¹ देवा पोयरो येशु देव तिया जिवना गोठ्या आखनु सुरवात ² जेहकी यशया भविष्य केणारो तिया चोपडीम लीखलो. ³ जंगलाम एका बोंबलुनारा आवाज आवि रियोहो, देवा केता रस्तो तियार केरा आणि सोडको सिधी केरा. ⁴ योहान आलो, जो जंगलाम बाप्तीसमो देतलोह, आन पापा क्षमा मिलवा केता तुमा मोन ! देवा गोठी वेला फिरवा, एहकी बाप्तीस्मा संदेश देहलो ! ⁵ बादा यहुदी आन यरुशलेमाम रेनारा बादा लोक निगिन तियाहाय गिया, आन सोताह पापा कबुली किन यारर्देन खाडीम बाप्तीस्मा लेदो ⁶ योहान उटडां चामंबडा पोतळे पोविन कोंबराम चांबडा पाट्टो बांदलो रेतलेा आन टोडे आन मधुमाखे खातलो ! ⁷ आन तो माहान एहकी संदेश देहलो का, मा फाचलो तो आवनारो हाय तो माहिने बी ताकतवान हाय माय आतो लायक नाहा का तिया पागुमने बुटा दोरि खोलु ⁸ मायु ता तुमनेहेन पायांकी बाप्तीस्मो देदोहो पेन तो तुमनेहेन पवित्र आत्माकी बाप्तीस्मो दी ⁹ देवा पोयरो येशु देव तिया जिवना गोठ्या आखनु सुरवात ¹⁰ जेहकी यशया भविष्य केणारो तिया चोपडीम लीखलो. ¹¹ जंगलाम एका बोंबलुनारा आवाज आवि रियोहो, देवा केता रस्तो तियार केरा आणि सोडको सिधी केरा. ¹² ताहा आम्हायतियाल तुरुतूज जंगला होवे मोकल्या

¹³ आन जंगलाम चालीस दिही लुगु सैतानाय तिया परिक्षा लेदी, आन तो जंगली जनावरा आरि रियो, ¹⁴ योहानाल ति देवुलाम आलो तिया फासो येशुय गलीलाम आवीन परमेश्वरा राज्या हाऱ्या गोठ्या आख्या. ¹⁵ आन आख्यो, “समय पुरो वि गियोहो आन परमेश्वरा राज्य पाहि आवि गियोहो, तुमा मोने देवा होवे फिरवा आन देवा हारी गोठीप भरुसो थोवा”. ¹⁶ गलीला खाडी तेडीप जाता जाता, शिमोन आन तिया पावुहू आन्द्रीया ईयाहान खाडीम जाले टाकता वेयो, काहाका ते मासेमानारा आथा.

¹⁷ आन येशुय तियाल आख्यो, “ मा फासला चाली आवा, माय तुमनेहेन माहि तेनारो बोनवेहे !”

¹⁸ ते तुरुतूज जाले फेकीन तिया फासला जाला लाग्या. ¹⁹ आन वायज आगला चाली जायन, जब्दी पोयरो याकोब आन तिया पावुहू योहान इयाहान उडीप जाले हुदरावता वेयो, तियाय तुरुतूज तियाहान हाद्या. ²⁰ आन तुरुतूज इसुय तियाहान हादी लेदा ताह ते तियाहां बाहकाल (जब्दील) आन मजुराहान उड्याम रा दिइन तिया आरि गिया. ²¹ फासे ते कफर्णहुम गांवाम गिया, आन माहारुज शब्बाथ दिह्या दिही (शनिवारी यहुदी लोकाहां भोक्ती दीही) भोक्ती पोंगाम जायन तो हाऱ्या गोठ्या हिकवा लाग्यो. ²² तिया हिकवूनुकी बादा लोकाहान नोवाय लागी, तो तियाहान शास्त्री लोकाहां नाय पेय खेरा मिलला अधिकाराकी हीकवूतलो, ²³ ताहा तिही तियांहा भोक्ती पोंगाम पुथडो लागलो एक माहॅू आथो,

²⁴ तियाय बोंबलीन आख्यो, “ओ नासरेथवाला इसु आमाहान तो काय काम ? तु आमा नाश केरा केअता आलो हो का ? तु केडो हाय इं मान मालु हाय, पोरमेहेरा चोखो माअहु तो तुजं “.

²⁵ इसुय मिया पुथडाल धमकावीन आख्यो “ठाको रे, आन इया माअहामेने निंगी जो,”

²⁶ ताहा तो पुथडो तिया माअहाल आवलावीन-आवलावीन तोडी पाडीन तियामेने बोंबलुतो निंगी गियो, ²⁷ तोंअ विइन बादा लोकाहान खुब नोवाय लागी आन ते एक बिहीराल फुचा लाग्या, “इही काय वि रियोहो ²⁸ इं ता नवीनुज हारि गाठ हाय.” इ गोठ माहारुज गालील प्रांताम चारी ओरी बादाहाल मालु पोडी गियी ²⁹ फाचे इसु तुरुतूज भोक्ती पोंगामने निंगीन याकोब योहान इयाहां आरी शिमो आन आद्रिया इयाहा कोअ आलो.

³⁰ ताहा शिमोना हावडी खुब बोरावली आथी, शिमोनाय तुरुतूज तियाल आख्यो,

³¹ ताह इसु ति बारावल बायीही गियो आन तीयु आथाल तिइन उठविन बोहती केअयीआन ताहाज तियो बोरो निंगी गियो, आन ती तियाहा सेवा चाकरी केरा लागी. ³² वाअतीवेला तिही बुडी गियो, ताहा लोक बादा दुख्याहान आन पुथडे लागलाहान इसुही ली आला,

³³ तिया शहर बाअनाही टोलवाया

³⁴ ताह इसुय जाती-जाती दुखे लागला माअहान हारे केये आन खुबूज पुथडान तांगाडी काड्ये आन तियाहान गोंगा नाहा देदा काहाका ते इसुल ओखुतले, ³⁵ फांचे तो चुनख्योज उठीन तिहीने निंगीन डोगाम गियो आन तिही तो प्रार्थना केरा लाग्यो

³⁶ ताहा शिमोन आन तिया हेंगात्या तियाल होदता होदता गिया

³⁷ जाहां इसु तियाहान सापड्यो, ताहा तियाहाय तियाल आख्यो, “बादा लोक तुल होदताह, ³⁸ ताहा इसु तियाहान आखहे, “ चाला, बिहीर बांवाहाम गी आपु वचन आखा खातोर जाहु, काहाका आय हयाज खातोर निंग्योहो.”

³⁹ तो बादा गालील प्रांताम यहुदी लोकाहां भक्ती पोंगाहाम जायन लोकाहान वचन आखतलो आन लोकाहांमेने पुथडाहान ओडी काडतलो. ⁴⁰ एक कोडलो माअहु तियाही आलो, तो तिया हुंबूर आवीन रांव्या किइन पागे पोडीन आखा लाग्यो “तो मोरजी हाय ता, तु मान हारो की सेकनारो.” ⁴¹ ताहा इसुल तिया मांहावे दोया आली आन आथ आगाडी किईन मियाल आथलिन आख्यो, माअ मोरजी हाय तु हारो वी जो,” ⁴² ताहां तुरुतूज तिया मांहा कोड हारो वी गियो ⁴³ ताहां इसुय तियाल हारकी होमजावीन तुरुतूज माकली देदो. ⁴⁴ आन तियाल एहेकी आख्यो, देखे केडालुज कावींज मां आखहो, पेन जायन सोवताहाज याजकाल देखाव आन तो तुल तापासी ली, आन तुं हारो वेयोहो एहेकी मियाल होमजाय. कोडला दुखामेने होरा वेलाहा खातोर मोशे भविष्यावक्तांय ठरवुली चोखोपणा अर्पना विधी केजे. ⁴⁵ पेन इ गोठ तिया मांहाल बादा लोकाहान खुलीरीतीकी आखी देखावी, ती गोठ बादज मालु पोडी गियी तियाखातोर इसु फाच्चें खुली रितीकी सेहराम नाय जाय सेकतला, तिया खातोर इसू डोगामुज रिया तेबी बी चारी सोमकीने लोक तियाही आवतला.