¹ Mponya ndakabona mujanza lyolulyo lyooyo iwakakede acibula comwami bbuku lilembedwe kunembo oku sule zilamalide muziga zili musanu otubili. ² Ndakabona mungelo weguzu wakambilizya ejwi pati,"nguni weelede bbuku okunamatula zinga bbuku eeli? ³ Pele takwe naba omwi kujulu na ansi nikuba kunsi enyika wali kukonzya kuvununa bbuku eeli. ⁴ Ndakalila loko nkambo kuvununa bbuku eelyo nikuba kulibala. ⁵ Pele umwi wabapati wakandambila kuti, utalili. Langa! walunyungu lwa Davida, wa kazunda. Ulakonzya kuvununa bbuku okunamatula ziga zyalyo zili musanu atubili. ⁶ Ndakabona mwana we mbelele waimvwi akati kecibwe ezilengwa zyonse akati abapati. Wakali kulangika mbuli walijaidwe. Wakalijesi meja aali musanu atubili amenso, aali musanu atubili, ezi zyakali myuuya ya leza ili busanu otubili eyo yakatumwa muyika yeense. ⁷ Wakanyamuka wabweza bbuku mujanza lyecilisya lyooyo ukede a cibbula cobwami. ⁸ Ino nakamana kubweza bbuku, zilengwa, zyonse abapati bali makumi obile abane beense bakalibwala ansi kunembo lyo mwana mbelele. Omwi omwi wabo wakalijesi kalumbu endido yengolide izwide tunukilizyo, ezyo nekombyo zyabasalali ba leza. ⁹ Bakaimba lwiimbo lupiya"ndiwe welede kubweza bbuku o kunamatula ziga. Nkambo ndiwe wakajaigwa, mponya bulowa bwako bwakanununa bantu kuti babe bantu ba leza kuishobo yeense, milaka, mikowa, ezisi zyeense. ¹⁰ Wakaba panga kuti babe babwami a bapaizi bokubelekela leza, mponya bayolela ansi. ¹¹ Mponya nindakalanga ndakamvwa kwiindilizya kwabangelo banji bazyungulukide cibbula cobwami a zilenge zipona abapati. Mwelwe wabo beense bakainda zyuulu zili wabo beense bakainda zyuulu zili ikumi azyuulu zyazyulu. ¹² Bakamba ejwi ipati, ülelede mwana mbelele, oyo wakajaigwa, kuti atambule bulemu, lubono. busongo, nguzu, kulemekwa, bulemu, okutembaulwa, ¹³ "Ndakamvwa zilenge zyeense mujulu omuyika kunsi enyika mulwizi ezintu zyeense zili mumo kaziti,"kuloyo ukala acibbula comwami oku mwanambelele kube kutembaulwe, balemekwe, ape bapegwe bulemu enguzu mane kukabe kutamani. ¹⁴ Zilenge zyonse zyakati Äkube namu!"Ambabo bapati bakawida ansi o kukomba.