¹ Omu Yesu wendele kutunda ku tembele, umo ndongethi yendi wendekele kuli ikeye, "Mulongethi, kenga bubwa bwa mamanya na bubwa bwa binjubo!" ² Wendekele kuli ikeye ngwendi, "Mwamono ebi binjubo bya kama? Kukwethi limanya nambe limo likathala halikwabo likeneka ku lindumuka hathi." ³ Omu watumbamene ha Munkinda wa Olibete kuthungama ku tembele, Petulu, Yakomba, Yowano, na Andelei bamwihwile kwabolika, ⁴ "Tuleke, thimbu muka ebi byuma bikalingika? Chithzibukitho muka tukathzibukilako ngwabo ebi byuma bili kuyehi na kulingika?" ⁵ Yesu waputukile kwendeka kuli bakebo, "Nyanyameni ngechi kethi umo amitangule. ⁶ Babengi bakeja mu lithzina lyange na kwendeka, 'Yange bene ikeye,' cho bakatangula babengi. ⁷ Mu mukathziba binthzita na mithzimbu ya binthzita, kethi mukalijakamene; ebi byuma binapande kulingika, oloni mamanethelelo kanda ete. ⁸ Omu lifuti likemana kutengulukila lifuti, na mubwene bukatengulukila bumwene. Kukakala mindenda ku myela yaingi, na njala yakambolombolo. Ebi binapu kushangumuka cha kubabala cha kukita. ⁹ Pweni bakulyanganya. Bakamyana ku bimbaja, nawa bakamipupa mu masinangonge. Mukemana kumesho a bangubulu na bimyene hamulonga wange, nge bukaleho kuli bakebo. ¹⁰ Oloni muthzimbu wahubwa ukalibanga kuwambulula ku mafuti yoshe. ¹¹ Omu bakamikuta na kumyana, kethi mukalijakamene hali obyo mukendeka. Olojo hali ije thimbu, obyo mukendeka bakamyana byo; kethi yeni mukendeka, olojo Munthzinthzime Wakujela. ¹² Ndolome akatwala ndolome yendi kukuthsa, na ishe na mwana wendi. Bana bakemana na kutengulukila bithemi byabo na kubatwala kukuthsa. ¹³ Bakamithzinda ku munu woshe mwafwa wa lithzina lyange. Oloni uje woshe aka kakateya na kushongo, uje munu bakamobola. ¹⁴ "Omu mukamona biyobo bya bunyengwe binemana kuje kubyapandele kwimanena," (echa muka kutanda athzibithe) "echa baje bali mu Yundeya batewele ku munkinda, ¹⁵ linga munalume uje ali hakamwa ya njubo kethi akashuluke hathi kukobela munjubo nambe kutundithamo byoshe obyo, ¹⁶ na kwecha ou ali mulihya kethi eluke kunjubo yendi nakwambata mukanjo wendi. ¹⁷ Oloni chalubinda kuli baje bakakala na bana mwimo na kuli baje ba kanyunga banike muli aje matangwa! ¹⁸ Lombeni ngechi kethi bikalingiwe mu thimbu ya chithika. ¹⁹ Mwafwa aje matangwa akakala yakayando kakama, aje kanda akaleko kutunda kukuputuka, Omu Njambi watangele lifuti, na lelo lino, embwe, nambe ikakaleko lalo. ²⁰ Kubanga Shukulu akakehetheko matangwa, na mubila ukoboka wahi. Oloni ha mulonga wa baje angwile, na baje ashakwile, abatwile matangwa. ²¹ Cho nge umo akendeka kuli yobe, 'Kenga, Kilisitu ali kuno!' nambe 'kenga, uje alikuje!' kethi mukakulahele. ²² Omwo ba Kilisitu bamakuli na Tupolofita bamakuli bakasholika na kwana tuthibukitho na bikomowetaha byakama mangana bakamitangule, ngwe chinathiwa, nabaje angula. ²³ Lyanganyeni! Njinamileke bino byuma byoshe oho thimbu kanda yete. ²⁴ "Oloni omu tukahwa tuyando twa aje matangwa, 'litangwa likathzibala bwi, ngonde kuikana lyethzi lyayo, ²⁵ bingongonothi bikawa kutunda kwilu, na binthzili bya mwilu bikalininganga.' ²⁶ Cho bakamona muna munu ali na kwija mumashelwa na nthzili yakama na bumpahu. ²⁷ Cho akatuma tungelo twendi na kubungiya hamo baje bendi angula ku bimbamgo biwana, kutunda ku mamanethelelo a lifuti na kukuhwa cha lilu. ²⁸ Lilongetheni mana kufuma ku muti wa mukuyu. Oho bene munango ulombela na kushukula maputa, thibukeni ngweni ndombo ili muyehi. ²⁹ Cho nawa, mumu mukamona ebi byuma bina kulingika, thzibukeni ngweni ali muhyehi, muyehi nabikolo. ³⁰ Mwabuthunga njendeka kuli yeni, chino chikota kuchiketikubanga bino byuma byoshe bikalingike. ³¹ Lilu na lifuti bikaita, oloni majwi ange kuwaketi. ³² Oloni kwetheketha lije litangwa nambe ije thimbu, naumo wahi naithzibuka, nambe tungelo mwilu, nambe Mwana, kubanga Baishe. ³³ "Nyanyameni, Toneni, mwafwa ino thimbu kumwaithzibukile. ³⁴ Echi chili ngwe munalume uje aya bungenthzi-athsethza njubo yendi na kwana bingamba byendi kunyunga njubo yendi, munu na munu na chipangi chendi, na kushika muka kunyunga akengelele. ³⁵ Choni toneni mukale bakubanguluka mwafwa kumwathzibukile omwo mwene wa njubo akaija kwimbo; yatha kupwa chingwethzi, hakati ka buthsiki, omwo ndemba atambeka, nambe mutondo. ³⁶ Nge aija bwathi, kethi amiwane hanga munalalela. ³⁷ Ebi njendeka kuli yobe njendeka ku boshe: Toneni!"