¹ Ba Yawe kabalabila kuli Mose mwitente lyakukumaninamo mulya mupanga ya Sinai. Ifiefyamanekele pa kasuba ka kutanga mu mweshi uwakokelepo. Mu mwaka wa bubili uwakokelepo panuma ya bantu abena Isilaeli kabane kutuma mu kyalo kya Ijipita ba Yawe kabalabila ati, ² ''Pendeni bonse abalalume abena Isilaeli pa mukoka pa mukoka. mu kifyashi kyaba wishibo. ka penda pa mashina kamupenda bonse abalalume pa muntu onse. ³ Uyo uline myaka amakumi abili nang ukukipo. pendeni abo bonse abalingile ukulwa uku ba baShilikale aba bena Isilieli. Webo na Aloni mukaba ne kulemba ipendwa abalalume mumabumba abashilikale. ⁴ Umuntu uufuma ku mutundu ku mutundu. umukulu pa mukoka, akabe wa kuba bombela pamo na webo kwati nitangishi ya mu mutundu wakwe. Itangishi mukutangila abalalume abo abakalikulwa pali uyu mutundu. ⁵ Aya amashina atangishi alingile ukwimana na mwebo mukulwila pamo: ⁶ Ukufuma pa mutundu wakwa Lubeni, Alishuli umwana umalalume uwaka Shedeul; ukufuma ku mutundu wakwa Shimoni, Shelumieli umwana umwalalume uwakwa Sulishadayi; ⁷ Ukufuma kumutundu wakwa Juda na Shoni umwana umwalalume wakwa Aminadaba: ⁸ Ukufuma ku mutundu wakwa Isaka, Netanyili umwana umwalalume uwakwa Suali; ⁹ Ukufuma ku mutundu wakwa Zebuluni, Eliyabi umwana umwalalume uwakwa Heloni; ¹⁰ Ukufuma ku mutundu wakwa Efulemi umwana mwalalume wakwa Yosefi, Elishama umwana umwalalume wakwa Amiudi: ukufuma ku mutundu wakwa Manase, Gamaleli umwana umwalalume uwakwa Redashulu; ¹¹ Ukufuma ku mutundu wakwa Benjamini, Abidani umwana umwalalume uwakwa Gidiyoni; ¹² Ukufuma ku mutundu wakwa Dani, Achiyesheli umwna umwalalume wakwa Aminashadai; ¹³ Ukufuma ku mutundu wakwa Ashali, Pajiyeli umwana umwalalume wakwa Okilani; ¹⁴ ukufuma ku mutundu wakwa Gadi, Elishafa umwana umwalalume wakwa Deweli; ¹⁵ kabili ukufuma ku mutundu wakwa Nafitali, Ahila umwana umwalalume wakwa Enani: ¹⁶ Aba ebalalume abo asotele kufuma mu bantu, penka kabatangilila imitundu iya fikolwe fyabo. penka bali ni tangishi apa mikoka mu bena Isilieli. ¹⁷ Mose na Aloni kabapita aba balalume, abo aba balembelwe pa mashina, ¹⁸ kabili kabailapamo nabo aba balalume mulya bapwilile bonse ne abalalume abena Isilieli pa kasuba kakutanga mumweshi wakokelepo. penka pa muntu uli ne myaka amakumi abili aka alumbulule ikikota kyakwe. Naye akaba ne kwinika amashina amukoka kabili na mufifyashi ifyafumine ukufuma mu fikolwe fyabo. ¹⁹ Penka Mose kalemba mwenka umwailile impendwa mulya mupanga kwenka ku Sinai, kwati ni ba Yawe ifyo mukambishe ukukita. ²⁰ Ukufuma mukikota ikyakwa Lubeni, Ababeli aba ba Isilaeli, bakapendwa bonse amashina pa muntu pa muntu kabili bonse abantu uli ne myaka amakumi abili nangu ukukilapo alilingile ukuya ku kondo, ukufuma mu pendwa iya mufikolwe mu mukoka na mukifyashi kyabo. ²¹ Kaba penda 46,500 abalalume ukufuma mu mutundu wakwa Lubeni. ²² Ukufuma mukikota kyakwa Shimyoni bali pendele bonse amashina pamuntu pa muntu na bonse abalalume amakumi abili ne myaka amakumi abili nangu kukilapo abalingile ukuya kukondo. ukufuma mupendwaya mukikota ne fifyashi fya mu fikolwe fyabo. ²³ Kaba bapenda kabafika 59,300 abalalume ukufuma mu mutundu wakwa Shimyoni. ²⁴ Ukufuma mumikota kyakwa Gad kabapenda impendwa yonse amashina pa muntu pa muntu na bonse abalalume abali ne myaka amakumi abili nangu kukilapo bakaba ne kuya kukondo, ukufuma kupendwa mumikota na kifyashi ifya fikolwe fyabo. ²⁵ Penka kaba penda 45,650 abalalume ukufuma mu mutundu wakwa Gad. ²⁶ Ukufuma kuba mukikota kyakwa Yuda bali pendele onse amashina pa muntu pa muntu kabili na bonse balalume aba myaka amakumi abili nangu kukilapo bakane kuya kukondo, ukufuma mupendwa ya lelo elwe iya mumikoka na mufifyashi fya mu fikolwe fyabo. ²⁷ Penka kaba penda 74,600 abalalume ukufuma mu mutundu wakwa Yuda. ²⁸ Ukufuma mu mikota kyakwa Isaka kaba bapenda bonse amashina pa muntu pa muntu kabili na bonse abalalume aba myaka amakumi abili nangu kukilapo bakaba ne kuya kukondo, ukufuma kupendwa iya lembelwe lya mu mikoka na mufifyashi ifya mufikolwe fyabo. ²⁹ Penka kaba penda 54,400 abalalume ukufuma mu mutundu wakwa Isaka. ³⁰ Ukufuma kuba mukikota kyakwa Zebuluni kaba pendwa bonse amashina pa muntu pa muntu kabili na bonse balalume aba myaka amakumi abili nangu kukilapo bakaba ne kuya kukondo, ukufuma kupendwa ya lembelwe iya mu mikoka na mufifyashi fya mu fikolwe fyabo. ³¹ Penka kabapenda 57,400 abalalume ukufuma umu mutundu wakwa Zebuluni. ³² Ukufuma kuba mukikota kyakwa Efulemi umwana umwalalume wakwa Yosefi ka ba penda bonse mashina pa muntu pa muntu na bonse aba myaka amakumi abili nangu kukilapo bakaba ne kuya kukondo, ukfuma kupendwa iya lembelwe iya mu mikoka ne ya mufifyashi ifya mufikolwe fyabo. ³³ Penka kaba penda 40,500 abalalume ukufuma mu mutundu wakwa Efulemi. ³⁴ Ukufuma kuba kikota kyakwa Manase umwana umwalalume wakwa Yosefi bali bapendele bonse amashina pa muntu pa muntu kabili na bonse aba myaka amakumi abili nangu kukilapo bakaba ne kuya kukondo, ukufuma mupendwa iya lembelwe iya mumikoka kabili na mufifyashi fya mufikalwe fybo. ³⁵ Penka kabapenda 32,200 abalalume ukufuma mu mutundu wakwa Manase. ³⁶ Ukufuma kuba mukikota ikyakwa Benjamini bali bapendele bonse amashina pa muntu pa muntu kabili na bonse abalalume aba myaka amakumi abili nangu kukilapo bangile ukufuma kukondo, ukufuma kupendwa iya lembelwe iya mumikoka ne fifyashi fya mufikolwe fyabo. ³⁷ Penka kabapenda 35,400 abalalume ukufuma mu mutundu wakwa Benjamini. ³⁸ Ukufuma kuba mukikota kyakwa Dani kaba pendwa bonse amashina pa muntu pamuntu kabili na bonse abalalume myaka amakumi abili nangu kukilapo balingile ukuya kukondo, ukufuma kupendwa iya lembelwe iya mumikoka ne fifyashi fya mufikolwe fyabo. ³⁹ Penka kabapenda 62,700 ukufuma kuba mutundu wakwa Dani. ⁴⁰ Ukufuma kuba mukikota kyakwa Ashali kabapendwa bonse amashina pa muntu pa muntu na bonse bantu abali ne myaka amakumi abili nangu ukukilapo bali lingile ukuya kukondo, ukufuma mupendwa iya lembelwe iya mumikoka ne fifyashi mufikolwe fyabo. ⁴¹ Penka kaba penda 41,500 abalalume ukufuma mu mutundu wakwa Ashali. ⁴² Ukufuma mu kikota kyakwa Nafitali kaba bapenda bonse amashina pa muntu pa muntu kabili na bonse abalalume abali ne myaka amakumi abili nangu kukilapo bakaba ne kuya kukondo, ukufuma ku mupendwa iya lembelwe mu mikoka nefifyashi fya mufikolwe fyabo. ⁴³ Penka kaba penda 53,400 ukufuma mu mutundu wakwa Nafitali. ⁴⁴ Mose na Aloni kaba penda bonse abalalume, pamo balalume abali ikumi na abili abalalume abo abali kutangilila imitundu ikumi limo na abili abena Isilaeli. ⁴⁵ Penka bonse abalalume abena Isilaeli ukufuma imyaka amakumi abili nangu kukilapo, bonse abengalwa mukondo, bakaba pendwa mufifyashi fya mufifyashi fyabo. ⁴⁶ Penka kaba penda 603,550 abalalume. ⁴⁷ Lomba abalaluma aba mukikota ukufuma mu bena Lefi taba kapendelwe, ⁴⁸ Pakuti ba Yawe kaba ne kulabila kuli Mose. ⁴⁹ ''Tamulingile ukupenda mu mutundu wa bena Lefi nangu kulundwako kulibo mukukumanisha ipendwa ya be Isilaeli. ⁵⁰ Lomba, bapele ifyakukita aba Lefi mukulama iñanda umwali kusengilwa amalamuna, kabii ne kulama fyonse mukuwamya iñanda ya kukumaninamo kabili na fyonse ifintu ifilimo. Penka abena Lefi ba kali kupita ilye iñanda, umwakulamina amalamuna, kabili balilingile ukupita iñanda iyakulaminamo amalamuna nafilya ifisangwamo. Penka balilingile ukuilama iñanda ya kusungilamo amalamuna ne kupanga ikambi ne kuishinguluka. ⁵¹ Penka mulya umwakusungila amalamuna inga iyaenda ukufuma papusha ne kuya pambi papusha. Abena Lefi bakalukupita ne kulitwala, eli mulya umwakulamina amalamuna mwafwaikwa ukupekanya, abena Lefi bakali kupekanyamo. Onse umweni ukali kupamina mulya umwakusungila amalamuna akaba ne kwipalwa. ⁵² Penka abantu abena Isilaeli ba kebake amatete abo, pa muntu pa muntu baba ne kukita ifi mukupalamina kubwipi ne mbandela iya ba shilikale bakwe abali pekenye. ⁵³ Pakwebati, aba Lefi bakebabaka amatete abo akashinguluka mulya muñanda amwikala amalamuna akulayañgana pakwebati ubukali bwangi teshi bukesepo ku bantu abena Isilaeli. Penka aba Lefi bakalama ilya iñanda umwakulamina amalamuna.'' ⁵⁴ Penka abantu abena Isilaeli kabakita fyonse ifi ifintu. Penka kabakita fyonse ifintu fyenka ba Yawe ifyo bakambishi ukupichila muli Mose.