¹ Abena Isuleli balyendele pakaeli basompele inkambi yabo mwilungu lya moabi mupepi na yeliko, kulubali lumbi lwa nika ya Yodani ku mushi umukulu. ² Balaki mwana mwalalume wakwa Zipo ali mwene fyonse ifi abena Isuleli bakichile kubena Amoli. ³ Moabi aline mwenso wa bantu pakuti bali abengi, kabili Moabi kachina bena Isuleli. ⁴ Imfumu ya Moabi yalilabile ku bakulu ba bena Mijiani, ''iki kinkumpiti kya bantu bakalya fyonse ifi tushingulukile koti fyenka ifilya iñgombe ifyani mwibala.'' pano pali iyi pindi Balaki mwana umwalalume wakwa Zipo ali ni mfumu ya bena Moabi. ⁵ Ali tumine batumwa kuli Balamu mwana umwalalume wakwa Beoli, ku Petoli uuli ku nika ya Efulati, inkendeya kylo kyakwe ne bantu bakwe. Alimwichile ne kulabila ati, ''mona, kuli Ijipita. Bakumbana lukoso kyalo kyonse kabili ali lukoso pepipepi na nemo. ⁶ Napapatapo isa lwenka luno kabili ne kuba fingilako aba bantu, mulandu balikosele makosa kuli nemo. kipale penka na kubakwanisha ukubakifya ne kubafumyamo mu kyalo. Njishi ukwebati bonse abomwapala bakapalwa kabili nemo mwafinga bakafingwa.'' ⁷ Nkashi intungulushi sha bena Moabi ne sha bena Mijani balimine, ukwala indalama shakumutewila. Balishile kuli Balamu ne kulabila kuliye amashiwi akwa Balaki. ⁸ Balamu alabila kulibo ati, ''Laleni kuno bushiku. Nkamiletele ifi ba Yawe bakalabila kuli nemo.'' Nkashi intangulushi yabena Moabi kashikala na Balamu bulya bushiku. ⁹ Ba Lesa baisa kuli Balamu ne kulabila, ''Ngaba abalalume abaisa kuli webo niba nani?'' ¹⁰ Balamu abasuka ba Lesa, ''Balaki mwana umwalalume wakwa Zipo, imfumu ya bena Moabi, eyabatuma kuli nemo. Alabila, ¹¹ 'Moana, abantu baisa kufuma ku kyalo kya Ijipita bakumana lukoso mu kyalo kyangi. Isa lwenka luno ne kuba fingilako kipalenkaba kwanisha ukulwa nabo ne ku bafumyamo.''' ¹² Ba Lesa balwaswika kuli Balamu, ''Taufile waya na balya abalalume yo-o. Taufwile wafinga abena Isuleli yo-o pakuti bali palilwe.'' ¹³ Balamu alibukile ulukelo ne kulabila ku tangishi yakwa Balaki, ''Kabweleni ku kyalo kyenu pakuti ba Yawe bankanya unkusuminisha ukuya na mwebo. ¹⁴ Nkashi itangishi yakwa Moabi yalimine ne kubwela kuli Balaki. Balilabile, ''Balamu alikene ukwisa na fwebo.'' ¹⁵ Balaki nalibili alitumineko itangishi imbi iikilileko mukufula ne kubane buleme ubukililepo ukukila ibumba iya ileko pa kutanga. ¹⁶ Balishile kuli Balamu ne ku mwebati, ''Balaki mwalalume wakwa Zipo alabile fi, 'namipa tenipo mwilekapo nangu ikili kyonse kulengeni mwebo ukubula kwisa kuli nemo, ¹⁷ Pakuti kamilipileni bwino makosa ne kumipela ubuleme ubukulu, kabili kakita ikili kyonse mukofwaya ati kite. Nkashi namipapateni iseni ne kubamfingilako.'' ¹⁸ Balamu alyasukile ne kulabila kuli bantu bakwa Balaki ati, ''nangu Balaki abane nkumpela ikipango kyakwe ikiswile na siliva na ngolode, teti nkile pelishiwi lyaba Yawe, ba Lesa wangi, nekukita ikinini nangu ikyakilapo pafyo bambulile. ¹⁹ Pano penka, namipapateni pembeleleni kwenka kuno buno bushiku nalimbi, pakuti kipale ngishibilepo fimbi ba Yawe ifi bakungeba.'' ²⁰ Ba Lesa balishile kuli Balamu bushiku ne kulabila kuliye ati, apo abalalume baisa mukukupinta, ima ne kuyanabo. Lomba ukakite lukoso kyenka ikinkakweba ekyo ukakite. ²¹ Balamu alimine kumakya, abika ikya kwikalapo pali mbongolo wakwe, kabili kaya pamo ne tangishi sha bena Moabi. ²² Lomba pa mulandu wakwebati alile, ubukali waba Lesa bwali bukile. Malaika wa ba Yawe aliimakanile munshila koti umo uwafulilwa Balamu, uwaleenda pa mbongolo wakwe. Bakalume babili bakwe Balamu nabo bali na ena. ²³ Mbongolo alimwene malaika waba Yawe alimakanine mu nshila ne kipanga kyakwe alisumbwile, mukuboko kwakwe. Mbongolo kapampuka mu nshila nekuya mupanga. Balamu alipamine mbongolo pakuti abwekele mu nshila. ²⁴ Penka malaika waba Yawe alimakene apakepele nshila pakati ka mabala afisepo, ne kibumba kulunali lwakwe lwakukulyo kabili ne kibumba kimbi ku lubali lwakwe lwakukuso. ²⁵ Mbongolo alimwene malaika waba Yawe libili. Alile kukiibumba kabili nekushinakenya amolu akwa Balamu ku kibumba. Balamu alimupamine na libili. ²⁶ Malaika waba Yawe alile kuntashi libili mu nkende iikepele ukwakuti tapalipo ne pakuchimpukila kulubali ululi lonse. ²⁷ Mbongolo alimwene malaika waba Yawe, kabili kalala munshi yakwa Balamu. Ubukali bwakwa Balamu bwali bukile, kabili apuma imbongolo ne nkoto yakwe. ²⁸ Penka ba Yawe baliswile akanwa kakwa mbongolo pakuti ilabile. Yalilabile kuli Balamu, ''nga nikindo nakita kuli mwebo ikyalengati mumpame fino linga litatu?'' ²⁹ Balamu aliyasukile mbongolo, ''nipa mulandu wakwebati wakita ifya bupuba makosa kuli nemo. Nalanguluka nga nakiba ne kipanga mukuboko kwangi. Nga kya kwebati nakiba nakyo, pali ino pindi nga na kwipaya.'' ³⁰ Mbongolo alabila kuli Balamu, ''Kanshi te nemo mbongolo wenu uo mubanekwendapo nshiku shonse isha bumi bwenu kufikaso na bushiku bwa lelo? Bushe nabapo ne misango iya kukita ifintu koti yafifi kuli mwebo?'' Balamu alilabile ati , ''yo-o.'' ³¹ Penka ba Yawe baliswile amenso akwa Balamu, kabili alimwene malaika waba Yawe alimakene munshila kasomwene ne kipanga kyakwe mu maboko akwe. Balamu alifukeme panshi ne kukontama kalosheshe ikilungi kyakwe panshi. ³² Malaika waba Yawe alilabile kuliye, ''nga nikindo wapamina imbongolo yobe pano lyaba na litatu? Mona, naisa koti umo uwakalipa kuli webo pamulandu wakwebati misango yobe kutanshi yangi yabipa. ³³ Imbongolo yankimona kabili nekufumako kuli nemo iyi mikwi itatu. Nga kyakwebati takifumako kuli nemo, nga kyakine naki kwipaya nekuleka imbongolo yabane bumi bwayo.'' ³⁴ Balamu alilabile kuli malaika waba Yawe, ''nakita ububi. Shakishiba ukwebati mwakingimakanina munshila. Kanshi, kani kimisekeshepo kuli mwebo, nakubwelelamo.'' ³⁵ Lomba malaika waba Yawe alilabile kuli Balamu, ''kabiye kutanshi ne balalume. Lomba ufwile walabila enka mashiwi kakubula.'' Kanshi Balamu alile pamo ne ntangishi yakwa Balaki. ³⁶ Ili Balaki aufwile ati Balamu aisa, alifumine posonde ukuya mukumukumanya ku mushi umukulu wamu Moabi ku Alononi, kuli kumupaka. ³⁷ Balaki alabila Balamu, ''Shatumine abalalume kuli mwebo mukumiteni? Nga nindo mwabulile ukwisa kuli nemo? Kanshi koti nafilwa kumipeleni ubuleme?'' ³⁸ Penka Balamu alyaswike kuli Balaki, ''Mona, naisa kuli webo. Kanshi nji ne makoso aakulabila ikintu iki kyonse? Koti nalabila lukoso ifi ba Lesa babika mukanwa kangi.'' ³⁹ Balamu alile pamo na Balaki, kabili balifikile ku Kiliati Uzoti. ⁴⁰ Penka Balaki alilambwile iñgombe ne mukoko kabil ne kupela imbi nama kuli Balamu ne ntangishi shakwe isho ali nasho. ⁴¹ Kumakya, Balaki alipinchile Balamu pa nkende yapamulu wa Bali. kufuma palya Balamu alimweneko lukoso abena Isuleli bamo abali kumpelo ya nkambi yabo.