¹ Pano kyalikichike pesabata eli ba Yesu bali kupita mumalimi, nebasambile bali kupupule mitwi ya filimwa, kabasuba mumaboko abo, nekulya ifilimwa. ² Lomba bano aba Falisi kabalabila, ''mba nindo mulukichile fintu ifi ifili fya mushilo mubushiku bwe sabata?'' ³ Mukuba kumbula, ba Yesu kabalabila, '' Tamunga belengapo kanshi ifi Dafidi akichile ili ali ne nsala, ye nebalalume ali nabo? ⁴ Kaaya muñanda yakwe Lesa ne kutola ba shinkwa abali pa menso nekulyapo bano, ne kupelapo abalalume ali nabo kabalya, nangaba yali yakulya so abapapatishi benka.'' ⁵ ''Lomba kalabila kulibo,'' umwana wamuntu eshikulu we sabata.'' ⁶ Kakikichika nabumbi ubwe sabata ili bayile muma Sinagonga ne kusambisha bantu mulya. Kwali ne muntu ali kwanka uwali ne kuboko kwa kulyo kwa bulebe. ⁷ Abakunemba ne ba Falisi bali ku mukebesha kipikipi ukubona kani akutelulushapo umuntu pa sabata, pakuchi benga mwenamo umwakupelelelo mulandu. ⁸ Pakuchi alishi ifi bali kulangulika nekulabila ku wali ne kuboko kwa bulebe, ima wimakane umu mukachi ka bonse.'' naye kaima nekwimakana palya. ⁹ Ba Yesu kabalabila kulibo,'' Namipusheni mwebo, mushilo ukukite kiweme pesabata nangu ukukita bubi? ikipulusha mweo nangaba uku onaula?'' ¹⁰ Penka ka kebesha ukushokolosha bonse nekulabila ku muntu. ''Ololola ukuboko kobe.'' kakita fyenka filya, ne kuboko kakutanduluka. ¹¹ Lomba baliswile ne bukali nekulabila kuli umo na umo pafyo benga mukita Yesu. ¹² Fyeli boneke mulishilye nshiku ili aile kulupili mukutembela. Kaatwalilila ubushiku bonse mukutembela kuli Lesa. ¹³ Ili bwakile, kabeta abasambile kuli ye, ne kuba sala ikumi na babilibo, abo ainikile abakushimika. ¹⁴ Amashina aba kushimika ali ni Simoni (uyo aitilwe ati ni Petilo) ne mukwabo Andaleya,Jakobo, Yoane, Filipo, Batolomayo, ¹⁵ Matayo, tomasi, Jakobo umwana wakwe Alifayo, na Simoni uyo uwaitilwe ati ni Selote, ¹⁶ Yuda umwana wakwe Yakobo, na Yuda Isikaliote, uyo waliwa kuba fisulula. ¹⁷ Penka ba Yesu kaba kunkuluka pa lupili nabo ne kwikala pa mpunsha apa selebele ne bumba ili kulu ilya basambile ne mpendwa iikulu iya bantu ukufuma ku Yudiya na Yelusalemi ne ba kumusesho wa Tulo na Sidono. ¹⁸ Balishile mukukuchika kuliye na mukutendulushiwa kuma lwele abo. Abantuabakatashiwe ku mipashi isha kowele nabo kaba tendulushiwa. ¹⁹ Umuntu onse mwi bumba ali kutwalilila ukwesha uku bakwata pakuchi amakosa akutendulusha alikufuma muli ye nekuba tendulusha bo bonse. ²⁰ Kabili ka kebesha kuba sambile bakwe nekulabila, mulishikishiwe mwebo mweba pengele, pakuti ubwenu bufumu bwa ba Lesa. ²¹ Mulishukilwe mwebo mwe muli ne nsala pano, pakuchi mukekuta, mulishukilwe mwemulikulilla luno, pakuchi mukaseka. ²² Mulishukilwe mwebo ili abantu bamipita, neli bamifumyamo mwebo neku mituka mwebo nekukane shina lyenu achi ilibi, pa mulandu wa mwana wa munu. ²³ Sekeleni muli bulyo bushiku ne ku nowa ukusangalala, pakuchi kyakine muline mfupi mwiulu, pakuchi ifikota kafiba pinchila abasololoshi munsila imo. ²⁴ Lomba amalwa kuli mweba nonshi, pakuchi mwapokela limo ukutekenesha. ²⁵ Amalwa kuli mwebaikuta lun, pakuchi mukaba ne nsala kuntanshi. Amalwa kuli mwebali kusaka pano, pakuchi mukalila ne kuli pamaula kuntanshi. ²⁶ Amalwa kuli mwebo ili abantu balabila fiweme pali mwebo, pakuchi efi bali kubatangata abasololweshi babufi. ²⁷ Lomba nalabila kuli mwebo likumfwa, Temweni abalwani benu nekuba kichila fiweme abo bonse abapate benu. ²⁸ Bashukisheni abamifinga mwebo neku batenbelela balya abamikite fibipile mwebo. ²⁹ Kuli uyo u mipama kwitobo limo, mupeni nalimbi, kani umo apinte kochi iyobe, we kanya nangu kuli kwachilila. ³⁰ Paneni kuli onse uyo wakulomba kani umo akupinchile ikintu kyobe webo, wemweba ukukubwesesha webo. ³¹ Fyenka ufwaya abantu kukukichila, namwebo ngamukite fimo kuli bo. ³² Kani mwatemwaso abantu aba mitemenwe, mba nindo mukamwenamo? Pakuchi nembifi shilitemenwe abashitemenwe. ³³ Kani mwakite fiweme kuli benka abakite fiweme kuli mwebo, ninsa bune muka mwenamo? Pakuchi ne mbifi shilakita fimo. ³⁴ Kani mwakongwesha so abantu abo muketekela ukumipela, ninsa fintu muka mwenamo? nembifi shilakongwesha mbifi mukupoka mwenka mukipimo kimo. ³⁵ Lomba kamutemwa abalwani benu nekubakichile fiweme bo. Kongwesheni, ukwakubulo ukutengelo kupokelelapo fimo, ne mfupo yenu yikafula ukwa kuchi, kabili mukaba bana ba mwine uwa peulu apene, pakuchi umwine ye ali ne nkumbu kuli babo abatabatota ne mbifi sha bantu. ³⁶ Mube ne nkubu fyenka wishinwe alinenkumbu. ³⁷ Mwe pingula, na mwebo tamukapingulwa, mwefwisha ne milandu, namwe tabakamifwisha ne milandu, fitulukileni aba byenu, namwebo mukafitulukilwa. ³⁸ Paneni, na mwe mukapelwa. ikipimo ikiweme ikyakushindaila ne kushinkanya pano ne kwitaika fikichikikilwa munchibi yenu. Pakuchi ku kipimo mubomya, bakamibweshesha ukumipiminako na mwebo.'' ³⁹ Kabili ka babula libili ikishimpi.'' Impofu yenga tangilila impofu naimbi? Kani kuchi yakita, bonse kuchi ba ponena mukilinji, Lomba tekuchi? ⁴⁰ Umusambile takilile umusambishi, lomba onse usambilisha ukufikapo alaba kubachi musambishi wakwe. ⁴¹ Mba nindo mukebesesha pali ka kyani kali mulinso lya mukwanu, lomba ta ubona mulandu uuli mulinso lyobe? ⁴² Kuchi walabila shani ku mukwanu,' wemukwasu, leka nkufumye ka ka kyani akali mulinso lyobe,' Lomba webo wemwine taumona mulandu uli mulinso lyobe? Mweba bufutu! Tange fumyeni umulandu mulinso lyobe wemwine, Lmba webo wakubona bwino ne kufumyamo kakyani akokali mulinso lya mukwanu. ⁴³ Pakuchi takulipo ikichi ikiweme iki pange ifisepo ifibolele, nangu ikichi ikibolele kakipange fisepo ifiweme. ⁴⁴ Pakuchi ikichi kyonse balakishibila ku musango wa fisepo kipanga. Pakuchi abantu taswapo umakuyu ku kichi kya munga, neli ma ngalepa ukufumya ku kichi kya? ⁴⁵ Umuntu umuweme kumuchima wakwe kulafuma nififyo ifiweme, ne mubifi kumumichima kula fuma ifyo ifya bubi. Pakuchi ubwingi bwa fyakumuchima efyo akanwa kakwe kalabila. ⁴⁶ ''Nindo mungichila, 'Shikulu, Shikulu,' Lomba tamukonkapo ifintu ifi ndabila? ⁴⁷ Umuntu onse uwisa kuli nebo ne kukuchika kumashiwi angi ne kuakatalila o, nakumubuleni ifi ali. ⁴⁸ Ali kuba achi muntu usompe ñanda, uwa sepele panshi mumushili ne kusompa mufula wa ñanda pebwe ili kosele. Ili ukwiswilwa kwaisa, Ne mukuku wa menshi pa kwenda ku ñanda lomba tekuchi isunkane, pakuchi bali isompele bwino. ⁴⁹ Lomba umuntu uumfwa amashiwi angi ne kubulo uku akita, ali kwachi muntu uwa sompele ñanda peulu ukwakubulo mufula. Ili umukuku wa menshi pakwisa ku ñanda, penkapo ilapona, ne konaika kwa iyo iñanda kwa pwililika.''