¹ Paulo, omutumwa kwa leza, ayibo Timoti omu zyalwama, ku cikombelo ca leza eco cili mu Korinto, ape o kuli bense bana ba leza basalala mu cisi cense mucoko caku Akeya. ² Luse lube kuli yebo ape lumuno luzwa kuli leza tata ape olo mwami Jesu kilisito. ³ Kuli leza ape tata o mwami Jesu kilisito a lumbaizyigwe ngu tata siluse ape ngu leza u yumya yumya. ⁴ Leza ulatuyumya yumya swebo mumapenzi esu onse, camba kuti aswebo twelede kuyumya yumya abo bali mumapenzi. Tulaba yumya bamwi mbonya mbuli mbutwakayumisigwa ezyo leza ngaka belesya kutayumya aswebo. ⁵ Kambo mbonya mbuli mapenzi a kilisito atuyumya kulubazu lwesu, camba kuti ukuyumisigwa okuyuma kwindila muli kilisito. ⁶ Pele kuti na katupenga eci co kuyumisigwa ape olufutuko; ape kuti na twayumisigwa, bakwesu ku yumisigwa. kuyumisigwa kwenu kulabeleka cenguzu mukupenga kwelana okupenga kutupenga a swebo. ⁷ Kulangila kubulangila kuli yebo kwa zengana, mbuli mbutuzi kuti twabana mapenzi, ayibo abana aswibo kuyumisigwa. ⁸ Kambo tatuyandi kuti mutazibi, nobazyalwama, akambo ka mapenzi ngitwajesi mu Asiya. Mukuli mupati wa katulemena atala akuyuma, camba kuti titwali kuyeya kuti tucili baumi. ⁹ Nconzyo, twalijesi nzila yolufu kuli swebo. Pele eci cali kutubika kuti titabiki lusyomo muli swebo, pele buyo muli leza, oyo ubusya bafwide. ¹⁰ Waka tugwisya swebo kuzwa kuzifwide ape uyo tuvuna swebo, alinguwe twakabamba lusyomo olo luyo tuvuna swebo. ¹¹ Uyo cita mbonya anywibo nimutugwasya e nkombyo, mponya banji bayopa kulumba kulubazu lwesu akambo ka zibotu zipego zipegwa kuli swebo kwindila munkombyo zyabanji. ¹² Kambo kesu kokulivunwa kaka; kuyeya kwesu kulalungulula kwamba kuti swebo twaka bamba tobamukamwini munyika oku salala ape obuleza kumaninina, kutamba kusyamina a mubili obusongo pele ku luse lwa leza. ¹³ Tulalemba kuli nywebo kutamba kuti tamuzi kuti tamukonzi kubala ape okuvunwa, ape ndilalangila kuti muyozulilwa mukunvwa. ¹⁴ Mbuli mumwakatumvwa swebo mucibalo, kwamba kuti mukalinvwe kambo kesu mubuzuba bo mwami Jesu, mbonya aswibo mbutuyolimvwa kambo kenu. ¹⁵ Kambo ndalokuyuma kambo keci, ndalikuyanda kuza kuliyebo kusanguna, kwmba kuti ninga watambula cabili ciyandisisi cipego. ¹⁶ Ndali kuteyeya kuzokubona nindali kuyo buya ku mesedoniya. Mponya ndalikuyanda kuzo kubona mumusinzo wangu oku mesedoniya, ape kuti yebo utanditume mebo mumusinzo okuya ku Judeya ¹⁷ Nindali kuyeya munzila eyi, ndalikuyeya zyabuyo? Ino kokuti ndilazibamba zintu kwendelana okunyama, kwamba kuti ndambe kuti ïnyi"inyi äpe ne, ne acindi comwi? ¹⁸ Pele mbonya mbuli leza mbwasyomeka, ijwi lyesu kuliyebo tainsi ïnyiäpe""ne". ¹⁹ Mbonya mbuli mwana leza,Jesu kilisito, oyo Silivano, Timoti ape ngutwakakambauka akati kenu, tensi ïnyi ape"ne"kokwamba kuti, cindi xonse ngu ïnyi". ²⁰ Kambo zyense zishomezya zya leza nguïnyi muli nguwe camba kuti kwindila muli nguwe twamba kuti Äkube mbonya"kukulumbaizya leza. ²¹ Ino ngu leza utuyumya swebo ayibo muli kilisito, ape wakatuleleka swebo. ²² Wakatubamba okutuyumya swebo ape wakatupa muya mumyoyo yesu mbuli cintu cikedelede eco ciyoza. ²³ Pele ndilaita leza mbuli kamboni kumuya wangu kuti kambo cindatakazida kukorinto kwali kwamba kuti ndelede kukubamba yebo. ²⁴ Eci tacambi kuti tuyanda kuba mwami atala a lusyomo lwako. Kutainsi namu tuli benzinyoko babelesi mukubolelwa kwenu, mbuli mboima mulusyomo.