अध्याय 3
1
आणे तिबिर्य कैसराच्या सत्ताम पंधराव्या वर्षा मे जाहा पंतय पिलात यहुदीया शासना शासक आथो आणे हेरोद राजा चौभा भागा शासना चालक आथो आणे तिया पाऊ फिलीप ओतिया चौथा भागा इतुरीया त्राखोनीती या देशा शासक आथो आणे लुसनिय ओ चौथा अबिलेने या शासक आथो
2
फासे हन्ना आणे कयफा ऐ बेनी मुख्यो सेवक लोक आथे, ताहा जंगलाम देवा वचन जख-या पाेयरा योहान याही आले
3
तो यार्देन खाडी चोमखीवेले आखा भागाम पापाहा. माफिकेता पास्तावो केरा केता बाप्तिस्मा लील्या अेहकी आखातो फिऱ्यो
4
यशया संदेष्ट्या हा पुस्तकाम लेखलो या सारखो ई वेयो जोगंलाम आखतो फि-यो, 'परमेश्वरा वाट तियार केरा, तिया वाटा निट केरा,
5
हरएक खाई पोराम आवी आणे हरएक डोगा आणे बोड्या सपाट केराम आवी वाकडी नीट वेरी आणे उचनिचा वाट सपाट केराम आवी
6
आखो मानव प्राणी देवा आवनारो तारण वेरी."
7
तियापने बाप्तिस्मा केराकेअता आवनारो लोकाहा टोलो योहान आखा लाग्यो; "ओ, विषारी हापडाआ पाेयराह, आवनारो रोगा पेने सुटको किलाकेता तुम्हाल केडाय सावद केयो,
8
फाेस्तोवो केरा केता हारो फोलवे दया आणे आपु मनाम ऐहकी विचार नाहा केरा की, 'अब्राहाम आम्हा बाहकाहास हाय; कारण आय तुम्हाल आखुह आणे, अब्राहामा केता इया दगडापेने पोयरे तियार केरा केता देव समर्थ हाय.
9
आणे आमीच चाडवा थुबाई टोल्यो थोवलो हाय. आणे तिया केता कोते तेबी चाडवे जे हारो फलळे देय नाय ते रोडाम आवी आणे आगीम टाकाम आवी."
10
फासे टोलामने लोकाही तियाल फुश्यो आमा काय केजी.
11
तियाहाय उत्तरम देधो केडाप बेन डिलामने पोतडे वेरी तर केदापे नाहा हाय तियाल एक दिदे आणे केडापे अन्न हाय तियाहाय बी तेहकीच केरा.
12
काही जकातदार बास्तिस्मा किला केता ते आल्ला आथा तियाहाय आख्यो गुरूजी आमा काय केजी?"
13
तो तियाहाल आख्याे, का तुमाल नेमी देदा तिया ऊपे वादार पोयसा नाहा ल्याहा.
14
काही शिपायाही सुध्दा तियाल फुश्यो आणे आख्यो, "आणे आमा बद्दल काय आणे आमा काय केजी? तियाल आख्यो केडापने जोबरीने पोयसा नाहा ल्याहा केडाभी खोटा आरोप ताहा क्याहा, तुम्हाल मिलेह तिया पगार मे समाधानी ऱ्या,
15
ताहा ते लोक खुप खुशी की वाटवेरा लाग्या हरेएक जा आपु मोनाम ओज ख्रिस्त वेरी ऐहकी विचार केरा लाग्या.
16
तियाय आख्याहाल योहानाये उत्तर देदो, "आय तुमाहाल बाप्तिस्मो पायाकी कीऊ पेन एकजां मा केताही तो सामर्थ्याशाली हाय तो आवीरीयो आणे तिया पागा चापलाहा डोड्या सोडा केता आय लायकी नाहा हाय, तो तुमा बाप्तिस्मा पवित्र आत्मा कि आणे आगी की केरी.
17
तिया खोलो एकदम साफ किन आणे गोव तिया बोदडीम थोवा केता तिया हुपडो तिया आथ/ महाय पेन तो कोचरो नेय ओलानारी आगीम सिलगावाम आवी.
18
योहानाय अहेड्या कोत्याहा उत्तेजन देनाऱ्या शब्दा की तियाल खोरा आखानु सुवार्ता आखी,
19
योहानाय चौथा भागा या सरकार हेरोद याआ तियाल हारोज गोठीमे खेचीलेदो काहाका तिया पाऊ कोवाली आरी हेरोदीया इयो आरी लफडो आथो, तेहकी तियाय अनेक खाराब गोठ्या केल्या आथ्या
20
ई बाठो किन सुध्दा तियाय आजी एक खराब काम केयो आणे योहानाल कोचोरीम टाक्यो,
21
ताहा ऐहेकी वेयो का बाठ्ठा लोकाहल बाप्तिस्मा योहान हाथुकी केतुलो, ताहा येशु बी बाप्तिस्मा वीन तो प्रार्थना केरा आथो ताहा वादलो ऊगडी गेहलो
22
आणे पवित्र आत्मा देहरूपाम कबुतरा सारखो तियाऊपे ऊती आलो आणे वादलाम मे ऐहकी आवाज आलो की तु माआ मेरालो पोयरो हाय आय तोपे खुप खुश हाय,
23
ताहा येशुय तिया सेवाकार्यल चालु केयी ताहा तो तीस वोराहा आथो, लोक तियाय योसेफा पोयरो होमजे योसेफ एली पोयरा आथो,
24
एली मत्ताथा आ मत्तय लेवी मल्खीचा मल्खी यत्रयाआ योसेफ आ पोयरो आथो.
25
योसेफ मतिथ्याआ पोयरो आथो, मतिथ्य अमोसाआ अमोंस नहुम हेस्लीआ, हेस्ली नग्गयाआ
26
नग्ग्य महभाआ महथ मत्तिथ्याआ मत्तिथ्याआ मतिथ्य शिमयीआ शिमयी योसेखाआ, योसेख योदाआ पोयरो आथा,
27
योदा योहानाआ पोयरो आथो. योहोनाआ रेशाआ, देशा जरूब्बाबेल शल्तीएलाआ शल्तीएल नेरीआ,
28
नेरी तल्खीआ, मल्खी अदीचा, अदी कोसोमाचा, कोसोम एल्मदायाचा, एल्मदाम एराचा,
29
एर येशुआ, येशु अलिएजराआ, अलिएजर योरीमाआ, योरीम मत्ताथाआ, मत्ताथ लेवीआ पोयरो आथो.
30
लेवी शिमोनाआ पोयरो आथो. शिमोन यहूदाआ, यहुदा योसेफाआ योसेफ योनामाआ, योनाम एल्याकीमाआ,
31
एल्याकिम मल्याआ, मिन्नाआ मिन्ना मत्ताथाआ, मत्ताथ नाथानाआ, नाथाआ दाविदाआ,
32
दाविद इशायाआ, इशाय ओबेदाआ, ओबेद अवाजाआ बवाज सल्मोनाआ, सल्मोन नरशोनाआ पोयरो आथो
33
नरशोन अम्मीनादाबाआ पोयेरो आथो, अम्मीनादाब अदामीनच अदामीन अर्णय हेस्त्रोनाआ हेस्त्रोन पेरेसाआ, पेरेस यहूदाआ,
34
यहुदा याकोबाआ याकोब इसकाआ इसहाक अब्राहामाआ नाहोराआ.
35
नाहोर सरूगाचा सरूग रऊआ, रऊ पेलेगाआ पेलेग एबराआ एबर शेलहाआ पोयरो आथो,
36
शेलह केनानाआ पोयरो आखो शेलह केनानाआ पोयरो आथो केनान अर्पक्षदाआ अर्पक्षद योमाआ नोहाआ नाहा लामेखाआ,
37
लामेख मथुशलहाआ मथुशलह हमोखाआ हनोख यारेद महललेलाआ महललेल केनानाआ
38
केनान अनोशाआ अनोश शेथाआ शेथ आदामाआ देवाआ पोयरो आथो.