¹ Pano Boaza alile pamulyango nokwikala penka. Bukumo, kwali paleme uyo Boaza alabile alishile. Boaza kalabila kuli ye, ''Wemukwasu, isa wekale panshi pano.'' Umuntu alishile nokwikala panshi. ² Penka Boaza kabula abantu ikumi abena mishi nokulabila, ''Ikaleni panshi.'' Balikele panshi. ³ Boaza alyebele abena mupalamano abakubufumu, ''Naumi, u-wabwela ukufuma mukyalo kya Moabi, Alukushitisha ipanga imo iyo mulongo wesu Elimeleki. ⁴ Nalanguluka ukubula kwisala amatwi nokulabila kuli mwebo, 'Shiteni kumenso ababo abekelemo, nokumenso abakulu babantu.' Nga mulukulanguluka ukushita shiteni. Lomba nga tamukofwayo ukushita, penka ngebeni, pakwebati na nemo ngishibe, pantu takulipo u-wanga shita ukwakubula mwebo, na nemo ngi panuma yenu.'' Penka umbi kalabila, ''Nemo ndu kushita.'' ⁵ Penka Boaza kalabila ''Pabushiku mukashita ibala ukufuma kumaboko yakwe Naumi, mukapite Lute umwina Moabi umwanakanshi, ikitahsi kya muntu, mushila yakwimya ishina lya ufwile mukifyashi.'' ⁶ Ali abakubufumu balabile, ''Tekuti tushite Nemo ukwakubula ukunaula ikikonta kyangi. Ulinesambu shashita ubo, pantu nemo tekuti kinte ukushita.'' ⁷ Pano ifi efyali ikifyalilwa mupindi ya bena Isuleli ukulingana ukushita nokupipula kwa fintu. Mukulondolola kwa fyonse fintu, umuntu alilingile ukufula ikwabilo nokupana kumupalamano; ifi efyo baluukukita pakupanga ishila ya lufwangano mukifyalilwa mu Isuleli. ⁸ Pano bamupalamano babufumu kabalabila kuli Boaza, ''Shita wemwine nokufula kwabilo yobe,'' kabili kafula ikwabilo. ⁹ Penka Boaza kalabila kutangishi nokubantu bonse, ''Mulimboni lelo kwebati nashita fyonse ifyakwa Elimeleki nafyakwa Kilyoni na Maloni ukufuma kumaboko akwa Naumi. ¹⁰ Kabili Lute umwina Moabi umwanakashi, muka Moloni, waba mukanshi wangi, pakwebati ningemya ishina lyabafwile mukifyanshi, pakwebati ishina lyakwe lyenga shimangana ku balongo napa milyango yapusha yakwe. Lelo mulimboni!'' ¹¹ Na bantu bonse abali pamilyango nabakulu kabalabila, ''Tulimboni Lekeni ba Yawe benga kinta umwanakansi u-waisa muñanda kotini Lakele na Leya, Babili aba ibakile iñanda ya Isuleli; kabili mwenga fula mu Efula mu Efulati na mukulapila mu Betelemu. ¹² Lekeni iñanda yenu ikale koti ni ñanda ya kwa Peleza, uyo Tama afyele ku Yuda, ukupitila mukufyala ba Yawe bakapana kuli mwebo kuli uyu umwanakanshi Moye( ukilitwala).'' ¹³ Ali Boaza abalile Lute ukuba umukanshi. Alile kuli ye, kabili ba Yawe kabamofwa nokufyala, umwana umwalalume. ¹⁴ Umwanakanshi kalabila kuli Naumi, ''Ba Yawe ba palwe, uyu tamishile mwebo lelo ukwakubula pabwipi na bena mishi, uyu mwana ishina lyakwe likatumbalale mu Isuleli. ¹⁵ Lekeni abe kuli webo wakulama ubumi nokulisha mubukulu pakuchi umulokanshi wenu, uyo umitemenwe, uli bwino ukukila abana abalalume basanu na ba bili, afyalwa muli ye.'' ¹⁶ Naumi kapinta umwana, nokumumbika mukibi, yakwe nokumusunga. ¹⁷ Umwanakanshi umupalamano alimupele ishina, nokulabila, ''Umwana umwalalume wafyalikwa kuli Naumi.'' Bali mwinikile ati Obeda. Alibele niwishi lyakwa Jess, u-waishile mukuba wishi lyakwa Defeti. ¹⁸ Pano abo abali ifikolwe fyakwa Peleza: Peleza wali wishi lyakwa Ilezilon, ¹⁹ Ileziloni ali wishi lyakwa Lama, Lama alibele wishi wakwa Aminadaba, ²⁰ Amindaba alibele wishi wakwa Nashom, Nashom alibele wishi lyakwa Salamon, ²¹ Salamona ali ni wishi wakwa Boaza, Boaza ni wishi wakwa Obedi, ²² Obedi ali ni wishi wakwa Jess, Jes ali ni wishi wakwa Defeti.