¹ Kabili nabwene mukuboko kwa kulyo kwa uyo uwaikele patebe lya bufumu ibuku ilya lembelwe mukachi na pesonde, ne twishibilo twapakakilwe pa sanu na pabili. ² Nali bwene malaika umukulu ukulabila ne shwi ili kulu ati, ''Ninani uwelelwe ukwisula ibuku ne kukakula apa kakilwe? ³ Takulipo neli umo mwiulu neli pakylo neli munshi ya kyalo uwali ne makosa aya kwisula ibuku ne kubelengamo. ⁴ Nalililile apakulu pantu takwabonekelepo neli umo uwali ne makosa aya kwisula ibuku ne kubelengamo. ⁵ Penka umo mukachi kabakulu kalabila kuli nemo ati,'' wilila. Bona! Inkalamo lyapamukoka wa ba Yuda, mumushashi wakwa Dafidi, akifya. Ewelelwe ukwisula ibuku ne tukakilwepo tusanu natubili.'' ⁶ Nabwene ummwana wa mbelele mukachi ke tebe lya bufumu kaimakene kabili mukati kafya myeo fine na mukachi kabakulu. Ali bonekele kwati alipailwe. Ali ne nsenge shisano na shibili ne menso asno na abili, ili mipanshi isanu na ibili lyakwa Lesa ituminwe mukachi ka kyalo kyonse. ⁷ Alile ne kuoka ibuku kufuma mukuboko kwa kulyo kwa ulya uwaikele petebe lya bufumu. ⁸ Ili apokele ibuku, ifya mweo fine ne bakulu amakumi abili na bane kabapona panshi kumenso amwana wambelele. Umo umo ali ne kyombesha ne beseni lya ngolide apeswile ifyakununkile ifili mapepo abantu bakwa Lesa abashilile. ⁹ Balimbile ne lwimbo lwa bikumo ati.'' mulyelelwe ukupoka ibuku ne kwisula iyakakilwepo. pantu mwalipailwe, kabili ne mulopa wenu mwalishitile abantu Lesa ukufuma kumikoka imilaka, abantu, ne mitundu shonse. ¹⁰ Mwalibalengele ukuba ubufumu kabili aba papatilishi abakubombela ba Lesa wsu, kabili bakatangilila pa kyalo.'' ¹¹ 'Penka nali bwene ne kumfwa ikilulumo kyaba malaika abengi abashingulukile kwitebe lya bufumu ne fya mweo ne bakulu. Ne mbala yabo bonse yali amasausande ikumi yamasausande ikumi kabili ne masausande yama sausande. ¹² Balilabile mwishiwi ilikulu ati,'' Alyelelwe umwana wambelele uwaipailwe, mukupoka amakosa, ubunonshi, amano, amaka umukishi, ubuleme, ne kutota.'' ¹³ Penka nalyufwile kyonse ikyalengelwe ikyali mwiulu napa kyalo na munshi ya kyalo na pa fishiba- fyonse ifyalimo- fyali kalabila ati,'' kuli oyo uwikele petebe lya bufumu naku mwana wambelele kube ukutota, umukishi, ubuleme ne nsambu inshiku ne nshiku.'' ¹⁴ Ifya mweo fine kafilabila, ati,' ''Ameni!'' penka ne bakulu kaba pona panshi ne kulambila.