¹ Pano Naumi nomulongo wakwe mwata wakwe, umunoshi mukifyashi kyakwa Elimeleki, ishina lyakwe ali ni Boasi. ² Lute, umwanakashi umwina Moabi, kalabila kuli Naumi, ''Pano ndekekoya namu kukesa nabo ifisala mukali mu matwi aseke sha malima. kokokela onse u-wakubu. Penka Naumi kalabila kuli ye, ''Koya umwana wangi umwanakashi.'' ³ Lute kaya mukukesa ifisala mwibala panuma yakukesa. Ali sangilwe mukwisa kukabeya kebala lyakwa Boaza, u-wali mukifyashi kyakwa Elimeleki. ⁴ Boneni, Boaza alishile ukufuma kuBetelemu no kulabila kubakukesa, ''Ba Yawe babena mwebo'.'' Nabo kabasuka ati Ba Yawe ba mishukisheni mwebo. ⁵ Penka Boaza kalabilakumumbofi u-walukukeba pabakukesa, ''Banisa mwalalume uyu mwanakashi abeleleko?'' ⁶ Umumbofi umukulu kalabila ati mwanakashi munini umwina moabi u-waishile na Naumi ukufuma mupanga ya moabi. ⁷ Ali labile kuli nemo, 'napapata lekeni kese namwebo nokubungisha pamilumba iya kukesa.' panuma ya kukesa penka akisa ukufuma kumakya kufika nakuli ino mpindi akitwalilila, lekeni atusheko pa nini mu ñanda.'' ⁸ Pano Boaza kalabila kuli Lute, ''Kanshi taukoufwa kuli nemo, we mwana wangi umwanakashi? Weya mukukesa mwibala limbi; wesha ibala lyangi. Pakuti, palififi Ikala nokupyunga nabanakashi babyobe abakilitwala ukupyunga. ⁹ Bika amenso mwibala umo abalalume balukukesa nokukokela abanakashi bambi. Kanshi nemo shaebele abalalume ukubula kwikata? Lyonse ili waufwa ikilaka, ulilingile ukuya kumulonda nokunwa meshi ayo abakilitula abalalume batapa.'' ¹⁰ Penka kaponya ifumi kutangile yakwa Boaza, nokufukama panshi. Alilabile kuli ye. ''Mba nindo nasangila ukubu kumeso obe ukwebati ubike akalongo pali nemo, umwina fyalo?'' ¹¹ Boaza kamwasuka nokulabila kuli ye, ''Kyalabilwa kuli nemo, fyonse wakita ukutatika palufu lwa mwata obe. Washa bawiso, na banyinobe, ne panga yakufyelwa kobe ukukoka abakobobe abanakashi nokwisa kubantu abatawishipo. ¹² Ba Yawe babgakupela ikilambu pamikinto yobe. Webga pokelela amalipilo ayakwisula ukufuma kuli ba Yawe, Lesa wa Isuleli, mushi yafyapi fyakwe winga sanga ukufisama.'' ¹³ Penka ali labile, ''Lekeni sange ikumbu kumeso enu, baShikulu, pantu mwangofwa nemo, nokulabila muluse kuli nemo, nangu shilipo umo umwana kanshi wa milimo.'' ¹⁴ Pakupita kapindi Boaza kalabila kuli Lute, ''Isa kuno, nokulyapo umukante, nokutupika kanwa kobe mwibotolo lya fwaina.'' Alikele kubwipi nabakukesa, nokupanapo fimo ifyaseke fyakukwanga. Alilile nokutondwa nokushapo fimo. ¹⁵ Ali abukele mukukesa, Boaza kakambisha umo mumbofi umwalalume, ''Nokulabila muleke akesa napamilumba iputwilwe, mwi mweba yo-oo. ¹⁶ Kabili teshenipo fimo fipikechi pamilumba, nokushapo fimo pali ye ukwebati akese, kabili tamwasukile.'' ¹⁷ Penka alikesele mwibala ukufika ikyungulo. Penka alibungakenye iseke, isho akesele neseke shali kipimo kimo kya mbale. ¹⁸ Ali mushe nokuya mu mushi. Ili nyina fyala amwene ifyo akesele. Lute kabili aliletele iseke shakusalula ifya shelepo pafyo alile nokumupela. ¹⁹ Nyina fyala kalabila kuli ye, ''Nikulipi wakesela lelo? Wakiya kwepi mukupyuga? Uyu muntu wakikebela iluse ashukishiwe.'' Penka Lute kaeba nyina fyala pa muntu wamupele ibala ukoapwingile. Kalabila ukwebati, ''Isahina lya muntu umwine webala nakipwingila lelo ni Boaza.'' ²⁰ Naumi kumulokashi wakwe, ''Lekeni ye asweshiwe kuli ba Yawe, uyu tashile kuli kefya kubatatulu nakubafwile.'' Naumi kalabila kuli ye, ''Uyu muntu waluse kubwipi na fwebo Umo wakutapulusha.'' ²¹ Lute umwina Moabi umwanakashi kalabila, ''Kine, kalabila kuli nemo, 'Ulilingile ukuba pabwipi naba lubwana ukufika napa kupwisha ukukesa.''' ²² Naumi kalabila kuli Lute umulokashi, ''Kiweme, we mwana wangi mwanakashi, ukuya na banakashi abambofi, pakwebati tekuti bakushepo mwibala limbi.'' ²³ Penka alikele pa bwipi na Boaza abambofi bakwe abanakashi pakwebati bakese ukufika nakupelo yakukesa bale nomupunga. Balikele naba nyina fyala.