¹ Kaha Angilipa uandekele na Paulu ngueni, lihandekele ove lia "Kaha Paulu ua tanduvuile mavoko eni na kulinga. ² "Njina viukilila muangana Angilipa, ha kuhandeka mulonga uange ka ku njivangesekela ku va Yundeya, ³ ciku nani muomu ove ua hiana kuvilika viose via cisemua akati ka va Yundeya na mezi avo. Ngoco njikulambelela ngecize unji halakane na kusimpa. ⁴ Camu vusunga, va Yundeya vose vatantekeya vilinga viage kufuma ku vu kuendze vuange mulifuti liange na ku Yelusalema. ⁵ Va nji tantekeya kufuma ha katete, nga vana zangele kutava, ngece ange Njayoyele ngue ka Faliseo, kuvilika via mbunga ize ya hiana kukolesa cikombeleyo cetu. ⁶ Kaha vuovuno njina mana munolinga vanji sompese muomuo njala vetela litavasiano lia lingile Njambi na va ku kuetu. ⁷ Olu lukeko lufavasiano luzenuyati yetu likumi naivali vala velele ku zumangela Njambi na vutsiku namutana, kaha omuo kula velela, muanga, eci va Yundeya vali nakunji vangale. ⁸ Vikandzo muanone, kutsiliela nguenu Njambi kahasa ku sangula vatsi? ⁹ Vuno cili ange nja singaniakele nguange nji linge viuma via vingi via kufumbikila mulizi lia Yesu ua ku Nazeleta. ¹⁰ Kaha naua mukeko njalingile ku Yelusalema, Nja kutile vavengi vantu vaku lela va Njambi mutumenga omu njatambuile lisesa kuva kuluntu va vasasendote; kaha omuo vava tsihile, yange njava hisile nalizi liange. ¹¹ Kaha njava yandelsile ntsimbu yayingi muvi Sinangonga viose nja va nienguelele cikuma kuma nja yandesele na kumembo ambala. ¹² Kaha omuo njailingile evi njaile ku Ndamasikasi na zingolo na zisimbi zia kufuma kuva kuluntu va vasesandote; ¹³ Munjila ya kuze mukati kali tangua, muangana, njamuene ceke caku temuka cifuma kuputakana ceke calitangua kufuma muilu. Kaha catongele ali etu vose yange na vaze vantu mu tuuku hila nange. ¹⁴ Omuo tuva vose tua uile amavu, nja vuile lizi liahandekele kuli ange mu ci hebelu, Saulu ,Saulu vika unji yandeseya ange? Ca ku kaluuila kunasa viti viaku adivuisa! ¹⁵ Kaha ange nja handekele, yove iya?' Muangana uakumbuluile ngueni,'hiage Yesu uzevene ua yandesele. ¹⁶ Vunoni hinduka na kumana ku viliato viove; muomuo amulonga vene ou nja liso luele kuliove,naku kulingisa ukale ngamba na mukaleho kutalesa ku viuma ua ndziva aliange ahavene na viuma njika kulekesa kanda; ¹⁷ Kaha nji ku ohiela kufuma na kuva ka vifuti kuze kuli vakevo ku njiku kutuma ove, ¹⁸ ku imuina meso avo linga vafume mumilima na ku alulika ku mutena na ku fuma ku zindsili lia satana naku auiluka kuli Njambi, linga vatambule ku ecela cavipi navuze vusuana vu Njahanene kuli vakevo vaze vana lele laza alutsilietelo muliange. ¹⁹ Ngoco vene, muangana Angilipa, ka njakele nalisono ku cimona cize ca muilu; ²⁰ vunoni ha katete nja ambuluile kuli vaze vakua Ndamasikasi, na Yelusalema, na kuose kucifuti ca Yudeya, na kuli vaka vifuti naua, kaha nja va hele muzimbu mangana valumuke kuli Njambi naku panga vipange vize via pande kua luluka cavo. ²¹ Muomuo yeci va Yundeya vanji kuatele mutembele kaha vesekele kunji tsiha ange. ²² Ngoco vene omuo nji natambula kuasa aze cifuma kuli njambi njina mana na kulitangua lia lelo, kaha jinamana na kuambulula ku vose vava ndende na va kama na kuhandeka vimosi viahi kuvanga vize va tumbuile va polofeto na Mosesa nguvo vikasoloka- ²³ Ngecize kilisitu na pande ku yanda, kaha ha kulala ntuatua yaa sangukilo ca vatsi akambulule mutama kuli vantu na kuli vakua mafuti." ²⁴ Kahaomuo Paulu ualihakuile ngecize, Festu ua handekele naku ngangumuka, "Paulu, uua zaluka;kuli longesa cove viuma viavingi ca ku zaluisa." ²⁵ Vunoni Paulu uambele ngueni,"kanja zalukile, handeka mezi avu singa aku silikinia. ²⁶ Muomuo muangana atantekeya viuma evi; neni nauanjihandeka ngoco na kute nuoka, muomuo njatantekeya ngunge kakuesi cipue cimo caku suama kuli ikeye; muomuo evi kavia lingikile muku suamama. ²⁷ Enu mua tsiliele va polofeto, muana Angilipa? Nja tantekeya ngunge ua tsiliela." ²⁸ Anglipa ua mbele kuli Paulu ngueni,"mu tsimbu yaindende uanji tankeya ange naku njilingisa kukala muka ku tsiliela?" ²⁹ Paulu uambele ngueni, "njevundila kuli Njambi, cipue mu tsimbu ya kama cipue yahindende, kati yove lika, vunoni vose vanjivuilila litangua halelo, vakukala ngue yange, vunoni kua kuhona malenge amu kaleha." ³⁰ Kaha muangana wamene, na nguvulu na mbenisi neni, navose vaze va tumamene navo; ³¹ Kaha omu vafumine muze muaku kungulu kila, vahandekele kuli umo na mukuavo nguavo, "Ou muntu nevi halinga viahi viaku mutuala kukutsa cipue mukamenga." ³² Angilipa ua handekele na Festu ngueni, "tuna hase ku ecela muntu ou nga tsa katualele uno mulonga kuli Sezala.