¹ Twakanvwa kuti kuli bwami akati kenu, bwami obo mbomusyobo utajanywi mukuba akati kabamasi: kambo muntu umwi ulakala o mwanakazi wabayisi. ² Pele mywebo mulalisumpula! lamwelede kulila, kuti oyo wakacita eci agwisigwe akati kenu? ³ Kwamba makani angu, nikuba kuti tandinsi anywibo mumibili, pele moyo wangu uli anywibo mumuya, ape mebo mbuli kuti mpendu ndayatula kale muntu oyo muzina lyo mwami, wakacita namu. ⁴ Mwakubungana ape muzina lyo mwami wesu Jesu ndili anywibo enguzu zyo mwami wesu kilisitu aswibo. ⁵ Mulelede kwaba muntu oyo kuli satani kuti mubili wakwe unyonyonye, kuti muya wakwe ukafutulwe mubuzuba bo mwami. ⁶ Kulisumpula kwenu takwinsi kubotu. Ino tamuzi kuti tumena tunini tulafufumusya dwi lyonse? ⁷ Amugwisye bumena bwecindi kuti mube mulwi mupya, mbumubede kamutakwe mumena. Kambo mbelele ye paseka, kilisitu wakapaizigwa kale. ⁸ Akambo ako atusekelele pobwe, kutainsi obumena bwecindi, bumena bwe,ilandu o bwezibi pele ecinkwa citakwe bumena eco mululami olusinizyo. ⁹ Ndakamulembela mulugwalo lwangu kuti mutayazani abasibwamu. ¹⁰ Tindali kwamba buyo zyabantu babi benyika eyi, mbaba ba syicivule mwangu aba fumpi, mbaba basikukomba zibumbwa, nikwali namu nimwalizwide kale munyika. ¹¹ Pele ino ndamulembela kuti na kuli muntu naba omwi ujesi mwenzinyina sibwamu, mulyato, sikukomba zibumbwa, simatusi, cakolwa, na mubbi, mutanvwani anguwe, nikuba kulya anguwe. ¹² Kuyatula abo bali anze mulimo wangu na? tamwelede kuyalula abo bali mukati. ¹³ Pele Leza nguyo yatula abo balanze. Mumutande muntu mubi kuzwa akati kenu.