¹ Yakobo alikele kukyalo mwaleikala bawishi , mukyalo kya Kenani . ² Ifi efitwa ifi a kitile Yakobo . Yosefi , uyu uwali munsakwa nemyaka ikumi limo na isanu naibili . Ale embela ifitekwa pamo nabakulu bakwe . Alipamo nebana bakwe Bilya kabili nebana bakwa Silipa , abakashi ba bawishi . Yosesi ali babulile bawishi ifya nibele ibipile iyo balekita . ³ Nangaba nifyefyo Isilaeli alimutemenwe sana Yakobo ukukila abana bakwe bonse , pakutiye alimufyalile mubukulu, kabili alimusonene ikyakufwala ikiweme ikitali . ⁴ Kabili abalongo bakwe balibwene ati bawishibo balimutemenwe sana , ukukila bakwabo bonse . Balimupachile sana nekumufichilwa . Kabili tabale labila nakwe mukiweme . ⁵ Kabili Yosefi alilotele ikiloto , kabili alibabulile abakwabo pamulandu wakilye kiloto . Kabili balimufichilwe ikyakine kine ali labile kulibo . ⁶ Ati , '' Nasasapo umweni kuliki ikilotoikyo nebo nakilota . ⁸ Pano boneni , twalukukaka imipo yakalyo mwibala , kabili umfweni umupo wangi nemo alimine nekwimakan. Kabili umfweni imipo yenu yalishile mukushinguluka umupo wangi nekufukama nekulambila .'' ⁷ Kabili abakwabo kabalabila kuliye ati , '' Kyakine ni webo wakututeka ? Niwebo uwakulinga ukututangilila ? '' Kabili bali mupatile sana pa filoto na pamashiwi akwe . ⁹ Kabili alishile mukulota nakimbi ikiloto nekubeba abakwabo bonse , kalabila ati , '' Boneni nakilota nakimbi ikiloto : Penka akasuba , nemwenshi kabili netubangabanga ikumi nakamo f fyali mfukamine panshi nekukundambila .'' ¹⁰ Kabili alibulile nabawishi fyenkifi abulile abakwabo , kabili ba wishi blimukenye , ne kulabila kuliye ati , '' Ngeki kiloto iki walota kyalola mwisa ? '' Ninshi banoko nanemo ne bakwanu ukwisa mukukufukamina nekukulambila webo ? '' ¹¹ Abakwabo kabamu mfwila ikichima ye . Pakuti bawishi balelama aya amashiwi mumilanguluko . ¹² Kabili aba kwabo balile ili bembela itanga lyang'ombe ilya ba wishi kushekemi . ¹³ Kabili Isaleli kalabila Yosefi ati , ''Nkanshi abakwanu tabale embala itanga kushekemi ? Isa , ndekutuma kuli bo . '' Kabili Yosefi kalabila kuliye ati , '' Ndi ulipekenye . '' ¹⁴ Naye , kalabila kuliye , ati , '' Pano koya , ukamone kani aba kwanu balifye bwino pamo netanga kani lilifye bwino , ukambweseshe ishiwi .'' Penka Yakobo ali mutumine muki mpachiko ikya Ebuloni . Kabili Yosefi alifikile na kushekemi . ¹⁵ Kabili umuntu umbi ali musangile Yosefi , kalunkwendauka lukoso mwibala uyu muntu ali mwipwishe ati , '' Nkanshi ulukufwaye ndo ? '' ¹⁶ Yosefi kalabila ati , '' Nebo ndukufwaya abakwasu . Mbule nasasapo , ukubale embela itanga . '' ¹⁷ Uyu muntu kalabila ati , '' Kuno balifumineko . nalibomfwile kulabila ati , ' Twendeni tuye ku Dotani . ''' Penka Yosefi alibakonkele abakwabo nekubasanga kwenkaku Dotani . ¹⁸ Penka bo kabamumwena apatali ili tanga palamina apepi na bo . Balyumfwang'ene ifya kumwipaya . ¹⁹ Penka abakwabo balelabila umo kumu kwabo ati , '' Boneni uwakulotolola ifiloto afika .'' ²⁰ Pano iseni twendeni tumwipaye tumupose mukilindi ikitali fwebo tukalabila ati , ikilwan kyamumpanga kyali mulile . ali tukamone ifiloto fyakwe ifi fikaba . ²¹ Lubeni alyumfwile alimupokolwele mumaboko abo . Ali labile ati , ''Twi esha ukonaula ubumi bwakwe .'' ²² Lubeni alilabile kulibo ati , '' Tekwesha ukusumya umulopa muposeni mukilindi ikili muno mumpanga Pano tekwesha uku kwatapo amaboko paliye . '' Ali labilefyo , mukufwaya ukumupulusha mumaboko abo nekumubwesha kuli ba wishi . ²³ Yalifikile impindi imo ili Yosefi afikile kubakwabo bonse bali mufulile umwingila wakwe uweme . ²⁴ Bali mubulile ye nekumuposa mukilindi mwenka mulya , kabili mukilindi twamwalipo amenda . ²⁵ Penka kabekala napanshi nekulya umukate . Ili bakebukile ne kwinuna ifilungi fyabo nekulolesha , kabili , boneni , balibwene ikikochikala ikya bena Ishimeli ikya lefuma ku Gilyandi , pamo ne ngamela kanshipintile , ifinunkile bwino nefinangana ifya muchi na mola baleya nafyo mukufitwala ku Ijipita . ²⁶ Yuda kalabila kubakwabo ati , '' Mba ninsa fintu tukasangilamo umfwa katumwipaya umukwasu nekwichila umulopa wakwe ? ²⁷ Iseni , twendeni tumushitishe lukoso kubena Ishimeli ukukila ukumwikata nekumwipaya . Pakuti ye mukwasu , nakumubili , kabili abakwabo bonse kabomfwa kuliye . ²⁸ Penka ili balepita abasulushi abena Midyani , abakwabo bali mufumishemo Yosefi mukilindi nekumutuntusha . Bali mushitishe Yosefi kubena Ishimeli na silifwa iya mabwe ali amakumi abili , kabili abena Ishimeli balimu pinchile Yosefi nekuya nakwe mu injipita . ²⁹ Ili abwelele Lubeni kukilindi , kabili alibwene , ati Yosefi talimo mukilindi , alitabawile ifyakufwala fyakwe . ³⁰ Nekuya nekubwela kubakwabo nekubeba ati , ''Umwanike mukilindi talimo ! mba nanebo nokwepi nakuya nebo ? ³¹ Bali peye imbushi nekubula umwingila wakwa Yosefi nekumufwafwatika mumilopa . ³² Penka bali mutwele umwingila kuli wishibo neku labila ati , Twasangefi , '' twasasapo boneni kani ninsalu ishifwala umwana wenu nangu yowe '' ³³ Yakobo alishishibile ne kulabila ati , '' Fyakufwala fya mwana wangi . Ifinama ifikali ifyamumpanga efyamutabaula neku mulya . Yosefi ikya kine ba mutabaula muli tufipifwa fipimfwa .'' ³⁴ Penka yakobo ali tabawile umwingila wakwe nekufwala ikya kufwala kyesaka ikya kulililamo mumusana wakwe . Kabili alilile umwana wakwe inshiku ishingi . ³⁵ Kabili abana bakwe abalalume nebanakashi balimine neku lukumutekenesha , pakuti naye alikene ukumutekenesha , alilabile ati , '' Ikyakine njinekuya ku Sheoli mukulila umwana wangi . Kabili bawishi balimulilile . ³⁶ Penka abena Midyani nabo bali mushitishe mu injipitakuli Potifa ikilolo kya Felo . Umukulu wabakulama Falo .