¹ Lalo Yesu wendele nakukobela mu Sunangonge, cho kwakele munalume wa liboko lya kalepe. ² Banu bamo bamwakele mangana nakumutala nge amuthaka ha litangwa lya Sabata linga ba mubangeye. ³ Yesu wendekele kuli muna lume w liboko lya kalepa, "Katuka wimane muno mukati ka banu boshe." ⁴ Cho wendekele ku banu, " Chinapu chamashiko kulinga bubwa ha litangwa lya Sabata ndi kubihithsa; kobola mwonyo ndi kuthsiya?" oloje bolokele kulu. ⁵ Wabakengele namatoto, walubalele cho wshulile na buthsiwa ha kukaluhwa cha bimbunge byabo, nakwendeka kuli uje munalume, "Olola liboko lyobe."walyolwele, na liboko lyendi balikangwile. ⁶ Ohobene ba Faliseo na ba Helonde batundileho na kuputuka kujala ngila ya kumuthziya. ⁷ Cho Yesu, na bandongethi bendi, baile kulishali, na mbunga ya banu babengi babakabele kutundilila ku Ngalileya na ku Yundeya ⁸ na kutunda ku Yelusalema na ku Indumeya nakushongo ya Yondani na hakati ka Taila na Sindoni. Omwo bathzibile abije byuma akele na kulinga, mbunga yakama yethzile kuli ikeye. ⁹ Alekele bandongethi bendi mangana bakale na kabwato kakandende mwafwa ha mulonga wa mbunga, konowethsa kulithindamena nendi. ¹⁰ Hakupwa wathsakele babengi, mangana boshe baje bali na bukalu baije kuli ikeye na kumukwata ngechi omu chinatelela. ¹¹ Thimbu yoshe mithzinthzime yaibi ya mumwene, yawililile hathi na kulila kutambekela, na kwendeka ngwabo, "Yobe umuna Njambi." ¹² Waba byanethele mukukanyama kethi bamusholole. ¹³ Wakandukile hamunkinda, na kuthsana baje atondele, cho bethzile kuli ikeye. ¹⁴ Washakwile likumi na babali (wabalukile milowa) mangana bakale nendi na kubatuma baye na kwambulula mithzimbu, ¹⁵ na kukala na nthzili ya kutunditha mamba. ¹⁶ Washakwile likumi na babali: Simoni, uje anene lithzina lya Petulu; ¹⁷ Yakomba muna Zembendeo, na Yowanu ndolome wa Yakomba, yanene lithzina lya Mbonanjese, kutumbula ngwe, bana bamihyato; ¹⁸ na Andelei, Filipu, Mbatolomeo, Mateo, Tomasi, Yakomba muna Alufeya, Tandeo, Simoni Zelote, ¹⁹ na Yundasi Sakaliyote, uje aka mwenda bungungu. ²⁰ Cho waile kunjubo, na mbunga yamukabangeyele nawa, ibonowethe kulya nambe likende. ²¹ Omu nanga yendi yachithibile, bamutundithileko, mwafwa bendekele ngwabo, "Nathzaluka." ²² Baka kuthoneka majwi a lishiko baje batundile ku Yelusalema bendekele, "Ali na Mbelembulu" na "Nthzili ya muka kuyula mamba." ²³ Yesu wabathanene nakwendeka kuli bakebo majwi a bithimu ngwendi, "Satana natha kutunditha bati Satana? ²⁴ Nga bumwene bunalipanga bubenya, buje bumwene kubwatha kukatuka. ²⁵ Nga njubo ibenya inalipanga, ije njubo kuyatha kwija na kwimana. ²⁶ Nga Satana nemana na kulyalumukila ibenya nalipanga, kathsa kwimana, oloni nete kumamanethelelo. ²⁷ Cho wahi natha kukobela munjubo ya munu wanthzili na kwiba bufuko bwendi chakujeneka kubangela kukuta uje ibenya njubo, natha kupukula njubo hyendi. ²⁸ Buthunga bene njendeka kuli yeni, bubi bwa muna munu woshe bakabukonekela, nambe kushaula koshebakendeka, ²⁹ olojo uje woshe ashaula munthzinthzime wakujela kakakala na kukonekela, oloni alina mulonga wa shili ya myaka na myaka." ³⁰ Yesu wendekele bino mwafwa bakele nakwendeka ngwabo, "ali na minthzinthzime yaibi." ³¹ Cho baina na bandolome bendi bethzile na kwimana hanja. Batumineko majwi, akumuthsana. ³² Mbunga ya tumamene kumuthzenguluka na kwendeka kuli ikeye, "Banoko na bandolome yobe bali hanja, nakukutonda." ³³ Wabakumbulwile ngwendi, "Banana na bandolome bange beya?" ³⁴ Watalele koshe kuli baje bamuthzengulukile na kwendeka, "Kenga, aba bakebo banana na bandolome bange! ³⁵ Kuli uje woshe alinga kushaka cha Njambi, uje munu ikeye ndolome, na ndokathzi, na nana."