2 ¹⁰ Ugaid na oniyu katukawi a so wata o tao na ad'n a barakat iyan saya sa donya a mam'rela sa mga dosa o de na rarangit iyan ko p'd eyan." pitharo iyan ko paralitiko, " ¹¹ diyak'n r'ka de tharoon a m'buwat ka na kowa anga so igaan ka, na go ka song ko walay nga." ¹² Mimbuwat s'kaniyan na kinuwa niyan so igaan iyan na luminiyu skaniyan sa walay uto sii ko unaan o langon, na giyuto ka langon siran miyam'm'sa na piyamakalaa niyan so kadnan, ago raks a phitharo eyan, "k'mbok'bo na da kami makailay sa laged inin." ' ¹⁸ So mga pag taw i Juan ago so mga Pariseo na de phuphuwasa.Miyubay so sabage ko mga tao na pitharo eyan ''Ngaino de phuwasaso mga pagtaw i Juan ago so mga pagtaw a Pariseo ogaid na so mga pagtaw nga na k'naba de phuphuwasa?'' ¹⁹ Pitharo rkeran i Jesus khapakay bs a phuwasa so mga pagtaw sii ko kawing'n amay p'd eran pn so mama akhawingn? Taman sa p'd eran p'n so mama a khawing'n na de seran p'n khapakay phuwasa. ²⁰ Oway na phakawma so gawii a so mama a khawing'n na khipakawatan r'keran na sa mga gawii uto, na phupuwasa seran. ²¹ Da a tao phamamanae sa bago a denis ko rabing a bangkala ka sabap ron na so ingetapik ron na kakise ago mas phakala so binasa niyan. ²² Da a tao a thago ko rabing a papanaguwan sa pakabr'g ka upama ka itago ron na kagba so phakabr'g na raks so taguway niyan na khawlaan pn so pakabar'g ago so pananaguwan. Mauto p'n na tago ka sa bago a pakabr'g ko bago a pananaguwan.''