¹ Omu mua hitile matangua atanu, Ananiasi sasendote ua mukuluntu, nava kuluntu vamosi, na lihako umosi ua ku sana Teletulu va ileko. Va mala ava va handekele mezi a kumu ua nena milonga Paulu ku meso a nguvulu. ² Omu Paulu ua mene kumeso a nguvulu, Teletulu ua putukile ku handeka mukumu tondela mulonga mu ku handeka kuli nguvulu ngueni, "Muomuo hali ove etutuna tumama muciyulo cia kama, muvusisi vuove viose viuma vili mua cili mucifuti; ³ Sikaho na ku santela ciose tu tambula viose vize vina lingi, ove Felikisi uaku hiana. ⁴ Sikaho Kanjikuhasa kukuhia kalua naua, nji kuku lambelela mu vikeke tima viove utu hala kaneko kuvundende. ⁵ Muomuo tuna ngecize yala ou na pu mukua ku neha kalua na luvundu na ku katula luozi mucifuti ciose. Ikeye mukuluntu ua va ka Nazaleta. ⁶ Kaha na ua neku zualesele tembele, Sikaho etu tuna mukuatele. Visoneka vimo via kulaza kumuesi, Tua zangele ku mu somoesa ngue muaya zisimbi zietru. ⁷ Vunoni Lisiasi kapitau ue zile na kuambata hangelo kuma voko etu. ⁸ Omu u hula Paulu haviuma evi, uhasa kutantekeya viuma evi viose vituli nakumu hisa navio." ⁹ Ava Yundaye navo vuile kumo mukumu tondela milonga, muku kunduiya nguavo mokemuo vene. ¹⁰ Vunoni omu nguvulu uenikile Paulu linga ahandeke, Paulu ua kuenieneko ngueni,"Njina tantekeya ngecize ha miaka yaingi una yula lifuti eli, kaha age na ndzolela nji ku kuli handekela kuli ove. ¹¹ Uhasa kutantekeya ove ivene ngecize kanda muhita matangua a ku hiana likumi na avali kutuma haze hanjina yele muku kanduka ku Yelusalema na ku lemesa. ¹² Omu vanji uanene mu tembele, kanjali kanduile zimpata na umo uahi, kaha na ua kanja sangumuine civunga na cimo ciahi, cipue mu Sinangonga, cipue munganda. ¹³ Kava kuhasa kavitava ku li ove ngue namezi avali na kuhandeka kuli ove a kunji vangela ange. ¹⁴ Vunoni njahandekela eci kuli ove, kueseka na njila yize yaku tumbula ya ku pandeka ku muyati, munjila ei ange njiku kombelaya nzambi ua va tatetu. Njina tsiliela viose vize vilitava siana na zi simbi na vize viva sonelele vapolofeto. ¹⁵ Njili na lu lavelelo muli Njambi ngue vamala ava naua, ngecize nguange kukua kukala lusanguko kuli va kua vusunga na kuli va kua vupi. ¹⁶ Kaha nange naua njili na kuli hakelako mangana tsimbu yonse muku ua na ku sungama kuli Njambi na kuli vantu. ¹⁷ Sikaho omu mucihitile miaka imo njezile na kuneha vuana kucifuti cange na via kulikombeleya. ¹⁸ Hakulinga evi, va Yundeya vamo kufuma ku Asia vanji uanene mu cilika ca kulilelesa mu tembele, kamua kele civunga amba luozi. ¹⁹ Va mala ava vana pandele kuiza kuli ove mu kunji sompesa, omu nga vana ua nene vimo. ²⁰ Ngue kati muo, vamala ava vambulule vuka vuhenge vu vana ua nene muli ange omunji namene ne kumeso a mpunga ya vaYundeya, ²¹ Eci kaha njatambekele muli va kevo, "cikecio lusangukoo luavatsi cikeko vene eci vana njinehela kuno litangua lialelo." ²² Kaha Felikisi, ou na tantekeyele viuma evi, ua va mesele mu kuivuilila cihande eci. Ua handekele ngu eni, "Omuo lisaisi mu kua kusika a keza kufuma ku Yelusalema, kaha njika hakula cihande eci." ²³ Kaha ua sikile kapitau nge cize Paulu va mu niunge lika mu ndzivo yava kuamionga, vunoni a hase kuliendela ngocio na va vusamba veni va napande kuiza kuli ikeye na kuva vindika ciahi. ²⁴ Omuo mua hitile matangua amo, Felikisi ua hilukile hamona ndulusila puevo yeni, ikeye ka Yundeya, kaha ua tumine mangana Paulu vamunehe kaha ua muivuilile ha lutsilielo muli Yesu kulisitu. ²⁵ Vunoni omo Paulu ua handekele neni via vu viuke nevi via kulivinesa kuvupi, nevi via kutambula cihiso cikezako, Felikisi ua vuile vuoma kaha ua handekele ngueni, "Hamoye vuovuno. Kaha omu njikauana tsimbu, njikatuma mukuku hianga." ²⁶ Hatsimbu, ei ua singaniekele ngueni Paulu a kumuhia zimbongo, sikaho ua kumusana nomu nomu mangana a handeke neni. ²⁷ Vunoni omu mua hitile miaka ivali, Polisiu Fesitasi ua suanene mukupua nguvulu ku sintsa muli Felikisi, Vunoni Felikisi ua zangele ku musangala kuli va Yumdeya, kaha ua sile Paulu mumikole.