¹ Inta pano; kani kulipo u_wakwasuka webo? kuli u_wuswetele wakwalukila? ² Pakuci ubukali bulepaya mbulamano; ubukwabulepaya kipuneme. ³ Namona mbulamana kalukufumya imishashi, lomba bwangu ndukufinga iñganda yakwe. ⁴ Abana bakwe bali apatali kukupuluka; babafikina pamilyango ya mishi. Takulipo nelli umo u_wakubapususha. ⁵ Abasala balilile ukukesa kwambo; bali fumishe naku myanga.Bulyufwile ikilaka kya fuma. ⁶ Pakuci amakatasho tafuma mumushili; nangu ukukula ukufuma panshi. ⁷ Penka umuntu ali fyalilwe amakatasho, fyenka isasamwenfe shilamina mwiulu. ⁸ Lomba nemo, koalukila kuli balesa; kuli bo eko kopela amakatasha__ ⁹ balakinta ifipapwe nefitabafwailisha ifintu, nefyakukumya ifitabapenda. ¹⁰ Alapana ifula pakyalo, nokutuma amenda mumabala. ¹¹ Balakitefi ukwibaka abali panshi; ukwimya umutende abalukulila. ¹² Alamokaula amalangulushi yabakubasa abantu, ukwebati amaboko tekuti apokelele. ¹³ Alateya twando abamano mumilangwe yafyakubasa; amalangulushi yabantu bwangu yafika ukushila. ¹⁴ Balaleta ifishi akasuba nakasuba koti bushiku. ¹⁵ Lomba alulama abapenge ukufuma ku mashiwi yatunwa twabo naba kalilwa kumaboko aba kulilemya. ¹⁶ Ali abapenge baliketekele, nokupingula ukwisala utunwa twabo. ¹⁷ Moneni ushukilwe umuntu balesa ba lulula; penka ulitota pamakosa. ¹⁸ Alakita ifilonda nokukusha; alakita ifilonda namaboko alafendulusha. ¹⁹ Akaku pulusha kumakatasho asanu na kamo; mukine, mumakatasho 7, takulipo ikipile kikafika pali webo. ²⁰ Mufipowe akakubutusha kulufu, namubulwi namaboko alupunga. ²¹ Ukafiswa ukufuma kululimi ulubipile; nokubula ukutina ubonaushi ukwisa. ²² Ukaseka pabonaushi ne fipowe, kabili tawakatine utumini twapa kyalo. ²³ Ukaba nolulayano lwa libwe mwibala lyobe, notumini twebala tukaba mumutende nawebo. ²⁴ Ukeshiba ati iteti lyobe muli mutende; nokupepula ibelele nokubula ukulufyapo neli kamo. ²⁵ Ukeshiba ibunto shikaba ishingii, nekifyashi kikaba koti fyani fya panshi. ²⁶ Ukesa kufilende koli mukote, koti mupowe seke ifikulu papindi. ²⁷ Mona, twapima uyu mulandu, alifi; kutika nokwishiba wemwine.