¹ Ba Lesa balimwishibile Nowa, inama shyampanga shonse, kabili ne filelwa fyonse ifyo ifialinafyo mu mwato. Ba Lesa balilebele ikipuupu kyamwela pa kyalo kyonse kabili na menshi alitapile kuuma. ² Palya palukutupauka amenshi apatali kabili na mwiulu mwalishikile, kabili yalilekele nokunoka. ³ Amenshi yamuyulo yalitapile ukuma panini panini ukufuma pakyalo, nelyo papitile ishiku umwanda umo ne makumi asanu amenshi yalyumine. ⁴ Ubwato bwali lekele ukwenda mumwenshi wabusano natubili na pabushiku bwa busano natubili muli ulya mwenshi penka pa lupili lwa Alalati. ⁵ kabili amenshi alitwalilile ukuma ukufika na pamwenshi wekumi limo. Pa bushiku ubutanshi ubwa muli uyu mwenshi, apapelele impili palitampile ukumoneka. ⁶ Elyo papichile ishiku amakumi yane Nowa alishikwile amawindo aya bwato ubo apangile. ⁷ Alitumine ikikwangala ukuya kabili kyalile no kukubwele kabili nokuya libili, nokubwela takyabwelele ukufika nelyo amenshi aumine pakyalo. ⁸ Kabili elyo atumine aka kunda ukuya mukumona amenshi nga yauma onse pakyalo. ⁹ Pano ikunda yalisangile tapali napa kunyanta ukuuulu, kabili kali bwelele kuli ye mubwato. Amenshi yakili kayafimbile umushili pakyalo kyonse. Alitambikile ukuboko kwakwe ka ke kalapo, elyo aipichile no kuikaleta mubwato pamo na yee. ¹⁰ Alipembelele ishiku shisano na shibili kabili alitumine ikunda libili pakyalo ukufuma mubwato. ¹¹ Ikunda yalibwelele kuliye ikyungulo. Mona! mukanwa kakwe mwali ibula ilyo kaswile ku kichi kya Olife. Pano Nowa alishibile ati amenshi auma pa kyalo. ¹² Alipembelele pashiku shimo na shibili, kabili alitumine ikunda libili. Tayabwelele libili kuli ye. ¹³ Kyali ni mu muyanda isanu na umo kabili umwaka uutanshi, umwenshi uutanshi, no bushiku ubutanshi ubwa mwenshi, umo amensh aumine pa kyalo kyonse kyapanshi. Nowa alifimbwile ikyafimbile pa bwato, nokunkenkenta, alimwine ati, kyakiine, peulu yamushili ponse pauma. ¹⁴ Mumwenshi wabubili pabushiku bwalenga amakumi yabili na nsono nayo ikyalo kya lyumine kyonse. ¹⁵ Ba Lesa kabalabila kuli Nowa, ¹⁶ ''Fuma mubwato, webo, umukashi obe, abana bobe abalalume kabili nabakashi ba bana bobena webo. ¹⁷ Mpinta fyonse ifya mweo ne mubili ifyo uli nafyo - ifyoni, nama, na kyonse ekikalaba pa kyalo pakwebati bafule pa kyalo, pakuti ba fyalulule na kufula pa kyalo.'' ¹⁸ Kabili Nowa alifuminemo na bana bakwe abalalume, umukashi wakwe, na bakashi ba bana bakwe nabo pamo. ¹⁹ Kyonse ikya mweo, kyonse ekikalaba, ikyoni kyonse, fyonse ifyenda pa kyalo, umwilile ukufyalwa kwabo, fyalifumine mu bwato. ²⁰ Nowa ali nsomele ikilambwilo kuli ba Yawe. Alibulile inama ishituntulu ne toni utuntutulu no kupana umulambu pa kilambwilo. ²¹ Ba Yawe ba lyufwile ubwema ubuweme no kulabila ati mumutima wabo. ''Sha kafinge umushili umulandu wa bantu, nangu imilanguluko ya mumitima yabo ibipile ukufuma kubwanike bwabo. Nangu libili sha konaulepo kyonse ikili no bui fyenka ifyo nakita. ²² Umwikalile ikyalo, ishita yakubyala neye kufumya ifyakulya, ipempo ne kibe ulusuba no mwela, kabili akasuba no bushiku ta fyakapwe.''