¹ penka panuma yakupita ififintu . Pakuti kalabila kuli Yosefu ati , '' Moneni , bashiwine ba lwala .'' Penka ena kapita pamo ena nebana bakwe babili , Manase na Efilayimi . ² Pakuti Yakobo balibele ne kumubula ati , '' Moneni , umwana wenu Yosefu isa ne kufika afika mukuba moneni mwebo . '' Isilaeli kabuka nekulikoselesha ko ne kwima mukwikala pa mupunda wakwe . ³ Yakobo kalabila kuli Yosefu , '' Ba Lesa a bamakosa onse bali monekele kuli ne bo kweka ku lusu mu kyalo kya Kenani . Ena ne kushukisha nebo ⁴ ne kulabila kuli nebo ati , ' Kosa , nebo kakulenga ukufyalulula ne kuba fusheni mwebo . Nebo kakulenga webo ukuba ibumba lya mikoka yonse pakyalo .Nebo kaba nekukupela iki kyalo kuli webo ukuba bupyani bobe umuyaya mukubupoka . ⁵ Lomba abana babili abobe , abo ababele ne kufyalilwa kuli webo mu kyalo kya Ijipiti ilyo nebo shingesa kuli webo mweka mu Ijipiti , bena bakalu kuli bangi nebo . Efilayimi na Manase bakalu kuli bangi ne mwine . Pakuti palifyo Lubeni na Simyoni bangi nebo . ⁶ Pakuti abana bobe abo bakafyala panuma bakulu kuli bobe : Penka bali kuba ne kwinikilwa amashina kuba kwabo mukuli kuba pyani bwabo . ⁷ Pakuti kwati ni pali nebo , penka nebo kangisa ukufuma ku Padana , ne kililishi kyangi ikya kwa Lakeli wafwile mu kyalo kya Kaneni pakulu kwisa mushila , ilyo kwali umushiso ne kuya mu kufika ku mushili ilyo twali kuya ku Efilata '' ( pakutiali e Betelemi ) . ⁸ Penka Isilaeli kabona Yosefu nebana bakwe , ena kalabila ati , '' Mbabani banani ? '' ⁹ Yosefu kalabila kuli bawishi ati , '' Aba bana bangi , abo ba Lesa ba pele nebo kuno . '' Isilaeli kalabila ati , ''Ba leteni kuli nebo bonse pakuti nebo mbe ne kubashukisha abo . ¹⁰ ''Lomba Isilaeli amenso talikubwe ne shapo pakuti pakwebati ali kotele ne myaka yalifulile . Lomba ena tulikubonapo . Penka Yosefu ka baleta bonse kubwipi kuliye , naye kaba fyompa bonse ne kubakumbata bonse . ¹¹ Isilaeli kalabila kuli Yosefu ati , '' Nebo shalikulangulukapo ati kamonapo ikilungi kyobe webo libili pakuti ba Lesa baba ne kusuminisha nebo ukumona abana bobe . '' ¹² Yosefu kabaleta bonse ukubafufya ne kubabika mukachi ka makufi akwa Isilaeli mumakufi . Kabili penka bena kaba fukama kweka ku kilungi kyakwe na pashi . ¹³ Yosefu nekubatwala bonse , Efilayimu kukuboko kwa kilulyo ukutwala kuli Isilaeli kukipiko kukuboko . Kabili Manase kweka kukuboko kwa kipiko ukutwala kuli Isilaeli kukuboko kwa lyine . Kabili kabaleta bonse kubwipi ena . ¹⁴ Isilaeli katambika ukuboko kwakwe ukwa lyine ne kuteteka pamutwi wakwa Efilayimi , uyo uwalimwanike . Kabili ukuboko kwa kipiko kabika pali Manase pamutwi wakwe . Ena kapusanya amaboko akwe pakuti Manase ali mubeli . ¹⁵ Isilaeli kumushukisha Yosefu , kalbila ati , '' Ba Lesa abo aba wishifwe ba Abalama naba Isaki ababali kubombela , ba Lesa abo abandamine nebo kuli shi ishiku , ¹⁶ na bamalaika abo abalikundwila nebo ukufuma kuli fyonse ifyaku bifya fyangi . Nga aba shukishe ena abana aba abanike . Penka ishina llyangi ngalikashimbulwe palibo . Kabili ne shina lya ba wishifwe ba Abalama na ba Isaki , nga bakafule bakabe libumbe ilikulu pa kachi pakyalo kya panshi . '' ¹⁷ Penka Yosefu ili abwene ba wishi ba kingya ukuboko kwalyine ba teteka pa mutwiwakwa Efilayimi penka taufwilepo bwino ena . Ena kabula ukuboko kwaba wishi ukwa lyine nekukufumyapo pa mutwi wa kwa Efilayimi ne kukubika pa mutwi wa kwa Manase . ¹⁸ Yosefu kalabila kuli wishi ati , '' Tali nififyo , mweba bafyashi : Pakuti uyu emubeli , bikeni ukuboko kwenu ukwa lyine pamutwi wakwe . '' ¹⁹ Penka ba wishi kabakana ne kulabila ati , '' Nebo njishi wemwana wangi . Nebo njishi , ena uyu akali kuli ne kuba pa bantu . Kabili ena akaba ne kuba mukulu . Penka uyu mwanike wakwe akali kuba mukulu sana pali ena . Kabili bakamufyalwa bakwe bakaba ne kufula pano pakyalo kya panshi . ²⁰ Isilaeli ka ba shukisha bonse pali bulya ubushiku pamo naya amashiwi .'' Penka mwebantu bakwa Isilaeli ndukulabilalisha ati amashoko pa kapa mashina enu mwese kolabila , kuli ba Lesa nangi bakaba kiteni mwebo ukuba kwati ni Efilayimi ne kuba kwati ni Manase . '' Muli iyi shila , Isilaeli kabika Efilayimi ubaba mukulu pali Manase . ²¹ Isilaeli kalabila kuli Yosefu , '' Mona nebo naba pano mukifika mukufwa . Pakuti ba Lesa bakali kuli pamona webo . Kabili bakaleta kuli webo ukukubwesha ku kyalo kya bawishefwe . ²² Kuli webo , uyo umo uli mukulu kuli bonse abakwabo . Nebo napela kuli webo ukuba kipimo kya lupili ulukukulukile ulo ulu napokele kuminwe ya ba Amoli ku mupani wangi na kubuta bwangi . ''