10 ³⁵ Sumiyong r'kaniyan si Santiago ago si Juan a mga wata i Zebedeo ago pitharo eyan, "Guro, kabaya ami a tumanananga r'kami so apiya antunaa a phangniin ami r'ka." ³⁶ Pitharo eyan r'kiran. "Atonaa i kabaya eyo a sowaan akn para r'kano?" ³⁷ Pitharo eran, "iyuge kami nga a muntod a p'd ka ko makambabala a ubay nga, isa ko kawanan ka a lima na isa p'man ko diwang ka.'' ³⁸ Ugaid na sumimbag si Jesus r'kiran, " De niyu katawan a giyanan a phamangnen iyo. khagaga niyu minom ko baso a phaginuman ak'n ode na tig'r'n so iphaygo eran rak'n?'' ³⁹ Pitharo eran r'kaniyan, ''Khagaga ami.''Pitharo e Jesus r'keran, '' So baso a paginuman ak'n, na paginuman iyu mambo ago so iphaygo iran rak'n na iphaygo mambo r'kano na thig'r'n iyu, ⁴⁰ Ugaid na uphon antayn e muntod ko kawanan akn a lima ode na sii ko diwang ak'n, na k'naba sakn e ph'mb'gay ka para uto ko mga kiyapaganaan on d'n.'' ⁴¹ Nako man'g o p'd a sapulo a mga tanggp'da eran a sabap roo, na miphoon seran m'rangit sa sobra ki Santiago ago ki Juan. ⁴² Tiyawag siran e Jesus na na pitharo eyan, "Katawan iyu a aya kikilalaan a mapuro o mga Gentil na so mauuna r'keran, ago so mga importante o de na mas mapuro r'keran i pamakatuman ko mga barakat r'keran. ⁴³ Ugaid na k'naba sa pa ukit aya e dait r'kano, Apiya antaa man i khabaya r'kano mawmbal a mat'gas na daet a mawmbal iyu a tinabanga, ⁴⁴ Ago apiya antaa e khabaya r'kano manguna na wagib a mawmbal a orip'n o langon. ⁴⁵ Kagiya a dadn makawma so wata o tao ka on makapananabang'n, ugaid na onon makatabang ago mib'gay so niyawa eyan a misambi ko langon." ⁴⁶ Miyakawma seran sa Jerico. Nako phagawa d'n si Jesus na sa Jerico a p'd eyan so mga tag'p'da eyan ago so miyakadak'dak'l a mga tao, So wata e Temio, a si Bartemio, sakataw a miskinan a buta na muuntod ko ubay o lalan, ⁴⁷ Nako man'g eyan a si Jesus a tag a Nazaret uto, na miphoon s'kaniyan m'lalis a pitharo eyan, '' Jesus a wata e David na kagagawi ka rak'n!'' ⁴⁸ Madak'l a de phamaratiyaya ko buta, deran ron de tharoon a tatar'g badn s'kaniyan. ugaid na ba niyan badn piyakatanog so de niyan de kap'lalis, '' Wata e David na kagagawi ka rak'n ⁴⁹ Tumiyar'g si Jesus na ingesugo iyan a s'kaniyan na tawag'n. Tiyawag eran so buta a de tharoon, ''Pakawaraw ka! Tind'g ka! Phthawag'n ka niyan. ⁵⁰ '' Inge ithog eyan so tungk'd eyan na kumiyayug s'kaniyan ki Jesus. ⁵¹ Ago simbag s'kaniyan e Jesus na pitharo eyan, ''Atonaa e kabaya aka a sowaan ak'n para r'ka?'' Pitharo o buta, ''Rabi kabaya ak'n a makaylay ako d'n. ⁵² ''Phitaro r'kaniyan e Jesus, ''Awa ka, ka so kiyasimba nga aya r'ka miyaka khapiya.'' Giyuto d'n a oras na miyakaylay s'kaniyan na tiyundog eyan si Jesus sii ko lalan