¹ Anima yebi byuma Yesu walisholwele babenya lalo ku bandongethi bendi ali shali lya Timbelyasi. Omu mukemwo mwa lisholwele ikeye babenya; ² Simona Petulu wakele amo na Tomasi wa lithzina lya Ndindimasi,Natanale wa kukna ku Ngalileya,bana ba Zembendiya,na bandongethi bakwabo ba Yesu babali. ³ Simona Petulu wendekele kuli bakebo ngwendi, ''Njili na kuya kuta bithi." Bamukumbulwile ngwabo,'Netu,lalo tuya nobe." Baile cho ba kobelele mubwato,olini na umo wahi iba kwatele muthimbu ya buthsiki bwoshe. ⁴ Choni omu yetele thimbu ya mutondo,Yesu wemanene a ngenge,oloni bandongethi bendi kubathzibukile ngwabo ikeye. ⁵ Cho Yesu wendekele kuli bakebo ngwendi, "Eni bakwanje,muliko na bimo bya kulya?" Ba mukumbulwile ngwabo, "Embwe." ⁶ Wendekele kuli bakebo ngwendi, "Asheleni linimbwa lyeni ku mutambela wa kuchilyo cha bwato,cho mu wanako bamo." Ngechi bene bashele linimbwa lyabo cho ku bathele kuli koka mwafwa ya bwingi bwa bithi. ⁷ Cho uje ndongethi iba thzemene kuli Yesu wa lekele Petulu ngwendi, " Ikeye Shukulu," Omu Simona Petulu wathzibile ngwabo Shukulu,wa likutile buthzalo bwendi (mwafwa ka thzalele),na ku lyasha ibenya mu lishali. ⁸ Bakwabo bandongethi bethzile mu mubwato (mwafwa kubakele kulako na nunda kwetheketha ngwe binambo bita bibali kutunda ku nunda), cho bakele na kukoka linimbwa lije lya shulile na bithi. ⁹ Omu mubakandukile hanunda,ba mwene manungu atuhya ba nakaho na ithi, na likende. ¹⁰ Yesu wendekele kuli bakebo ngwendi, "Neneniko bamo bithi ba muna kwata ololo." ¹¹ Chojo Simona Petulu waile cho washwenethele linimbwa kununda,lya kushula na bithi bakam,bapwile 153,oloni nambe ba tumine ngocho,lije linimbwa kulya tabukile. ¹² Yesu wendekele kuli bakebo ngwendi, "Ijeni mukyaule," Naumo wahi wa bandongethi wa shakele ku mwiula ngwendi, "Yobe iyajo?" Bathzibukile ngwabo Shukulu. ¹³ Yesu wethzile,wambatele likende,cho wa banenelyo,na bithi lalo. ¹⁴ Akakapwile ka muchitatu kalisholwele Yesu ibenya kuli bandongethi bendi anima ya kuthanguka ku bathsi. ¹⁵ Anima ya kulyanda,Yesu wehwile Simona Petulu ngwendi, "Simona muna Yowano,wanjthzema kutubakana aba ndi:" Petulu wendekele kuli ikeye ngwendi, ''Eyo Shukulu,wathzibuka ngwobe nja kuthzema," Yesu wendekele kuli ikeye ngwendi, "Litha bana ba bimanga bange." ¹⁶ Wendekele kuli ikeye ka muchibali ngwendi, "Simona muna Yowano,wanjithzema ndi?" Petulu wendekele kuli ikeye ngwendi, "Eyo Shukulu,wathzibuka ngwobe nja kuthzema." Yesu wendekele kuli ikeye ngwendi, "Nyunga bana babimanga bange." ¹⁷ Wendekele kuli ikeye lwa muchitatu ngwendi, "Simona muna Yowano,wathithzema ndi?" Petulu ka bwahelelele mwafwa Yesu wendekele kuli ikeye ka muchitatu, "Wanjithzema ndi?" Wamukumbulwile ngwendi," Mwene,uthzubuka byuma byoshe,wa thzibuka ngwe njakuthzema," Yesu wa mulekele ngwendi, Litha bamanga bange. ¹⁸ Chili,chili,njendeka kuli yeni ngwange,omu wakele u mwanike,wa lithzikile mwiba kuya kwoshe wa shakele,oloni omu mukupwa u mukulunu,uka tandubula maboko obe,cho munu weka aka kukuta na ku kutwala kuje kuwa shakele kuya." ¹⁹ Anoni Yesu wendekele ebi mungila ya kusholwetha chifwa cha kuthsa Petulu akaletha nacho Njambi.Anima ya kwendeka ebi,wendekele kuli Petulu ngwendi,"Njakabe." ²⁰ Petulu watengulukile nakukenga kunima cho wamwene ndongethi uje iba thzemene manene kuli Yesu ali na kuba,uje lalo wa jendamenene kuli Yesu a thimbu ya kulya kwa mangwethzi,cho ou wendekele ngwendi, "Shukulu,iyajo ou a kwenda bungungu?" ²¹ Petulu wa mumwene cho wendekele kuli Yesu, "Shukulu,indi ou munalume a kulinga bika?" ²² Yesu wendekele kui ikeye ngwendi,"Oshe nji shaka ngwange a tumame noho njikethzila,echi chipwa bika kuli yobe? Njikabe" ²³ Cho ou muthzimbu wa shanganene mukati ka bandolome,nge uje ndongethi kathsi. Oloni Yesu kendekele kuli Petulu nge uje ndongethi ka kathsi,oloni,"Oshe nji shaka ngwange a tumame noho nji kethzila,echi chipwa bika kuli yobe?" ²⁴ Ou ikeye ndongethi ali na kwambulula ebi byuma,cho ikeye nathoneka ebi byuma,cho twathzibuka ngwetu ou muthzimbu wendi wa buthunga. ²⁵ Kubili lalo bya bingi Yesu bya lingile.Oshe byoshe bya kuthoneka,njithinganyeka ngwange nameme kaye koshe kukatha kunyunga mabulu aje bathonekele.