¹ Isuleli alikele mu shitimi, kabili abalalume bali tampile buule nabanakashi bamu Moabi, ² Abena Moabi balilileko abantu balilile nekulufukamina ba Lesa bena Moabi. ³ Kabili abalalume bamu Isuleli bali lifwangilemo mukulolela Bala uwa peoli, kabili ubukali bwa ba Yawe ubukulu bwali babakile mu Isuleli. ⁴ Ba Yawe bali labile kuli Mose, ''Wipaye intangishi shonse isha bantu ushikobake peulu kuli nemo neku shibonesha pakasuba aka ñgenene pakwebati ubukali bwangi ubukulu bukafumepo paba Isuleli.'' ⁵ Penka Mose kalabila ku ntangishi sha mu Isuleli, ''Uli onse pali mwebo afwile ukwipaya umulongo wakwe uwalifwangile mukutota Bala wa peoli.'' ⁶ Penka umo umwlalume pabana ba Isuleli alipintile umwnakashi wa mu Midiani ne kumuleta mukifyashi kya balongo bakwe. Iki kyalikitikilwe ku menso akwa Mose kabili na kimasamsa kya bantu bamu Isuleli, Ili bali bakilila pa mulyango wetente lya kubunganinamo. ⁷ Elyo Finyasi umwana umwalalume uwa kwa Eliaza umwana umwalalume wakwa Aloni umupapatilishi, elyo amwene ati, alimine ukufuma mukimasamasa ne kutola ifumo mukuboko kwakwe. ⁸ Ali konkele umwalalume wa mu Isuleli mukati ketente ne kubalasa ifumu kalipulankana pamibili shabo bonse babili, bonse babili umwalalume wamu Isuleli ne mwanakashi, ne mwalo uupatumine ba Lesa pa bantu ba mu Isuleli walilekele. ⁹ Balya bafwile kumwalo bali amakana amakumi abili ne makana ane mu kupenda. ¹⁰ Ba Yawe bali labile kuli Mose nekulabila ati, ¹¹ ''Finyasi umwana umwalalume uwakwa Eliaza umwana umwalalume uwakwa Aloni umupapatilishi alifumbene ubukali bwangi kubantu ba mu Isuleli pamulandu wakuti ali nenkumbu pali nemo mukati kabo. Pakwebati nionaula abantu bamu Isuleli kubukali bwangi. ¹² Penka labila, ba Yawe bali labile, ''Mona, ndepela kuli Finyasi ukulayana kwa mutende. ¹³ Kuli ena nefikota fyakwe ifyakuntanshi. kukali kuli kulayana kwa myaka mu bupatilishi pantu ali ne munkonsha pali nemo ne Lesa wakwe alifutile imilandu sha bantu bamu Isuleli.'''' ¹⁴ Lomba ishina lya mwalalume uwa mu Isuleli eo baipaile ne mwanakashi wa ku Midiani ali intangishi ya kifyashi kya fikolwe fya bena Shimoni. ¹⁵ Ishina lya mwanakashi eo baipaile uwa ku Midiani ali ni Kazibi umwana umwanakashi wakwa Zula, uyo wuwali mukulu wa mumukoka kabili na mukifyashi mu midiani. ¹⁶ Kabili ba Yawe bali labile kuli Mose nekulabila ati, ¹⁷ ''Mukababike abena Midiani kwati balwani benu no kuba sansa, ¹⁸ pantu bali mibomfeshe kwatibalwani mukutumpaikwa kwabo. Bali mitwele mububi mumulandu wakwa peoli na mumulandu wankashi yabokobi, umwana umwanakashi uwa ntangishi mu Midiani, uwaipaiwe pa bushiku bwa mwalu mu mulandu wakwa peoli.''