¹ Tunathzubuka ngwetu njubo yetu ya hano hathi inathiuka,tuli na njuvya kutunda kuli Njambi. Kwethi njubo ya kupanga kumaboko abanu,oloni njubo ya myaka yoshe,ya mwilu. ² mwafwa omu mu mbalaka tukalikemanga, nakutukashungwiya kuthzuka munjubo yetu ya mwilu. ³ Tukayishungwiya manene mwafwa kutukakala mushelengwe ngwe tunathzala. ⁴ Chili bene thimbu tuchili muno mumbalaka,tulinakulinyenyeta,mwafwa tunalemuwa. Kutushaka kutushulula. Oloni,tunashaka kututhzika, linga ou mubila wukathsi baleulula ku mwonyo. ⁵ Njambi ikeye watubwahethelele chino chuma,uje watwanene munthzinthzime kupwa chikulahetho cha byuma bya kulutwe. ⁶ Cho thimbu yoshe kulaheleni. cho muthzubuke ngweni ngwetu hathimbu tuchili muno mu mu mubila,tuli kulako na Mwene. ⁷ Mwafwa tukende mu likalahelo,kethi ha kumona embwe. ⁸ Cho tulina kukulahela.Cho tushaka kutunda ku mubila uno na kwimbo na mwene. ⁹ Kunapu kushaka kwetu,nambe tuli hemo nambe tuli kweka,kubwaheletha ikeye. ¹⁰ Mwafwa tubaboshe tukemana kulitanda lya Kilisitu lya kuthompethela,linga munu woshe akatambule binalitombola nabije wapangele mumubila,nambe byabibwa nambe bya bibi. ¹¹ Cho ngechi,mwafwa kuthziba lyoba Shukulu, kuthindwiya banu. Chifwa chetu chinasholoka ha kujela kuli Njambi.Cho njili na chinyangabili ngwange neni munatuthzubuka bwino mubi mbunge byeni. ¹² Kukwethi na kumwetheka kumithindwiya lalo linga mutumone kukala baka buthunga embwe.Oloni tuli na myana cha kumilingitha kupwa baka kulyaletha hali yetu,linga mukathe kukumbulula baje bakakulishashela hali kusholoka kwabo oloni kethi ha chifwa cha mbunge. ¹³ Ngechi ngwe tunathzaluka,chinapu cha Njambi; cho lalo ngwe kutwathzalukile, echi napu kukushaka kweni. ¹⁴ Mwafwa chithzemo cha Njambi chikecho chinatu tuthindwiya yetu, mwafwa tunachithzibuka chili bene echi: Uje muna umo wathsilile banu boshe,cho boshe banu banathsi. ¹⁵ Wathsililile banu boshe, linga boshe bali na mwonyo kubapandele kuliyoyela oloni kuli uje iba thsilille cho bamuthangwile. ¹⁶ Cho mukemo,kutwethi na kuthompa munu woshe kwetheketha na theteko ya bilinga bya munu, chipwe twapwithila Kilisitu mungila eyi bene. Oloni hathimbu ino kutwethi na kuhitha munu woshe mungila yakufwa ngwe eyi. ¹⁷ Choni,nga munu ali muli Kilisitu,napu napu munu wamuha. Mwafwa byuma bya laja bineti. Taleni,cho banapu babaha. ¹⁸ Ebi byuma byoshe byatunda kuli Njambi. ikeye katwambetha na ikeye babenya muli Kilisitu na kutwana chipangi cha kwambetha. ¹⁹ Echi chinapu ngwe,muli Kilisitu Njambi ali na kwambetha bakakaye koshe kuli ikeye babenya,kwakujeka kubatandela milonga ya bubi. Cho ikeye natwana muthzimbu wa kulilwitha nendi. ²⁰ Cho yetu banatwangula kupwa baka kwimanenako Kilisitu kuli yeni,chimo lika ngwe Njambi ali nakumilomba muli yetu. Ngechi tumilambelele,hamulonga wa Kilisitu: "Lyambeni na Njambi!'' ²¹ Walingithile Kilisitu kulyana ha mulonga wa bubi bwetu. Uje wakujeneka bubi. walingile echi linga tupwe baka buthunga bwa Njambi muli ikeye.