¹ Tandangunukide na? tandinsi mu aposito? tandikamubwene Jesu mwami na ? tamwinsi babelesima mu mwami? ² Kuti na tandinsi mwa aposito kuli bamwi, kono kuli nywebo. Kambo muli bakambonima kubu aposito bwangu mu mwami. ³ Obu mbulikwabilizi bwangu kuli abo banditatuba. ⁴ Tatukwe lwanguluko kukulya na kukunwa? ⁵ Tatukwe lwanguluko mukubweza mwanakazi oyo usyoma, mbuli mbobacita ma aposito , ape aba zyalwanyina mulu mwami, o Kefasi? ⁶ Na ngu Bbanabbasi amibo balukede kubeleka? ⁷ Ngwani ubeleka mbuli musoja muli lyakwe? ngwani ubyala musansa ape katalyi zizyalo? na ngwani wembela butanga utanwi malili azyo? ⁸ Ino ndamba ezi zintu kwindila munguzu zyabantu? pele mulawo tawambi namu? ⁹ Mbuli mbo cilembedwe mumulawo wa Mozesi , '' pele mutangi kumulomo mupulu cindi nalyatauka maila , '' kambo Leza ulanga buyo ngombe ? ¹⁰ Nkokuti tambi swebo? cakalembwa kuli swebo, kambo oyo ulima alime cakulangilila, ape uyo utebula ulelede kutebula obulangilizi bokwabila bamwi mubutebuzi. ¹¹ Kuti na twakabyala camumuya akati kesu, kokuti cilaindilizya na kutebula zyo ku nyama kulindinwe? ¹² Kuti bamwi bakapegwa celelo eci, sa swebo tatwelede kubainda kupegwa na ? Kono takwe nitwacisungilizya celelo. Pele tulakakatila mulizyonse kutali kusinkilizya mulumbe wa Kilisitu. ¹³ Tamuzi kuti abo babeleka milimo wabusalali balajana zilyo mu tempele ? tamuzi kuti abo babelekela mukabwe bala abana zipo zipegwa akabwe? ¹⁴ Munzila njonya eyo , abo bakambauka ijwi lya Leza balajana kupona kwabo mukukambauka ijwi. ¹⁵ Pele takwe nindayanda nikuba comwi celelo, ape tandilembi ezi mukuti cimwi cintu cicitike kulime. Cilabota kuti ndafwa kwinda kuti omwi wanginyanga celelo mukunonenwa. ¹⁶ Kuti na ndakambauka mulumbe, tandikwe kambo okulisumpula, kambo ndilikede kucicita. Ape mawe kuli mebo kuti na nditakambauki mulumbe! ¹⁷ Kuti ndacita namu cokwangunuka , ndiyojana bulumbu. Kono kuti kense angunukide, mukucita eci, ndicijesi bwembezi obo mbundaka pegwa . ¹⁸ Ino bulumbu bwangu ninzi? kuti ndakambauka , ndilakambauka ijwi kakutakwe kubbadela ape kkutakwe kubweza cabilo conse mujwi. ¹⁹ Pele kuti na ndilangunukide kuli zyonse , ndibe mubelesi kuli bonse , kuti ndijana banji. ²⁰ Kuma Juda ndakaba mbuli mujuda, mukuti ndijane majuda. Kuli abo bali kunsi omulawo, bakaba mbuli abo bali kunsi omulawo mukuti babweze abo mumulawo. Ndakacita eci mukambo kokuti tandinsi munsi womulawo. ²¹ Kuli abo bali anze umulawo, ndakaba mbuli abo bali anze omulawo, kono tidali anze omulawo wa Leza mebo , pele ansi omulawo wa kilisitu. Ndakacita namu mukuti ndibweze abo bali anze omulawo. ²² Kuli bagokedwe ndakaba ugokedwe, kutegwa ndibweze bagokidwe. Ndakaba zyonse kubantu, kutegwa ndibe nzila yokufutula bamwi. ²³ Ndilacita zyonse zintu kuluse lwo mulumbe, kutegwa nditole busena kuzileleko. ²⁴ Tamuzi kuti balunduka balazuza , pele omwi ngupegwa cipo? ino amuzuze mukupegwa zipo. ²⁵ Kufumbwa uzuza ulalilanga langa muzintu zyonse. Balacita namu mukuti babweze zipo zimana pele tulaci namu mukubweza cipo zitamani . ²⁶ Nkokuti tandizuzi kakutakwe bulangilizi. ²⁷ Kono ndilapa mubili wangu okupanga muzike, kutegwa ndamana kukambauka kuli bamwi, mebo ndemukamwini nditajwisijwe.