ bʉ́ŋ ná bawu."
28
Ǎlbá yé kuwá killa ótáŋá sí,yé in dálaŋ namá yaŋŋá jʉrɨ́salam.
29
Yé indálaŋ namá éla amaŋ killi paŋgo,ŋorrá âl in ka̱ rɨ́yá olɨve yé namá kééŋ majira a̱ wta̱ bʉ́ŋ áddeŋ piyá
30
Namás in beléŋ âl ila elle keer lé bow ,âlbá bɨ́ in náŋ ba̱ rɨ́ tii éllé,bɨ́ báŋ leel bʉmbóŋ asá ákʉ̱̂ l ba. Bellíŋólé nás bêl dúiy léé.
31
Bá gî bʉó gî ɨŋŋo ,káŋŋi ná bɨrgel ?,bás in buwa âl kuri kél.ꞌꞌ
32
Kwa kila âl ádeeŋ káwe ásáŋ leel sís kélal namá keŋŋé ná leel sí bá ila lólle kʉmmé asá bá íssa a kwá
33
Âlbá yeeŋ leel sí kɨrʉl namá dééŋ sɨɨt êl nás in beléŋ ,káŋŋi ná leel bɨrɨgel ?ꞌꞌ
34
Yeeŋ namás in áŋŋé, âl kuri kêl.ꞌꞌ
35
Yeeŋ namás kélle íssa lé, ɨ́dé yeeŋ namás leel sís kʉ́rgoŋa ŋas kayé namás íssa as írí oŋŋo.
36
Âlbá yé júítie ŋí ɨ́dé kwa namás kurúŋâ lúlmáŋá kiŋŋí têŋŋí dórra
írí.
37
ɨ́dé na asá ye sís assó kawéŋí ila lóle âl pʉ́ŋŋó olɨpe ǒlipes bíŋ,killi kéŋŋá,kwâ gosso âl ɨ́de keŋŋá na ké majira namá kilaŋa saa sɨmmó ɨŋŋɨ,naŋ si logpii sís assô káwŋí kí ʉrʉ́ ,ɨdɨ́ŋ ná yeeŋ kagɨle kaiy âl logpii piyá
38
In áŋŋé bajiŋ âl ila kuri lê âl kí loŋpii kona êl,dóŋŋâ janní jawél írí na dééŋ bajiŋ bajaŋ írí."
39
Pɨrɨ́sɨ́ŋá dî kwaŋ dɨó namás ye in iŋŋé,ꞌꞌ gʉʉdpállí, sámbáŋ sii jâ kɨ́ majira sí.ꞌꞌ
40
íssa namá in jáwí,ká waa gîs,abá yeeŋ diriŋ kôl,kɨ́tóŋ ŋá dog áláŋ bá kómmólal."
41
âl íssa elle sí awsa jíŋtîy ŋí,namá kolla kʉ́ŋŋɨ kʉrʉl,
42
Namás in kwá , abá jɨ́ jaŋ pélét ná jalúíti in soŋ lé,a̱ dɨ jɨ́, ótá kila áíy saa jɨ sí dóŋŋá ʉ́ndʉ́llá, maraŋ yeeŋ in tin lé suur si jʉlle dɨ́llé.
43
Âl sog kee ná ʉ́ndʉl ɨ́dɨ́ŋ írí náŋ kɨ́ŋ gárima karába soŋŋâ káwal ɨdɨ́ŋ írí na sabbáŋ
44
Yɨeŋ áíyí áláŋ dû ka̱ bɨ́yal jɨ́ na kɨ́ŋ dogólá.yɨeŋ dɨ́tó tog sí áláŋ á kindíya ba báráŋ írí ɨdɨ́ŋ ná ás jalŋá ba náni áláŋ gî logpii júlló."
45
íssa namá jʉ́míŋ lóle ká̱rɨ́,ná jullu kwâ sí jʉ́rro
46
loŋpii jʉ́míŋ lólle,lii âl íssa jʉ́maŋ ló lee ká̱rɨ́ namás já ná kwa ʉrrʉŋ ,nás in beléŋ âl waar rímeŋ káwe dúiŋ tog âlbá jʉ́míŋ togŋi ,maraŋ bɨ́ namá kamáŋ ló bâ."
47
Îsa namá sîŋ kwa gʉʉd palítiy kérréŋ jʉ́maŋ ló lee, tɨsoŋáŋ ta̱ bʉŋa na rim kwá kwaŋáŋ riyáŋŋa áláŋ ye–sí kawe
48
Namá maraŋ dorrá ás kʉmbé ba áláŋ káwal,ɨdɨ́ŋ ná kwa nyét kaɨ́ŋ ná sîŋ ye sís kella kammeŋi.